JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KOMUNIDADE HUSU GOVERNU MONTA SEGURANSA IHA ÁREA CRISTO-REI

KOMUNIDADE HUSU GOVERNU MONTA SEGURANSA IHA ÁREA CRISTO-REI

“Hanesan vizitante ne’ebé maka loron Domingu lori labarik sira mai iha ne’e, haree fasilidade barak ona mak hetan estragus, tanba falta kontrolu husi governu, liu-liu ministériu turísmu ne’ebé mak tau matan iha fatin turítsiku sira ne’e,” hateten Carmelito Moniz ba GMN, Domingu (10/9) iha Jardim Cristo-Rei.

Komunidade, Carmelito Moniz ne’ebé babain ho família sira iha loron domingu pasear ba iha área Cristo-Rei, husu ba governu atu monta seguransa iha fatin turístiku ne’e, atu nune’e bele asegura fasilidade públiku ne’ebé governu tau iha fatin ne’ebá.

Tanba nia dehan, fasilidade públiku balun ne’ebé governu monta iha fatin turístiku Cristo-Rei oras ne’e, agora dadaun barak mak komesa hetan estragus husi ema deskoñesidu sira no falta mós kontrolu husi governu.

Nia dehan, iha parte seluk vizitante sira ne’ebé halo vizita ba iha fatin turístiku Cristo-Rei ladun iha konsiensia ne’ebé di’ak hodi tau matan ba fasilidade públiku hirak ne’ebé governu prepara ona iha fatin ne’ebá.

“Fatin turístiku ne’e ita presiza kuidadu ho di’ak hodi bele atrai turista estranjeiru sira hodi vizita ita nia rain,” nia hatutan.

Iha fatin hanesan vizitante Ana Gomes, hateten sidadaun tenki iha konsiensia atu labele soe foer arbiru iha fatin turístiku Cristo-Rei, atu nune’e fatin ne’e bele furak ba nafatin.

“Buat ne’ebé governu presiza halo mak motiva ema atu labele soe foer arbiru iha área Cristo-Rei, liu-liu iha tasi ibun sira, tenki prepara fatin lixu ne’ebé di’ak atu ema bele tau foer ba,” hateten Ana Gomes.

Nune’e mós vizitante José Manuel mós preokupa ho beemos iha fatin ne’ebá, tanba agora dadaun bee iha área Cristo-Rei susar tebes.

Lee hotu :   PR eleitu husu ba Xefi Suku hotu, Partisipa iha seremonia tomada de pose

“Iha área Cristo-Rei ne’e beemos susar tebes, ita husu Estadu atu tau matan ba kestaun ida ne’e. Cristo-Rei ita haree fatin turístiku ne’ebé furak tebes, maibé ita haree agora dadaun kondisaun fasilidade iha ne’e barak ladi’ak ona,”nia dehan.

Tanba ne’e komunidade sira husu ba governu foun atu hadia fasilidade ne’ebé mak oras ne’e dadaun hetan estragus no monta mós pesoal segurasan iha fatin turístiku ne’e atu bele asegura sasan ne’ebé tau iha fatin ne’ebá.ías

Add to Comments Here!!!!

error: Content is protected.
Secured By miniOrange
You might also like:
MUTL HALO ASAUN SOLIDARIEDADE APOIA VITIMA INSENDIO

Movimentu Universitariu Timor-Leste (MUTL) halo asaun...

FC BASEL MAREK SUCHY REKOÑESE MENCESTER UNITED HANESAN EKIPA FORTE

Kapitaun Ekipa FC BASEL Marek Suchy...

KOMUNIDADE METIAUT NO KRISTU-REI LA ASESU BEE MOS

Komunidade Suku Metiaut no Aldeia Kristu-Rei...

Close