JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Dom Norberto fo korajen ba VII Governu ■Tenki prioritiza nesesidade povu

Dom Norberto fo korajen ba VII Governu ■Tenki prioritiza nesesidade povu

Bispu Dioseze Maliana, Dom Norberto do Amaral, fo korajen ba VII Governu ne’ebé lidera husi Partidu Koligasaun FRETILIN no Partidu Demokratiku, atu mantein nafatin dialogu ho partidu sira seluk ba dezenvolvimentu rai ida ne’e.

Bispu Dioseze Maliana, Dom Norberto do Amaral, fo sai lia hirak ne’e ba jornalista sira iha Postu Administrativu Maliana, Munisípiu Bobonaro, hafoin enkontru ho Prezidenti Parlamentu Nasional, Aniceto Guterres, Sábadu (16/09/2017), oinsa atu husu Igreja Katólika nia apoiu ba formasaun VII Governu no nia mandatu tomak durante tinan lima mai.

Bispu Dioseze Maliana, Dom Norberto do Amaral mós lori sarani Dioseze nia naran kongratula membru Governu no Parlamentu Nasional foun.

“Bom susesu ba sira-nia servisu ne’ebé sira sei hala’o, maski hasoru situasaun polítika  halo ita mós hamriik la metin, maibe hakarak ka lakohi ida ne’e hanesan dezafiu bo’ot ida ba sira, atu nune’e oinsa sira bele hato’o sira-nia estratéjia no planu didiak, para bele halo aprosimasaun ba partidu polítiku sira seluk ne’ebé hetan asentu iha parlamentu nasional bele apoiu hodi lori ita-nia Governu ne’e ba oin,”katak Dom Norberto.

Dom Norbeto mós garante, Governu foun bele rona  no rezolve povu hotu nia preokupasaun.

“Ita hein katak, ho Governu foun ida ne’e, sira bele hatur baze ne’ebé didiak atu lori Governu ba oin tuir povu nia aspirasaun,”dehan Dom Nerberto.

Dom Norberto mós husu Governante foun tenke haraik-an hodi bele garante estabilidade durante mandatu tinan lima mai

Entretantu, Prezidente Parlamentu Nasional (PPN), Aniceto Guterres Lopes, hatete, sorumutu ne’ebé nia halo ho Bispu Maliana ne’e oinsa atu husu Igreja Katólika nia apoiu ba estabilidade Governativa no polítika ne’ebé la’o iha rai laran.

Lee hotu :   Parseria asegura efisiensia ho efetividade idiologia servisu

Aniceto afirma, nia vizita ne’e parte ida atu rona, Bispu sira nia perspetiva ba konfigurasaun Parlamentu no Governu.

“Ami hasoru malu ho amu Bispu tolu ne’e ho objetivu ne’ebé hanesan, hodi kumprimenta Dioseze sira, tanba maioria povu Timor mak Katólika. Ne’eduni ami iha dever tomak atu mai kumprimenta. Ami mós mai atu rona amu Bispu sira-nia hanoin, no perspetiva ba Governu foun ida ne’e, no liu-liu ba situasaun polítika ne’ebé mak  agora dadaun ita hasoru, liu-liu konfigurasaun polítika iha Parlamentu Nasional nian ba ami ne’ebé iha meja ne’e, hanesan dezafiu ida para oinsa bele garante polítika no governativa,”hatuir Aniceto Guterres Lopes, hafoin enkontru ho Bispu Maliana Dom Norberto do Amaral.Say

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-17 Fulan-Setembru Tinan-2017

JORNAL NACIONAL GMNTV Loron-16 Fulan-Setembru Tinan-2017

Francisco Borlaco tama kadeia tinan hitu

Tribunal Distrital Dili liu husi leitura...

Close