JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

LÚ-OLO: ITA MERESE RESPEITA XANANA

LÚ-OLO: ITA MERESE RESPEITA XANANA

Prezidenti Republika (PR), Francisco Guterres “Lú Olo”,  fo sasin katak, povu no lideransa Timor oan tomak merese atu estima no respieta Kay Rala Xanana Gusmão, iha tempu ba tempu, tanba hodi Xanana nia firmeza no dedikasaun nudar Komandante En-Xefe das FALINTIL mak re-organiza funu iha tinan 1981 hodi ikus mak Timor oan hetan ukun rasik an.

“Asu’uain FALINTIL sira nia luta, frente klandestina no diplomatika ninia luta, la bele la’o ba oin, se ita la iha komandu luta ida deit, hafoin ita nia aman nasionalismu Nicolau  Lobato mate, Xanana Gusmão, komandante En-Xefe FALINTIL, organiza fila fali forsa sira husi tinan 1981, hahu kaer lideransa ho brani no dedikasaun tomak to’o ita restaura ita nia ukun rasik an,” afirma PR Lú-Olo, liu husi diskursu iha komerasaun loron FALINTIL ba dala 42, ne’ebe mak selebra iha Kuartel Jeneral F-FDTL, Fatuhada-Dili, Domingu (20/8/2017). PR Lú-Olo sublina liutan biar Kay Rala Xanana Gusmão hetan kaptura no dadur iha Cipinang-Jakarta, maibe Xanana Gusmão hato’o nafatin povu nia mehi no hakarek husi kadeia laran, tanba ne’e Xanana Gusmão merese hotu-hotu nia estima no respeitu. PR Lú-Olo hato’o apresiasaun boot ba Mari Alkatiri nu’udar fundador nasionalismu no FALINTIL nian ho mos Jose Ramos Horta nian veteranus ne’ebe sai lalenok  iha luta libertasaun nasional iha tasi balun. Lú-Olo relembra hikas liu husi Frente Armada, Klandestina no Diplomatika mak Timor oan hamrik hasoru okupasaun estrajeirus iha Timor Leste, ne’ebe ho dedikasaun tomak harii Timor Leste Independente livre no demokratiku. Nia mensiona katak, frente diplomatika no klandestina imporante tebes iha tempu rezistensia, luta armada ne’ebe asu’uain sira kaer metin iha ai-laran mak determina susesu ba prosesu luta ukun-an. Asu’uain FALINTIL sira ninia lala’ok iha ai-laran, Lú-Olo hatutan, hamanas luta tanba liu husi sira mak fo esperansa ba povu hotu iha sidade no aldeia sira iha rai laran ka rai liur, asu’uain sira mak hametin mehi atu moris iha rai ne’ebe livre. Iha tinan 42 nia laran Forcas Armadas de Libertação Nasional de Timor Leste (FALINTIL), luta hasoru okupasaun estranjeirus ho apoiu oituan liu husi rai liur, tamba moris iha 1975 atu defende povu FALINTIL konsege halo duni ninia knar. Lú-Olo hateten, biar ema barak mak mate no iha mudansa bei-bebik konaba oinsa organiza-an, atu kontinua luta nafatin, justu temi mos iha ne’e knar importante frente kladestina nian, ne’ebe frente klandestina mak ponte ne’ebe liga frente armada ho tasi balun. PR Lú Olo haktuir inklui ho pais sira seluk no rede internasional solidariedade ho kauza Timorense nian, ho hanoin aas tebes fo hanoin Igreja ninia kontribuisaun boot hodi hametin sentiment identidade nasional no defende auto determinasaun ba povu Timor Leste. PR Lú-Olo dehan, luta ne’e eziji sakrifisiu husi ema hotu, husi povu barak mak luta, barak mak mate, barak mak lakon sira ninia maluk doben sira, tanba deit mehi, mehi ida ukun rasik-an. “Estadu iha dever atu rekoñese no valorize kontribuiasaun husi veteranus no kombatentes libertasaun nasional no tenke mos garante protesaun espesial liu husi politika insersaun sosial no programa apoiu,” PR Lú-Olo hatete. PR Lú-Olo reforsa tan katak, garente protesaun espesial, iha area Saude, Edukasaun, no formasaun tekniku professional, empregu, asesu ba kreditu no liu mos husi atividade atu bele hetan rendimentu. Nia tenik tan, atu bele hetan objetivu ne’e tenke haree fila fali Estatutu ba Veteranus no Kombatentes Libertasaun Nasional.

Lee hotu :   HALO LEILAUN RASIK BA KARETA, PN FALTA RESPEITA BA FUNSAUN DNJPE

 Kaer metin espiritu FALINTIL

Biban ne’e, Lú-Olo husu ba entidade hotu-hotu kontinua banati tuir espritu asu’uain Forsa Armada Libertasaun Independensia Timor Leste (FALINTIL) ne’ebe lori isin no ran hodi liberta rai doben Timor Leste. “Loron FALINTIL ne’ebe ita nia asuwa’in, durante tinan 24 sira husik sira nia vida tomak iha ai-laran hodi halo funu, antes manan fakar hela sira nia isin ho ran iha foho leten para ohin ita bele hetan Independesia ida ne’e,” afirma PR Lú-Olo. Liu husi missa serimonia agradesimentu ba loron FALINTILN nian iha Igreja Santo Antonio Motael, Dili, Padre Paroko David Alves da Conçeicão esplika, Timor Leste hahu marka historia importante iha ninia uma laran rasik, ne’ebe la iha 20 Agostu 1975, laiha 20 Agostu sira tuir mai no laiha 20 Agostu  2017, hodi kontinua selebra. “Ha’u hakarak dehan ita selebra tinan hat nulu resin rua ejistensia FALINTIL forsa defesa Timor ninian, ita dehan katak iha tempu ne’eba, iha ema ruma brani hakilar uluk atu sira seluk bele hakilar tuir,balun tiru uluk atu sira seluk mos brani buti katilu,” hateten Amo David Alves da Conçeicão. Amo selebrante ne’e haklaken  katak, ho missa agradesementu ne’e atu hotu-hotu hateke ba Nai Jesus neebe mate iha Kruz Santa, funu nain primeiru ne’ebe la uja kilat maibe uja de’it poder Maromak nian. Ne’ebe Nai Jesus nia funu hasoru tentasaun Diabo nian ne’ebe todan, tentasaun diabo nian ne’ebe sai husi fuan mak sai mai, diabo tenta husi matan, husi ulun, no diabo tenta iha hakarak sira, maibe Jesus luta hasoru asaun sira ne’e. “Jesus mate iha Cruz atu hanorin sai ema luta nain laos kilat iha liman deit lae, sai ema luta nain hasoru diabo inimigu klamar nian, ne’ebe sempre koko atu sobu ita nia relasaun diak ho nai Maromak,” hateten Amo David Alves da Conçeicão. Laos ne’e deit, padre paroko haktuir iha politik foer ne’ebe lahatene no Jesus haree hela iha buat balun ne’ebe konsege deteta no balun la konsege deteta, no sira ne’ebe la deteta sira halo knuk hela iha Timor. “Komesa sobu ita nia abut, moral, ita nia buat diak sira ita nia identidade sira neneik ho maneira ne’ebe ita lahatene tuir, ita mehi át maibe sira mai hanesan laho ke dada’uk rai kuak iha ita nia fatin sira ne’e to’o loron ida ita sei mout,” Amo David hateten. Nia mensiona mos katak, Maromak kontinua akompaña ninia povu Timor, lalika tauk, Maromak ninia espritu deskobre ona buat balun, ne’ebe lalika tauk atu dehan Timor Tera de Santa Cruz, tanba funu nain mate tanba lori Cruz no mate barak. eus

Add to Comments Here!!!!

error: Content is protected.
Secured By miniOrange
You might also like:
PM RUI REKUÑESE MÉDIKU HO PESOAL SAUDE ATENDE PASIENTE LADIAK

Primeiru Ministru (PM) Rui Maria de...

FRETILIN ASUME KARGU PREZIDENTI PN, PM HO MD

FRETILIN nudar partidu mas votadu iha...

LERE: VETERANU BARAK SEI MORIS SUSAR

Xefi Estadu Maior FALINTIL Forsa Defeza...

Close