JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

TR estuda hela LAP-LFP

TR estuda hela  LAP-LFP

Prezidente Tribunal Rekursu (PTR) informa, Tribunal Rekursu (TR) hala’o hela estudu ba Lei Atividade Petrolíferu (LAP) ho Lei Fundu Petrolíferu (LFP) ne’ebé Xefe Estadu, Francisco Guterres Lú Olo husu atu halo fiskalizasaun ba dala rua nian, hafoin Parlamentu Nasionál (PN) aprova tan ba dala rua nian.

“Iha ona pedidu rua husi PR, tama ona iha TR iha semana ida liu bá, iha loron 30 fulan Outubru, agora dadauk ne’e TR estuda hela, depois mak foti desizaun, haree ba tempu ne’ebé konstituisaun hateten ona”,relata PTR ba jornalista sira, bainhira partisipa komemorasaun masakre 12 de Novembru  ba dala 28, Tersa (12-11-2019).

Deolindo salienta, maske xefe estadu fiksa prazu tempu ne’ebé lahanesan, maibe TR sei esforsu atu bele foi desizaun ho lais no tempu ne’ebé hanesan, tanba lei rua ne’e iha interligadu ba malu.

“ Iha ida PR fiksa ba 15 dias, iha ida prazu ba 20 dias, maibe tanba lei rua ne’e iha ligasaun ba malu, ida ho ida seluk,

Tanba ne’e, TR sei esforsu másimu atu bele foti desizaun ho forma ne’ebé lais, no iha tempu ne’ebé hanensan, nune’e bele fó sai dala ida de’it,”afirma Deolindo dos Santos.

Antes ne’e, Prezidente Parlamentu Nasionál informa, aalterasaun LAP ho LFP ne’e Xefe Estadu haruka hikas ba Tribunal, hodi kestiona alterasaun ne’ebé halo seidauk halo justifikadu ho notifikasaun ne’ebé uluk.

Entertantu, Lei atividade petrolífera ho lei fundu petrolíferu ne’e rasik, antes ne’e parlamentu nasionál altera no haruka dahuluk iha pakote lei tratadu fronteira marítima maibé, hetan veta husi Xefe Estadu, bazeia ba rezultadu fiskalizasuan husi tribunal ne’ebé hatudu inkonstitusional.

Lee hotu :   Tribunal deside entrega bebé ba nia inan-rasik ■ Komunidade Lahane konsidera injustisa

Hafoin ne’e, parlamentu nasionál ho inisiativa aprezenta projetu lei foun, hodi altera artigu balun ne’ebé konsidera inkonstitusional, no haruka hikas ba Xefe Estadu maibé, Xefe Estadu haruka hikas ba tribunal rekursu, atu bele halo fiskalizasaun abstrata ba lei refere durante loron 15 to’o loron 20.say

Add to Comments Here!!!!

error: Content is protected.
Secured By miniOrange
You might also like:
PR Lú Olo husu Lugu servisu ho reponsabilidade ba povu RAEOA

Prezidente Repúblika, Francisco Guterres Lú Olo,...

José Ramos Horta: Halakon kiak iha TL hahu husi ukun nain

Eis Prezidente Repúblika, José Ramos Horta,...

Jerasaun foun konsidera jerasaun tuan egois demais, Dioniso : Impasse politiku halo TL frazil liután

Jerasaun Foun konsidera jerasaun tuan egoista...

Close