JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CCF DESIDE ALKATIRI BA PRIMEIRU MINISTRU■Hela tan semana ida forma VII Governu

CCF DESIDE ALKATIRI BA PRIMEIRU MINISTRU■Hela tan semana ida forma VII Governu

Enkontru membru Komisaun Polítika Nasional (KPN) Partidu FRETILIN iha Comite Central da FRETILIN (CCF), Domingu (10/9/17), deside Sekretariu Jeral Partidu FRETILIN, Mari Alkatiri ba asume kargu Primeiru Ministru hodi lidera VII Governu konstitusional.

Reuniaun altu nivel kuadru partidu FRETILIN ne’e hala’o iha CCF, Comoro, Dili, bainhira halo reflesaun hamutuk ho estrutura alto nivel Partidu FRETILIN nian hodi relembra hikas  servisu ne’ebé FRETILIN halo iha tinan ne’e hodi manan hotu eleisaun Prezidensial, Parlamentar no oinsa atu forma Governu foun mai atu la’o ho trankuilu. Sekretariu Jeral Partidu FRETILIN, Mari Alkatiri Sekretáriu Jeral Partidu FRETILIN, Mari Alkatiri, konsidera desizaun membru  KPN nian hodi deside nia ba PM, maibe Alkatiri sei tetu desizaun refere. “Ha’u kompriende sira-nia hanoin, maibe ha’u husu tempu loron ida hodi foti desizaun,”dehan Alkatiri ba jornalista sira, hafoin enkontru. Alkatiri informa, formasaun VII Governu konstitusional mós sei hela tan semana ida. Tanba ne’e odamatan sei nakloke nafatin ba Partidu Polítiku (ParPol) sira seluk atu tama mós iha Governu ne’e. “Husi ne’e ba oin laiha razaun ona atu forma Governu, loron 15 fulan Setembru ba oin, ita iha tan semana ida atu forma ita-nia Governu, no Prezidenti Repúblika atu fó pose,”dekara Akatiri. Tuir Alkatiri, tempu semana ida ne’e, badak tebes ba FRETILIN atu forma Governu, tanba durante fulan ida nia laran ne’e, FRETILIN tenki esforsu aan atu hetan plataforma intendimentu ida ho partidu sira seluk. Alkatiri mós informa, reuniaun ida ne’e, la involve partidu koligasaun hanesan Partidu Demokratiku, no mós KHUNTO. Reuniaun ida ne’e, ita hotu mai atu halo reflesaun bo’ot ida, liu tiha tinan 11, ita iha opozisaun, no iha 2017 FRETILIN fila fali manan eleisaun Prezidensial. Ita hotu kontenti tanba ita manan, maibé dala barak vitória ne’e moruk oit uan, tanba ita atu la’o mesak ba oin, depois mak halibur ema seluk, maibé la konsege.,”dehan Alkatiri. “Ita tenki halibur tiha ema, tenta atu hamutuk la’o ba oin. Semana hira nia laran, ita hotu akompaña prosesu dialogu no negosiasaun ho partidu seluk. Ida ne’e nia objetivu saida?, ita la hetan iha eleisaun maioria absoluta, atu hetan fali ida ne’e iha negosiasaun,”katak Alkatiri. Nune’e iha negosiasaun polítika ne’ebé FRETILIN halo ho partidu sira seluk ne’ebé hetan asentu parlamentar, konsege la’o kleur oituan, tanba primeiru FRETILIN halo ho Partidu Libertasaun Popular no mós CNRT, maibe laiha konsensu. Tanba ne’e iha segunda vez FRETILIN konsege halo koligasaun ho PD no mós KHUNTO. “Ita hetan duni plataforma intendimentu ida ne’ebé fó mai ita konfrontu oituan, no plataforma intendimentu ida ne’ebé lori mós ita ba atu hili Prezidenti Parlamentu Nasional, maibé agora ita presija atu hakat ba oin, tanba povu hein hela atu forma Governu, hodi lori programa ita nian ba implementa.” “Ita halo ona negosiasaun ho partidu sira seluk, maibé sei la halo negosiasaun iha FRETILIN nia laran, tanba ita FRETILIN tenki hatene katak, ita presija duni atu harii Governu ida ne’e. Ne’e la signifika la rona, tanba atu rona ne’e mak ohin (Horiseik-red) ita mai enkontru iha ne’e, se lakohi rona karik, enkontru laiha,”relata Alkatiri.  Tuir estatutu Partidu FRETILIN katak, iha eleisaun Parlamentar mak FRETILIN manan, Sekretariu Jeral Partidu mak sei ba asume kargu hanesan Primeiru Ministru. “Estatutu partidu mós fó ba ha’u kompetensia tomak atu foti desizaun dehan, ha’u ba Primeiru Ministru no hotu ona, maibé tanba hakarak rona hanoin sira ne’e mak mai iha ne’e. Rona atu haree ita la’o ba oin halo nusa? Ema barak husu ona katak, hakarak ba Primeiru Ministru ka la’e, maibé ha’u dehan, prosesu ne’e sei la’o. Prosesu tomak ne’e ha’u la halo tanba buka kadeira, ha’u hakarak hala’o atu bele harii Governu ida  sólidu no sustentavel,”dehan Alkatiri. Alkatiri subliña, atu sai Primeiru Ministru ka lae, depois mak povu tomak sei haree. “Ita hotu hatene katak, hakarak ka lakohi, Primeiru Ministru ne’e, tenki ema FRETILIN, hakarak ka lakohi Primeiru Ministru ne’e iha kompetensia atu hili Ministru, Vise Ministru no Sekretáriu Estadu sira. “Tama ba VII Governu, espekulasaun ida difisil tebes, tanba iha kampaña kedas ita dehan, FRETILIN kuandu manan absoluta, sei halo insidensia Parlamentar no inkluzaun, maibé kuandu manan maioria simples, tenki halo uluk koligasaun mak kontinua ho insidensia Parlamentar no inkluzaun. “Primeiru FRETILIN tenta atu halo koligasaun ho PLP no KHUNTO, maibé depois buat ruma la’o naksalak tiha tanba kandidatu ba Prezidenti Parlamentu Nasionál, PLP hakiduk fali, entaun halo ho PD no KHUNTO,” dehan Alkatiri. Tanba ne’e, Alkatiri dehan, FRETILIN nia parseiru ba plataforma intendimentu hodi harii VII Governu ne’e mak, PD ho KHUNTO. “Formasaun Governu ne’e, ita tenki haree. Se ita konsege halo iha tempu badak diak liu tan, tanba povu hein hela Governu foun ne’e atu mai. Balu dehan, tanba saida mak koligasaun iha ona, hatama tan inkluzaun, ita labele taka odamatan ba inkluzaun, tanba povu ne’e matenek liu ita, votu ne’e povu fó mai ita atu dehan, ita hotu tenki servisu hamutuk, laiha ema ida tur iha liur, maibé ema tuur iha liur, bainhira hakarak,”dehan tan Alkatiri hodi mantein ho postura polítika ne’ebé sai ona karakter ba FRETILIN desde tinan hirak liu ba. “Ita kaer ukun maibé labele tau sira iha liur, maibé se sira lakohi, ita labele obriga. Ha’u halo nafatin esforsu atu labele taka odamatan ba negosiasaun ba inkluzaun. Kamarada sira bele dehan katak, se hatama ema barak, entaun ita-nia fatin menus ba bebeik. Se ita hakarak Governu iha estabilidade, ita tenki hatene saida mak ita tenki halo. Maibé ita mós dehan, ema atu ba Governu tenki iha méritu, no ita mós dehan, Xefi Governu ida de’it, laiha rua no tolu, no ita mós dehan, membru Governu atu servi programa Governu nian, la’os programa partidu ida-idak nian,”afirma eis Primeiru Ministru iha Governu anterior ne’e. Tuir Alkatiri hanesan fundador nasaun ne’e katak, FRETILIN hakarak muda hanoin povu Timor Leste nian. Tanba agora ne’e membru Governu mai husi partidu seluk, funsionariu sira mai husi partidu ne’e nian, entaun atu dinamiza prosesu ida ne’e liu husi kultura polítika foun. “Kestaun kultura polítika foun ne’e hanesan ne’e, se mak manan, nia mak lidera hotu. Balu dehan fali hanesan, Prezidenti Repúblika ema FRETILIN, Prezidenti Parlamentu ema FRETILIN, Primeiru Ministru mós FRETILIN. Se ita hakarak atu implementa kultura polítika foun ne’e mak ida ne’e duni, se mak manan, nia mak lidera. Ida ne’e hanaran unicidade do poder, labele fahe poder, tanba ita lahalo koligasaun atu fahe orgaun de soberania sira, maibé ita halo para hot-hotu partisipa iha Governasaun ida ne’e,”dehan AlkatiriEntretantu eleisaun parlamentar tinan ne’e rezulta partidu lima hanesan FRETILIN, CNRT, PD no KHUNTO mak hetan asentu parlamentar. No iha polítika ne’ebé iha, FRETILIN, PD no KHUNTO halo koligasaun ba forma VII Governu no lider gerileiru nain rua ne’ebé lidera partidu CNRT ho PLP, mantein iha opozisaun ba periodu 2017-2022 hodi kontrola Governu.cos

Lee hotu :   Parseria asegura efisiensia ho efetividade idiologia servisu

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-10 Fulan-Setembru Tinan-2017

JORNAL NACIONAL GMNTV Loron-09 Fulan-Setembru Tinan-2017

Promosaun Muzika Semanal Eps 5 (Official Teaser)

Close