JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT kestiona Alkatiri hahú kampaña eleisaun antesipada “Lei la bandu parpol halo konsolidasaun”

CNRT kestiona Alkatiri hahú kampaña eleisaun antesipada “Lei la bandu parpol halo konsolidasaun”

Deputadu Jacinto Rigoberto, husi bankada CNRT husu ba bankada FRETILIN no Prezidenti Parlamentu Nasionál, Aniceto Guterres, atu esplika lolos ba públiku kona ba kampaña eleisaun antesipada ne’ebé Primeiru Ministru, Mari Alkatiri hala’o husi Munisípiu ida ba Munisípiu seluk.

“Liga ba eleisaun antesipada, ne’ebé atividades balun ne’ebé mak hala’o relasaun ho eleisaun antesipada nian. Ha’u hakarak atu husu ba Prezidenti atu bele esplika ba ha’u, no povu mós bele hatene kona ba asuntu ida ne’e ninia baze ne’e ho saida, sera que iha lei ruma ka, iha desizaun ruma husi CNE liga ba asuntu ida ne’e ka oinsa,”katak nia.

Entretantu, deputada bankada FRETILIN, Maria Angelica Rangel, lamenta katak, povu hili ona partidu FRETILIN sai vensedor iha eleisaun, maibé ema konsidera nafatin FRETILIN minoria.

“Partidu ne’e povu fó maioria ona, ita dehan nafatin minoria. Agora ha’u hakarak husu, maioria Parlamentar ka, maioria povu, se maioria povu, husik povu mak hili fila fali,”katak Angelica Rangel iha plenária PN, Segunda (23/10).

Nia haktuir, militante FRETILIN sira agora dadauk ne’e prontu ona atu apoiu partidu FRETILIN ba eleisaun antesipada.

“Ami prontu atu ba eleisaun antesipada, no kampaña hahú tiha ona husi Oe-cusse,”dehan Angelica Rangel.

Antes ne’e, Primeiru Ministru, Mari Alkatiri deklara ona iha Parlamentu Nasional katak, programa VII Governu ne’ebé la pasa iha PN Kinta (19/10/17) foin lalais ne’e, nia sei haleu Timor Leste tomak hodi halo referendu ho povu kona ba programa ne’e.

Lei la bandu parpol halo konsolidaun

Lei ba partidu politiku (Parpol) la bandu atu partidu sira halo sira nia konsolidasaun iha baze.

Lee hotu :   Opozisaun ho Governu “soke malu” ■Povu mak sofre no lakon

Prezidenti Comissão Naçional da Eleições (CNE), Alcino Barris, informa katak, lei partidu politiku numeru 2/2016 la iha klauzula ida prevê partidu politiku la bele halo konsolisaun no la prevê apoiantes sira uja atributu partidu politiku.

Alcino Barris hateten, Lei sira ne’ebe em vigor  no lei prosedimentu seluk sira dehan, uza la uza, iha tempu período eleisaun ba kampaña so la bele uja bainhira período iha votasaun fora ida ne’e no kampaña hotu  la bele uza momentu iha período iha votasaun fora ida ne’e lei la proivi, tanba haree ba situsaun normal hela ema barak hatais atributu partidu nian la’o  ba mai la iha lei atu bandu ema sira ne’e konsidera situsaun normal hela kondolidasaun partidu politiku bele la’o

 “Valida nia rezultadu partidu ida ne’ebe sai hanesan vitoriozu iha prosesu ida ne’e ba oin prosesu normal lei la provi CNE atua lei dehan labele Se lei la koalia ami labele halo buat ida tanba buat hotu depende ba lei,” esplika Alcino Barris. Cos/ety

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA Hamutuk ho Governador Banco Central Timor-Leste

JORNAL NACIONAL GMNTV Loron-23 Fulan-Outubru Tinan-2017

FETO IHA KAREIRA Ep.01

Close