JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN HO CNRT KONTAKTU PD FORMA GOVERNU

FRETILIN HO CNRT KONTAKTU  PD FORMA GOVERNU

Prezidenti Partido Demokratiku (PD), Mariano Assanami Sabino informa, PD simu ona kontaktu informal husi partidu FRETILIN ho CNRT hodi forma VII Governu Konstitutional.

Tanba ne’e, Prezidenti PD, Mariano Assanami Sabino hateten, atu asegura intererese nasional, PD prontu hamrik iha pozisaun saida de’it atu servi povu. Prezidenti Partidu Demokrátiku (PD), Mariano Asanami Sabino dehan, PD sei konvoka konfrensia nasionál no estrutura nasionál no nivel Munisipal PD nian atu bele desidi. “Informalmente ami simu ona komunikasaun husi partidu rua ne’ebé mak votu bo’ot liu, maibé to’o agora seidauk iha komunikasaun formal ba ida ne’e (formasaun Governu foun-red). Bainhira kuandu iha ona komunikasaun formal, partidu sei tu’ur hamutuk atu bele deside,” deklara Assanami Sabino, ba jornalista sira liu husi konfrensia imprensa iha sede PD Comoro Dili, Tersa (01/08). Assanami hodi PD nia naran fó hanoin ba partidu hotu katak, importante liu ba Governasaun mai ne’e mak, tenki garante estabilidade Governativa to’o tinan lima nian. “Husu para ita forma Governu tuir konstituisaun haruka, no Governu ida ne’ebé tenki duru atu aselera dezenvolvimentu,” katak Assanami. Eis Ministru Agrikultura no Pesca ne’e akresenta, PD iha moto ida ne’ebé hateten katak, ba Timor PD prontu atu servi. Alende ne’e, Asanami mós dehan, eleisaun antisipada bele mosu, bainhira partidu mais votadu ho segundu partidu mais votadu la konsege forma Governu. “Mas ita hein katak, rezultadu eleisaun ida ne’e, povu fó mensajen ba partidu sira katak, tenki konsisten ho dalan ne’ebé mak konstituisaun haruka ona,” dehan Assanami. Nia haktuir, rezultadu eleisaun parlamentar ne’e, hatudu katak, povu hakarak fó mensajen ba lideransa sira atu sai lider demokrátiku, tanba lideransa demokrátiku sei jere multi partidária no jere grupu oi-oin. “Ita labele hein atu ba fali eleisaun hodi hetan partidu ida ne’ebé manan mutlak, tanba nasaun Timor Leste ne’e, nasaun demokrátiku, votus ne’ebé mak povu fó, hatudu povu nia matenek, entaun lider sira mós tenki matenek atu apresia povu nia votus ne’e,” tenik Assanami. Assanami mós dehan, PD simu rezultadu ne’ebé mak Tribunal Rekursu fó sai ona, maibé PD sei realiza komfrensia imprensa ida hodi ejiji atu hadia buat balu iha eleisaun futuru mai. “Iha buat balu mak ita tenki haree atu hadia, ida mak kona ba taxa partisipasaun ne’ebé bo’ot tebes mak la partisipa iha eleisaun, ita sei haree, númeru eleitor ne’ebé bo’ot tebes la partisipa iha eleisaun ne’e, tanba saida,” dehan Assanami.cos

Lee hotu :   CNRT sei la apoiu Agio Pereira iha VII Governu

Add to Comments Here!!!!

error: Content is protected.
Secured By miniOrange
You might also like:
ASSOSIASAUN PROFESÓRES PROTESTA MINISTÉRIU EDUKASAUN

Asosiasaun Profesór (AP), Kuarte –feira (02/08)...

SETOR PRIVADU SEIDAUK PRONTU ADERE BA ASEAN

Camara Comersiu Industria Timor-Leste (CCI-TL)  seidauk...

KOMUNIDADE KONTINUA OKUPA AREA LAGOA TASI TOLU

Administrador Postu Dom Aleixo, Munisípiu Díli,...

Close