JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO ezije aprova Lei Anti Korupsaun ■Labele deklarasaun mamuk

KHUNTO ezije aprova Lei Anti Korupsaun ■Labele deklarasaun mamuk

Bankada KHUNTO iha Parlamentu Nasionál (PN), segunda-feira nee ezije meja Parlamentu Nasional atu aprova lalais Lei Anti Korupsaun, tanba lei ne’e nia benefisiu bo’ot ba nasaun no povu Timor Leste.

Ezijensia nee hatoo husi Xefi bankada KHUNTO, Luis Roberto da Silva iha ninia deklarasaun politika iha Parlamentu Nasional iha sesaun plenaria Parlamentu Nasional nian.

Luis Roberto da Silva hatutan importante tebes atu aprova lalais lei Anti Korupsaun, tanba lei ne’e mak bele asegura konfiansa ba investementu nasionál no internasionál.

“Lei Anti Korupsaun ne’e tenki forte, ita tenki altera ita-nia konstitusional atu inpoint kastigu todan ba krime korupsaun atu reforsa Lei Anti Korupsaun,” dehan Luis Roberto da Silva.

Nia hatutan, Timor Leste dadauk nee presiza tebes investementu estranjeiru no local, hodi loke kampu servisu ba povu no bele ajuda mós dezenvolvimentu iha Timor Leste.

Nune’e mós, Vise Prezidenti bankada KHUNTO, Olinda  Guterres mós hateten, bankada KHUNTO nia pozisaun kona ba konstituisaun RDTL artigu 8, ne’ebé ko’alia kona ba imunidade nian.

Tuir Olinda Guterres, importante atu define krime hirak ne’e lolos, foin aplika imunidade, tanba iha artigu 8 ne’e, jeneralijadu  liu.

“ Deputadu balun bele uza ida ne’e atu aplika ba krime sira seluk hanesan mal-administrasaun, abuzu poder no mós krime públiku lubuk ida”dehan Olianda Guterres.

Nia esklarese, tuir lolos imunidade ne’e, so bele aplika ba kazu sivil, ne’ebé enkuadra iha kodigu sivil, no aplika de’it bainhira deputadu sira hala’o sira nia kna’ar hanesan deputadu no labele aplika fali ba kazu krime ne’ebé define ona iha kodigu penal.

Olinda Guterres afirma, imuniadade ne’e, la’os atu proteje kriminozu sira, maibé imunidade ne’e atu proteje deputadu sira atu labele hetan restrusaun ruma, bainhira deputadu sira hala’o sira nia kna’ar.

Lee hotu :   Xanana, Taur- Naimori ofisialija ezistensia AMP "Husu ba povu hakmatek"

“ Ita la define lolos imunidade ba deputadu ka membru governu, entaun lei ne’e sei kontinua enkoraja no dada ema  atu prátika krime oi-oin. Tuir lolos tenki obrigatóriu atu automatikamente Prezidente Parlamentu Nasionál, hasai imuniadade kualker deputadu, bainhira Tribunal haruka pedidu mai, relasiona ho krime ruma ne’ebé hakanek RDTL nia kodigu penal,” afirma Olinda Guterres.

Deputada Kuarta Lejilstura ne’e hatete, tenki altera rejimentu Parlamentu Nasionál, atu define lolos imunidade no imunidade ne’e aplika ba kazu sivil.

“Ita tenki aplika regras todan liu tan ba deputadu sira ne’ebé prátika krime dulojiu, ne’ebé define iha kodigu penal, no krime korupsaun atu reforsa ita nia lei anti korupsaun ho hametin ita-nia konstituisaun, atu aplika ba ema hotu iha ita-nia rai,” dehan Olinda Guterres.

Nia afirma, Timor Leste ne’e Estadu direitu demokrátiku, PN no Governu tenki hala’o sira-nia kna’ar iha lei nia okos, no sidadaun hotu hanesan iha lei nia oin, inklui mós deputadu sira.

Alende ne’e, Xefi bankada FRETILIN, Francisco Branco hateten, FRETILIN mós konkorda atu aselera projetu Lei Anti Korupsaun.

“Tempu ona atu Parlamentu Nasionál fó prioridade atu apresia no aprova investimentu legal ne’ebé autor justisa sira bele kaer hodi julga krime ne’e,” dehan Francisco Branco.

Kona-ba imunidade, Francisco Branco konsidera hanesan perogativa ida, atu asegura Membru Parlamentu sira, ho liberdade ne’ebé luan, hodi deputadu sira bele ezerse sira nia funsaun ho diak, no labele tauk bainhira ko’alia.

“ Ita mós hatene katak, ita mós presiza koopera, wainhira pedidu ruma husi poder judisial ho baze duni. Ami hanoin ita presiza hadia kestaun sira ne’e, atu ita nia sidadaun sira iha Timor Leste, labele senti katak, iha ita nia nasaun, iha sidadaun primeira klase no sidadaun segunda klase,” afirma Francisco Branco.

Lee hotu :   PR garante Timor-Leste ultrapasa krizi polítika

Labele deklarasaun mamuk

Hatan ba ezijensia bankada opozisaun KHUNTO, Prezidenti Parlamentu Nasionál, Aniceto Guterres hateten, inisiativa atu halo lei ne’e, bele mai husi governu no bele mós husi deputadu sira.

“Atu aprova lalais ka neneik, ou ita atu dada kleur lei kona ba korupsaun nian, ou lei kriminal ne’ebé bankada KHUNTO temi ona, depende ba bankada Parlamentar sira iha PN.  Ida ne’e entrega fila fali ba deputadu no bankada  Parlamentar sira, para labele deklarasaun polítika mamuk de’it hanesan ne’e, tenki fó nia substansia,” tenik Aniceto Guterres.

Prezidente orgaun sobernao lejislativu nee dehan meja Parlamentu ajuda de’it prosesu, atu lei ne’e bele aprova iha Parlamentu Nasionál no bele hetan promulgasaun husi Prezidente Republika.

“Se Governu laiha inisiativa kona ba ida ne’e, ha’u hein katak, bankada KHUNTO bele mai ona ho projetu Lei Anti Korupsaun nian. Kuandu iha ona projetu, meja Parlamentu Nasionál sei fasilita ho asesores no tekniku sira atu prepara projetu ne’e,” relata Aniceto. Cos

Add to Comments Here!!!!

error: Content is protected.
Secured By miniOrange
You might also like:
TNI buka nia Herois, PN eziji governu husu RI hatudu rate Nicolau Lobato

Parlamentu Nasional (PN) eziji governu atu...

Ensera jogu amizade ho missa eukaristia, Pe. Elias de Deus: Ha’u louva komunidade Bairo Nossa Senhora

Padre Parokia Comoro Elias Maia de...

GRANDE ENTREVISTA Hamutuk ho Dr. Sergio Hornai

Close