JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PARLAMENTO NACIONAL KOMETE MAL JESTAUN

PARLAMENTO NACIONAL KOMETE MAL JESTAUN

Ho desizaun Parlamentu Nasional (PN) nian hodi fo lelaun kareta prado ho folin US$ 63,000 ba deit US$ 8,000 ba kada deputadu sira, hatudu momos katak, PN iha jestaun ne’ebe ladun diak.

Iha tinan III lejislatura nian, 2012-2017, PN sosa kareta prado hamutuk 65 ba deputadu 65 ho valor tenderizasaun ba kada kareta provolta US$ 63,000, maibe atu termina mandatu deputadu hirak ne’e nian, PN hola desizaun hodi fo lelaun kareta prado ne’e ba deit US$ 8,000 ba kada kareta. ´´Ami latisfeitu ho deisizaun lelaun ne’ebe baratu tebes ne’e. se hakarak fa’an maka tenke fa’an ho folin ne’ebe rasional tuir kareta nia kondisoens. Basa, ami haree kareta ba deputadu sira ne’e sei foun hela no kondisional tebes. Se tenke lelaun tuir lei, maka tenke lelaun ho folin ne’ebe justu,” hateten Diretor Luta Hamutuk,  José Alves da Costa, hodi responde GMN iha nia servisu fatin, Farol, Dili, Segunda (07/08/2017). Nia konsidera katak, desizaun lelaun kareta ba deputadu sira ho folin US$ 8,000 deit ne’e la fo benefisiu ba Estadu no bele prezodika orsamentu Estadu nian, tanba tinan-tinan tenke sosa hela deit kareta prado ba Deputadu sira enkoantu kareta balun sei diak hela para bele utiliza tan to’o tinan 5 mai. ´´Ita hatene katak nasaun ida ne´e maioria povu ki’ak nia laran, ita hola kareta ida ne´ebé folin karun tebes US$ 63,000 ita servisu deit tinan 4 depois ita halo fali lelaun ho folin ne´ebé mak baratu tebes US$ 8,000 de´it, hau hanoin ita laos atu ajuda finanseiru estadu ida ne´e maibe ita hakarak hamate,´´ hateten José Alves da Costa. Tuir nia haree katak, kareta prado ba Deputadu sira ne’e ninia manutensaun efetivu tebes tanba ne’e la duvidas katak, kareta sira ne’e maioria nia kondisoens diak hotu no bele aguenta uza to’o tinan 4 ou 5 mai tan. Importante liu mak tenke kompri regra manutensaun diak ba kareta sira ne’e. “Uluk kedas iha tinan 2012 ami protesta ona atu la bele troka kareta Deputadu sira nian tanba kareta sei foun hela. Ita presiza dezenvolvimentu ne’ebe sustentavel, la’os tinan ba tinan, ita hakarak mak sosa hela deit kareta luxu ba deputadu sira,” hateten José Alves. Nia aprofunda katak, PN halo hela mal jestaun ba desizaun fo lelaun kareta prado ho folin baratu. Seidauk tan sura ho direitu pensaun vitalisia sira ne’ebe mak deputadu sira simu hafoin tinan 5 assume knar iha orgaun legislativa. “Mal jestaun signifika katak ita seidauk hatene oinsa atu jere orsamentu estadu ba povu nia interese. Ita hanoin deit, hau nia mandatu hotu ona, tanba ne´e hau tenki hodi buat ruma, afinal lei pensaun vitalisia mos iha ona para atu fo benefisiu ba sira, tanba-sa mak tenki lori tan patrimoniu estadu nian ho folin ne´ebé mak baratu,” tenik José Alves. eld

Lee hotu :   La garante Governu dura to’o tinan 5, CNRT la partisipa tomada de posse membru VII Governu

Add to Comments Here!!!!

error: Content is protected.
Secured By miniOrange
You might also like:
MP SEI HASAI MANDADU KAPTURASAUN BA DOMINGOS CAEÍRO

Ministeriu Publiku (MP) ho Tribunal Distrital...

PD SEI RESPONDE KARTA FRETILIN semana ne’e

Sekretáriu Jeral Partidu Demokrátiku (PD),  António...

FRETILIN DEBATE FORMAÇÃO DE GOVERNO TIMORENSE,E AINDA QUER FALAR COM XANANA GUSMÃO – SG

O secretário-geral da Fretilin, partido timorense...

Close