JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Solidariza povu TL, APF ohin halo asaun pasífika kontra Australia

Solidariza povu TL, APF ohin halo asaun pasífika kontra Australia

ASEAN People Forum (APF), ohin Sesta (5/8/2016), tuku 3:00 lorokraik OTL, sei halo asaun pasífika iha Kapital Dili hodi kontra Governu Australia.

Asaun pasífika ne’e hodi fo solidariedade ba Governu Timor-Leste (TL) kona-ba negosiasaun liña fronteira marítima, ne’ebé Australia tenke respeita direitu soberania povu Timor Leste nian.

Reprezentante APF Malaysia, Jerald Joseph, informa katak, iha forum ne’e grupu balu foti isu kona-ba direitu fronteira marítima povu Timor Leste nian ne’ebé Governu Australia tenta dezvia hela deit. Tanba ne’e mosu diskusaun ne’ebé nia finalmente atu halo asaun pasífika kontra Governu Australia para respeita povu TL nia soberania.

“Los duni kona ba asuntu fronteira marítima iha ona ajenda atu halo asaun pasífika ida iha Dili hasoru Australia, ami nasaun husi ASEAN ami apoia tomak TL,” afirma Komisaun organizadora ba ASEAN People Forum husi Malaysia, Jerald Joseph liu husi konferensia imprensa iha Centro Convensaun  de Dili (CCD), Kinta (04/08/2016).

Partisipantes hotu iha APF ne’e sei hola parte hotu iha asaun pasífika refere hasoru Governu Australia liu husi nia  Embaixada iha Dili.

Hafoin asaun ne’e sei iha mos kalan solidariedade, iha ne’eba maka iha deklarasaun solidariedade husi nasaun ASEAN nian kona ba fronteira marítima nian hodi fo solidariedade ba TL.

Iha fatin hanesan, komisaun orgaizadora APF-TL, atual Diretor Exekutivo FONGTIL, Arsenio Pereira da Silva, realsa tan katak, iha forum ne’e iha ona programa ida, tanba delegasaun sira hakarak hatudu sira nia solidariedade ba Timor.

“Fronteira marítima ne’e asuntu ida ne’ebé mak hatama mos iha deklarasaun ofisial hodi hato’o ba iha nasaun ASEAN sira, ida ne’e maka partisipante sira hot-hotu fo hanoin katak atu halo asaun pasífika iha Dili,” informa Arsenio Pereira da Silva.

Lee hotu :   Lei eleitoral ‘obstaklu’ ba vontade popular, Presiza hadia iha eleisaun jeral

Antes halo marsa ba embaixada Australia, partisipantes hotu sei konsentra iha Bebora, eis jardin Balai Prajurit,  ne’ebé bele hakat ho kalma no profesional to’o iha embaixada Australia nian, Fatuhada, Dili.

“Ami la presija uza oras barak nia laran, maibe importante reprezenta husi nasaun ida-idak husi ASEAN hato’o deit sira nia mensajen bele fila fali ona,” informa Arsenio.

Komisaun organizadora koordena ona ho parte seguransa Polisia Nasional Timor-Leste (PNTL) hodi fo seguransa durante asaun ne’e.

Nune’e mos, membru komisaun organizadora husi Filipina, Arturo Noero dehan, ASEAN People Forum (APF) ne’e atu ajuda Timor Leste ejije nia direitu ba fronteira marítima.

“Ami iha ne’e atu ajuda Timor Leste hetan nia direitu ba fornteira marítima no ami sei esforsu aan hodi lori Timor Leste tama iha ASEAn,”dehan Arturo.

Iha fatin hanesan Fernando da Costa husu nasaun membru steering commite nasaun 11 atu apoiu forti ba iha desizaun Timor nian ba ASEAN no fo solidaridae nakonu ba Timor nia luta ba soberania tasi timor.

RI apresia TL lidera APF

Nune’e mos, reprezentante Republik Indonesia (RI) iha APF apresia, Timor-Leste (TL), nia esforsu tomak hodi lidera ASEAN People’s Forum (APF) tanba kondisaun TL la hanesan ona iha tempu pasadu ho Indonesia ninian.

“Ami husi Repúblik Indonesia (RI) hato’o obrigadu boot ba TL, no husi ajudus amigu sira husi Malaysia no Filipina selu-seluk tan ne’ebé realiza ASEAN People’s Forum (APF) ou ASEAN Civil Society Conference (ACSC) ida ne’e iha Díli, espesial husi Indonesia forum ida ne’e sentimental teb-tebes, no tanba kondisaun TL agora mais ou menus di’ak liu tempu okupasaun Indonesia ninian iha pasadu,” Reprezentante ASEAN Indonesia, Shantoy Hades liu husi konferensia imprensa ne’ebé realiza iha Centro Convenções de Díli, Kinta (04/08/2016).

Lee hotu :   PD E FRETILIN COM NOVA REUNIÃO APÓS DEBATE INCONCLUSIVO SOBRE FUTURO GOVERNO TIMORENSE

Nia esplika, RI suporta teb-tebes mudansa ne’ebé maka di’ak iha TL, espesial atu adere ba ASEAN, maibé RI rasik labele dehan TL bele adere ba ASEAN (Association of South East Asian Nations) ka TL labele adere ba ASEAN, maibé desizaun ne’e mai husi TL.

“Maibé ba buat ne’ebé maka akontese agora espesial maka ba pillar ekonomia, tanba ita agora iha komunidade Masyarakat Ekonomi ASEAN (MEA), nune’e ha’u hanoin kuandu TL atu adere ba ASEAN ita tenki tetu didi’ak, tanba ami husi APF ou ACSC dalaruma la hetan espasu husi ASEAN, nune’e araska ita atu tama ba sira, tanba dalaruma ita laiha espasu atu komunika ho sira i azvezes iha desizaun ASEAN ninian, nune’e susar tebes wainhira ita atu interven,” dehan Shantoy Hades.

Nia informa katak, tanba ho experensia nasaun 10 ne’ebé maka sai ona membru ASEAN bele mós sai referensia ba kolega sira iha TL, maibé klaru katak nasaun-nasaun ne’ebé maka iha rejiaun Sudeste Aziatiku iha esperansa solidariedade ba TL atu adere ba ASEAN, tanba só ida ne’e de’it maka APF ou ACSC iha atu fó ba TL.Mia/Ety/ves

Add to Comments Here!!!!

error: Content is protected.
Secured By miniOrange