JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú- Olo VII governu tenke fó oportunidade ba joven

PR Lú- Olo VII governu tenke fó oportunidade ba joven

Prezidente Repúblika (PR) Francisco Guterres Lú Olo, apela ba sétimu Governu ne’ebé mak lidera hosi Primeiru Ministru (PM) Mari Alkatiri, atu inklui ema hotu liu-liu joven sira tamba joven sira mak save ba prosesu dezenvolvimentu nasionál.

“Ita tenke inklui hotu-hotu, liuliu joven sira, iha nível hotu-hotu sosiedade nian,” informa PR Lú Olo liu hosi nia diskursu hafoin fó tomada de posse ba menbru sétimu Governu konstitusionál iha Palacio Nobre Lahane Dili, Sesta (15/09).

PR Lú Olo, hatutan, inklui joven sira signifika hasa’e oportunidade traballu ba sira, hasa’e kualidade edukasaun nasionál, atu prepara joven sira ba nesesidade iha agrikultura, pekuária, sektór privadu, ho atensaun ba nesesidade empreza kiik no médiu;

“Signifika mós katak ita tenke sé tilun liu tán ba joven sira. Hatene di’ak liután saída mak joven sira hanoin kona-ba dezenvolvimentu,” Aman ba Nasaun ne’e fó hanoin.

Entertantu PR Lú Olo mós hatete. Relasiona ho kompromisu sétimu governu nia liu-liu luta hasoru korupsaun kolusaun no nepotismu (KKN) ne’e tenke luta hodi bele fó oportunidade ba ema hotu liu-liu ba jovens sira.

“Maibé dalan importante tebes atu luta hasoru nepotismu mak harii sistema justu ida, atu joven sira bele tama iha universidade no hetan bolsas estudu iha ita nia rain. Bolsas estudu no asesu ba UNTL tenke hatuir estudante sira nia méritu,” dehan PR Lú Olo.

Tuir Xefe Estadu ne’e katak, dezenvolvimentu Timor-Leste nian, ekonomia no sosiedade nian, iha tinan lima ka sanulu ne’e depende hosi joven estudante sira nia kualidade no méritu, ne’ebé ohin loron sei estuda hela.

“Hanesan ha’u hatete ona, dezenvolvimentu Timor-Leste nian presiza hotu-hotu ninia partisipasaun, la fihir ema ida, mane ka feto. Dezenvolvimentu ezije jerasaun tuan servisu hamutuk ho joven sira,” katak PR Lú Olo.

Lee hotu :   META MALIK-ANTONIO VERDIAL ELEITU BA VISE PREZIDENTE PN

Xefe Estadu ne’e mós subliña,  tenke tau hamutuk esperiénsia no koñesimentu ho inovasaun no kriatividade. Tamba Timor Leste presiza kualidade hosi jerasaun oin-oin.

“Nune’e, ho laran haksolok tebes mak ha’ u haree membru governu balun ho esperiénsia  sira ne’ebé fó aan tomak atu Timor-Leste sai independente  sira ne’ebé hakarak servisu ho jerasaun foun, iha fatin hotu-hotu, inklui iha Konsellu Ministrus,” hakotu PR Lú Olo. Sis

Add to Comments Here!!!!

error: Content is protected.
Secured By miniOrange
You might also like:
Dom Norberto fo korajen ba VII Governu ■Tenki prioritiza nesesidade povu

Bispu Dioseze Maliana, Dom Norberto do...

JORNAL NACIONAL GMNTV Loron-17 Fulan-Setembru Tinan-2017

JORNAL NACIONAL GMNTV Loron-16 Fulan-Setembru Tinan-2017

Close