PNTL sei halo destroisaun ba motorizada ilegal

Komando Polísia Nasionál Timor-Leste (PNTL) munisípiu Díli,  hein hela karta destroisaun  husi  Ministériu Públiku, atu halo destroisaun ba motorizada ilegal sira ne’ebé mak membru polísia tránzitu prende rai malahuk to’o ferujen.

“Motor balun komesa  iha 2007, ne’ebé mak besik ferujenona, kuandu  sira  (Ministériu Públiku) hasai sertidaun destroisaun mai, ida ne’ebé mak  ami bele halo destroisaun, ida ne’ebé mak ami koordena entrega ba Patrimoniu Estadu, ne’e nia kanal prosesu ne’e iha ona   ministériu Públiku ona”,esplika Segundu Komandante PNTL munisípiu Díli, superintendente Assistente Euclides Belo, ba jornalista sira Sesta (15/11/19), iha kuartel PNTL kaikoli  Díli.

Euclides Belo akresenta,  motorizada sira temi  ilegal ne’e tanba laiha liu dokumentu.

“Hanesan uluk ha’u temi atus  hat resin, nein  dokumentu ruma nein sapa matrikula, ne’e konsidera ilegal”,dehan Euclides Belo.

Tuir observasaun GMN  iha  resintu PNTL Díli katak, epasu  hodi para evidensia sira hanesan motorizada no kareta sira komesa nakonu ona iha fatin refere. Tanba  ne’e,  antes ne’e komando PNTL identifika ona fatin rai evidensia sira iha Postu Polísia iha Tasitolu, maibé to’o agora la utiliza  fatin refere no husik mamuk hela de’it.avi