JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KHUNTO mantein opozisaun ho PLP no CNRT •Kansela juramentu iha Ramelau

KHUNTO mantein opozisaun ho PLP no CNRT  •Kansela juramentu iha Ramelau

Partidu Klibur Haburas Unidade Nasional Timor Oan (KHUNTO) firme ona ho nia pozisaun atu mantein sai opozisaun iha Parlamentu Nasional hamutuk ho Partidu Libertasaun Popular (PLP) no partidu CNRT.

Sekretario Jeral KHUNTO, José Agostinho dos Santos afirma, to’o minute ida ne’e, KHUNTO nia pozisaun metin nudar opozisaun ‘puruh’.

“Partidu KHUNTO nian pozisaun politika to’o minutu ida ne’e nudar opozisaun iha Parlamentu Nacional, ami konsisten tuir ami nia prinsipiu ne’ebe ami publika ona,” hateten José Agostinho dos Santos, ba GMN iha uma fukun PN, Tersa (19/09/2017).

Nia hatutan hatutan, sira ne’ebe tur iha PN reprezenta husi partidu, la’os independenti, tanba ne’e maka ba asume pasta iha Governu mos nafatin representa partidu, la’os independenti.

“Ami mai tur iha parlamentu reprezenta partidu, tanba nudar partidu ida ami kompete iha eleisaun no povu fo lezitimidade hodi mai representa duni povu iha uma fukun, ne’ebe laiha independenti, prosesu negosiasaun ba forma Governu liu ona, ne’ebe agora laiha tan ona negosiasaun, ne’ebe labele negosiasaun iha fali negosiasaun nia leten,” dehan José Agostinho dos Santos.

José Agostinho dos Santos tenik, pozisaun politiku KHUNTO nina klaru katak opozisaun iha PN no sei la hola parte iha II Governu ne’ebe maka lidera husi partidu mais votadu FRETILIN.

Lideransa Partidu KHUNTO ne’e mos deklara, partidu KHUNTO la involve iha Governu, tanba ne’e maka promesa partidu nian katak sei ba halo juramentu iha foho Lulik Ramelau kansela.

“Komprimisiu sira ne’e realiza bainhira involve iha Governu, tanba membro Governu nia maka ejekuta programa, no orsamentu, entaun dalan nakloke luan para oinsa komete iha korupsaun, tanba ne’e maka membro Governu tenke ba juramentu, maibe partidu politiku foti ona pozisaun politika katak la hola parte iha Governu entaun atu hodi se ba juramentu, maske nudar mambru PN mas la ejekuta orsamentu no nudar fiskalizador ne’ebe atu komete korupsaun defisil,” hateten Nia.

Lee hotu :   Sasan folin hahú sa’e, deputadu sira fó sala malu

Partidu KHUNTO nudar mos partridu ida ne’ebe hetan asentu iha Parlamentu Nasional ho kadeira lima. mia

Add to Comments Here!!!!

error: Content is protected.
Secured By miniOrange
You might also like:
FRETILIN hakfodak ho dívida US$ 1.6 bilioens ■Metade OJE tinan 2 sei selu de’it tusan

Bankada FRETILIN iha Parlamentu Nasionál (PN),...

JORNAL NACIONAL GMNTV Loron-19 Fulan-Setembru Tinan-2017

PM Alkatiri sei dada hikas juramentu “Arsenio substitui Prezidenti ZEESM “

Primeiru Ministru (PM),  Mari Alkatiri,  sei...

Close