JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FRETILIN LAKOHI FO BA CNRT FORMA GOVERNU

FRETILIN LAKOHI FO BA CNRT FORMA GOVERNU

Sekretáriu Jeral Partidu FRETILIN, Mari Alkatiri, hatete, públiku labele hanoin katak, FRETILIN sei la konsege forma VII governu hodi entrega fali ba partidu CNRT.

“FRETILIN ho PD ko’alia atu ba oin forma Governu halo nusa, delegasaun PD rona, no sei lori fila-fali ba partidu atu halo análiza ba ida ne’e. Ha’u hatete iha ne’e katak, labele hanoin katak, FRETILIN sei la konsege atu forma Governu, no CNRT mak sei forma, maibé FRETILIN mak sei forma,” relata Mari Alkatiri, hafoin hasoru malu ho Partidu Demokratiku semana kotuk iha Hotel Novu Turismo. Mari Alkatiri hatete katak, iha enkontru ne’e, PD hatudu ona nia vontade ba koligasaun, maibé sei iha tan enkontru segunda ronde entre partidu rua ne’e hodi diskuti klean liu tan. Sekretáriu Jeral Partidu FRETILIN ne’e afirma, Partidu lima hanesan FRETILIN, CNRT, PLP, PD no KHUNTO sei tu’ur iha Parlamentu Nasionál, no  partidu lima ne’e vontade hanesan atu lori Estadu ne’e ba oin. Nia salienta, enkontru ho PD ne’e, diak tebes no FRETILIN kompriende ona katak, PD iha hanoin atu lori nasaun ho povu ne’e ba oin. “Ida ne’e baze ida ne’ebé diak, ida ne’ebé akontese uluk ne’e laiha  ona, tanba iha sentidu responsabilidade. Tanba ne’e, buka de’it dalan atu koopera ne’e mak ami buka dalan ida diak liu para mantein independensia partidu ida-idak nian, maibé hotu-hotu hakarak lori Estadu ne’e ba oin,” reafirma Mari alkatiri. Iha fatin hanesan Prezidenti Partidu Demokrátiku (PD), Mariano Assanami Sabino, deklara, PD prontu koopera ho partido vensedor FRETILIN. Mariano Assanami Sabino hateten, enkontru primeiru ho FRETILIN ne’e, sira-nia parte agradese sasan lobuk ida, no opsaun sira ne’ebé média sosial ko’alia, iha enkontru ne’e, sira haklean liu tan. “Ami haree modalidade oi-oin atu forma Governu, no sei iha enkontru segundu atu ko’alia,”dehan Assanami Sabino. Hatan kona-ba PD prontu atu koliga ho FRETILIN hodi forma Governu dáhitu? Assanami Sabino dehan, iha ona sinal atu to’o iha ne’eba. “Mak ne’e, maibé sei iha enkontru tan dala ida. PD sempre aposta ba interese Estadu, no halo diálogu ho métudu ne’ebé diak liu para ita tane malu no respeita malu, tanba ami sempre ko’alia katak, ba ukun ho opozisaun ne’e, kaduak rua ne’ebé mai husi rezultadu eleisaun,”katak Mariano Assanami Sabino. Nia salienta, opozisaun ho Governu ne’e, sira nia funsaun lahanesan, maibé mai husi inan ida de’it, mak povu. “Tanba ne’e, ami-nia hanoin, ba oin sempre iha aberta ba diálogu, no hanoin oi-oin atu konstroe ita-nia Estadu no nasaun ne’e ba oin,”tenik Assanami. Tuir Assanami katak, tempu atu forma Governu ne’e, la atraza tanba la’o tuir konstitusionál. cos

Lee hotu :   Monumentu 12 Novembru 1991, La iha isin no klamar "Alkatiri hein Xanana"

Add to Comments Here!!!!

error: Content is protected.
Secured By miniOrange
You might also like:
FRETILIN, PLP HO KHUNTO, SEI DESKUTI SUBSTANSIAL KOLIGASAUN

Partidu FRETILIN sei tuur hamutuk dala...

GHPE HUSU PNTL MANTEIN PROFESIONALISMU

Portavos  Grupu Hadomi Paz Estabilidade (GHPE),...

UMA KAZERNA 50 BA PNTL INAUGURA

Komandante Jeral Polísia Nasionál Timor-Leste (PNTL),...

Close