JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

XANANA GUSMÃO: CNRT BA OPOZISAUN NO LA KONVIDA PARPOL SELUK FORMA GOVERNU

XANANA GUSMÃO: CNRT BA OPOZISAUN NO LA KONVIDA PARPOL SELUK FORMA GOVERNU

Lider rezistensia, Kay Rala Xanana Gusmao, rezigna-an husi nia kargu nuudar Prezidenti Partidu CNRT, no deside kedas CNRT sei la simu koligasaun ho FRETILIN no mms la konvida Partidu Politiku (ParPol) seluk atu forma Governu konstitusional ba dahitu.

Deklarasaun nee Xanana Gusmao foti liu husi konferensia partidu CNRT neebe halao iha Centro Convencoes de Dili, Sesta (04/08/2017). Konferensia Partidu CNRT nee sei termina iha Domingo (6/8/17), nunee maske konferensia seidauk remata hodi deside CNRT ba neebe maibe Xanana Gusmao rasik deside ona. Tanba nee iha loron ikus nia husu konferensista sira atu deside rezolusaun ida hodi legaliza nia desizaun katak, CNRT ba deit opozisaun. Tuir Xanana, CNRT sei la simu proposta husi partidu neebe deit, ka konvida partidu seluk atu kaer Governu, tanba durante tinan sanulu kaer ukun, la konsege hadia povu nia moris. Faktu neebe hatudu iha eleisaun nee katak, ita la hetan aumentu numeru votante ba partidu CNRT. Se iha 2012 ita konsege hetan, 172 mil resin votus, no iha momentu neeba, lolos ita hetan kadeira 25, maibe kadeira lima iha tan nee, tanba mai husi sel-seluk, relata Xanana. Maibe nia lamenta katak, tinan ida nee, CNRT nia votu tuun makaas, tanba lakon kedas votu 5000. Povu agora matenek ona, no la monu ona ba figura, tanba durante fulan ida, ita hakilar hela deit katak, viva maun boot Xanana, maibe la atrai povu nia hanoin. Rezultadu eleisaun nee, povu hatudu momos katak, sira hakarak iha mudansa ba nasaun ida nee, hodi bele muda sira nia kondisaun moris, tanba CNRT la konsege muda povu nia moris durante tinan 10 nee. Maioria ita-nia povu hatene ona katak, CNRT laiha kbiit atu ukun, prova ida nee hatudu iha rezultadu eleisaun Parlamentar nee,dehan Xanana. Ita hotu dehan tiha ona tanba ita la sukat sasan,  no ema hotu rona ona katak, se CNRT manan deit 32% iha Parlamentu Nasional,  diak liu sai deit ona opozisaun.

Lee hotu :   SATL Fakar koto ba Governu, PM Rui: “Presiza halo investigasaun”

Iha kongresu partidu CNRT nian foin dadauk nee mms, ita husu ba malu atu esforsa aan makaas hodi hetan maioria absoluta, atu nunee bele kaer ukun mesak,katak Xanana. Nia lembra, iha kampana durante fulan ida nia laran mms, lideransa CNRT sira koalia ba povu katak, kuandu povu fm konfiansa ba CNRT, no rezultadu mak povu fm ona nee. Ohin (Horiseik-red) hau konvida ita boot sira hotu atu hasai rezolusaun ida katak, tanba CNRT lakon iha eleisaun ida nee, CNRT hakarak kaer  metin nia liafuan katak, hakarak mantein iha opozisaun,relata Xanana. Nia haktuir, povu la fiar CNRT, tanba durante tinan 10 la konsege hadia povu nia moris. Tanba nee, povu iha direitu atu buka alternativa foun ba sira-nia moris. Nia afirma, konsistensia politika nee mak baze fundamental tebes ba partidu, tanba konsistensia politika ba saida mak lider partidu sira fm sai ona husi sira-nia ibun rasik, ida nee mak bele fm valor ba partidu, hodi partidu bele hetan konfiansa husi liur. CNRT deside atu sai deit hanesan partidu opozisaun iha Parlamentu Nasional, hodi nunee bele kontribui nafatin ba prosesu konstrusaun Estadu, hodi hametin liu tan demokratika  iha nasaun ida nee,relata Xanana. Lider politiku CNRT nee salienta, iha Parlamentu Nasional CNRT sei fm nia kontribuisaun tomak, pozitivu no konstrutiva no  tane aas interese nasional, hodi servi diak liu nasaun doben ida nee. Xanana mms lori partidu CNRT nia naran, fo felisitasaun ba povu Timor Leste tomak, tanba hatudu duni maturidade politika, husi kedas tempu preparasaun ba eleisaun durante fulan ida nia laran, too ohin loron. Paz no estabilidade, ita bele dehan katak, metin tiha ona iha ita-nia rai doben dia nee. Hau mms lori partidu CNRT nia naran felisita partidu politiku sira hotu, neebe hatudu ona ba ita-nia povu, saida mak demokrasia, no saida mak valor neebe ita-nia konstituisaun temi, liu-liu respeita ba vontade soberana povu nian,katak Xanana. Xanana mms fm apresiasaun ba servisu todan neebe mak lideransa CNRT sira halo durante nee, hodi hasoru eleisaun Parlamentar.cos

Lee hotu :   Kalbuadi Lay eleitu ba Sekjer CNRT, Prezidente Xanana Gusmão

 

Add to Comments Here!!!!

error: Content is protected.
Secured By miniOrange
You might also like:
DERROTA IHA ELPAR, XANANA REZIGNA-AN HUSI PREZIDENTI PARTIDU CNRT

Lider rezistensia, Kay Rala Xanana Gusmo,...

SPORTING DILI BENFICA TAMA ZONA DEGRADASAUN

Klubu Sporting Dili Benfica okupa dahuluk...

FRETILIN ‘HAKARAK’ GOVERNASAUN ABERTA CNRT hein desizaun konferensia

  Partidu FRETILIN hanoin ona  atu...

Close