Lere: Ohin loron ema halo polítika tanba osan

Xefe Estadu Maior Jeneral F-FDTL, Major Jeneral Lere Anan Timur, hateten ohin loron ema halo polítika la’os atu serví Estadu no nasaun, maibe halo polítika tanba osan.

Lere Anan Timur hateten asuntu ne’e iha primeira konferensia Komité Orientadór 25, iha Centro de Convenções Díli.

Eis guerileiru husi rejiaun um hateten, politika ohin loron ne’e polítika osan tanba realidade hatudu katak involve an iha vida polítika la’os atu serví estadu no nasaun maibe halo politika atu buka osan no halo osan.

Tuir komandante rejiaun ponta leste ne’e katak, politiku na’in tenke habosok povo atu hetan kadeira hetan osan no sai famozu.

“Ohin loron ita halo politiku ne’e tanba saida mak halo politiku ?; Ema balu dehan katak  ita halo politiku atu serví estadu no nasaun. Mas ba hau, ema halo politiku atu buka osan no halo osan, tanba saida ? kuandu halo polítika hetan kadeira no kadeira fó osan ba nia, atu sa’e naran (famozu) hau tenke bosok ne’e primeiru, ikus mai mak o fiar ka lae, maibe hau bo’ot tiha ona. Ne’e mak imi joven sira imi estuda tenke adapta mos imi nia matenek sai referensia ida ba realidade Timor-Leste,”hateten Xefe Estadu Maior Jeneral F-FDTL, Major Jeneral Lere Anan Timur hatete foin lalais.

Objetivu primeiru konferensia komité orientador 25 nian ne’e, atu introdus komité ba públiku konaba ezisténsia komité nian no servisu ne’ebe mak komité halo liliu peskiza ba istória Timor-Leste nian. Ito