JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT-PLP no KHUNTO la konvensidu ho programa Governu “Ameasa sei vota kontra”

CNRT-PLP no KHUNTO la konvensidu ho programa Governu “Ameasa sei vota kontra”

Bankada opozisaun CNRT, PLP no KHUNTO ameasa sei vota kontra programa VII Governu konstituisionál, tanba konsidera programa ne’e VII Governu sei la rezolve problema povu Timor Leste nian iha setor hotu.

Tuir deputada Terezinha Viegas husi bankada CNRT katak, CNRT lamenta tebes ho programa VII Governu ne’ebé lidera husi Primeiru Ministru, Mari Alkatiri  no deklara la konvensidu atu fó konfiansa ba programa ida ne’e.

“Hafoin análiza ho klean, sukat no tetu didiak intensaun ne’ebé hato’o ho nesesidade real ho povu infrenta, bankada CNRT lamenta tebes no deklara, la konvensidu atu fó konfiansa ba programa ida ne’e. bankada CNRT husu ba povu tomak atu kompriende preokupasaun bankada CNRT nian kona ba povu nia moris, no husu atu hakmatek, hodi akompana prosesu ne’e tomak iha paz ho dame nia laran,” dehan Terezinha Viegas liu husi deklarasaun polítika bankada CNRT nian iha PN, Segunda (16/10),  hodi fó apresiasaun ba programa VII Governu ne’ebé aprezenta ba PN.

Nia hatutan, lala’ok hotu ne’ebé hala’o iha Timor Leste ne’e, tenki bazeia ba konstituisaun hanesan lei inan, no tenki tuir povu ninia vontade.

Terezinha afirma, liu husi eleisaun jeral Parlamentar foin lalais ne’e, povu la fó ba partidu ida atu manan maioria absoluta. Aktu povu nian ne’e hatudu katak, povu fó ezersisiu bo’ot ba partidu polítika sira atu halo negosiasaun polítika ba malu hodi hetan konsensus atu forma koligasaun ka bloku aliansa maioria Parlamentar ida ne’ebé garante estabilidade Governativa, hodi nune’e bele hetan aprovasaun ba nia programa no orsamentu, no asegura Governasaun durante tinan 5.

Maibé Terezinha dehan, haree ba VII Governu konstitusionál ne’ebé forma husi bankada FRETILIN no PD, ida ne’e hatudu katak, laiha maioria Parlamentar atu garante estabilidade Governasaun.

Nia afirma, Governu koligasaun ne’e, tenki hetan maioria Parlamentar, la’os pelu kontrariu, koligasaun ida hamosu hikas Governu minoria ida. Ida ne’e nia konsekuensia mak, bankada Parlamentar husi koligasaun la garante estabilidade Governativa, no ikus liu laiha sustentabilidade ba Governu ne’e rasik.

“Sei la hetan apoiu husi bankada Parlamentar opozisaun, mak programa orsamentu ka lei ruma ne’ebé refleta polítika ba programa Governu nian ne’ebé aprezenta ba iha Parlamentu Nasional, sei la liu ou la pasa. Rezultadu kontrariu ne’e, ita atu fó sala ou fó kulpa ba se, bankada opozisaun?. Bankada CNRT dehan la’e, se mak tenki responsabiliza ba estabilidade Governativa  VII Governu ne’e, kabe ba koligasaun ne’ebé forma Governu,”katak Terezinha Viegas.

Lee hotu :   Lere husu mantein VII Governu "Veteranus lakohi Governu monu"

Maske nune’e, bankada CNRT konsidera nafatin VII Governu ne’e, hanesan Governu konstitusionál, tuir artigu 106 númeru 1 konstituisaun da Repúblika. CNRT bankada opozisaun sira seluk sei la bolu VII Governu ne’e hanesan Governu de faktu hanesan uluk iha segunda lejislatura.

“Maibé ami tenki afirma katak, VII Governu ne’e la estavel tanba laiha aliansa maioria Parlamentar ida iha Parlamentu Nasional, hodi aprova programa no orsamentu Estadu no seluk tan. Ho lia fuan seluk, Governasaun VII Governu sei depende totalmente ba aliansa maioria Parlamentar. Karik lahetan apoiu husi aliansa maioria Parlamentar, mak Governu ne’e sei monu iha kualker momentu,” dehan Terezinha.

Nia afirma, CNRT kompromete ona katak, kuandu la manan maioria absoluta iha eleisaun Parlamentar, mak CNRT sei ba opozisaun. Tanba ne’e, iha loron 4 to’o 6 Agostu 2017, CNRT realiza konferensia ida hodi aprova polítika partidu CNRT nian ba oin. Liu husi konferensia ne’e, konferensista sira deside liu husi rezolusaun katak, mantein opozisaun bazeia ba kompromisu eleitoral, ba kestaun paz no estabilidade, intrese Estadu no estabilidade Nasional, CPN no CDN no Prezidenti partidu mak sei deside.

Tanba bankada CNRT, PLP no KHUNTO pozisi aan nu’udar bankada opozisaun, mak hot-hotu konkorda harii aliansa maioria Parlamentar. Insidensia ida ne’e, la’os inpoint tranzisaun poder, maibé haree de’it ba frazilidade no insustentabilidade VII Governu ida ne’e, bankada CNRT, PLP no KHUNTO forma bloku aliansa maioria parlamentar, atu sai alternativa ba intrese Estadu tuir konstituisaun haruka.

“Tanba ne’e, ami laharee oinsa programa VII Governu ne’e atu rezolve problema sira ne’ebé povu Timor Leste infrenta iha setor oi-oin. Tanba ne’e, ami laiha plena konfiansa katak, programa ne’e, sei bele lori  povu Timor Leste atu realiza nia mehi atu sai nasaun ida dezenvolvidu, livre husi kiak no mukit, tuir planu estratejiu dezenvolvimentu  2011-2030,” tenik Terezinha.

Lee hotu :   Última Hora - Anunciados novos membros do Governo timorense, mas executivo ainda incompleto.

Terezinha dehan, tuir regras normal demokrasia nian, minoria mak tenki submete ba maioria, la’os maioria mak tenki submete fali ba minoria, tanba ida ne’e mak esensia demokrasia nian.

Tanba ne’e, bankada CNRT husu ba orgaun hotu hotu atu hala’o kna’ar tuir de’it konstituisaun no lei haruka. Bankada CNRT sei kontra hahalok sira ne’ebé la tuir prosediamentu legal ne’ebé vigora iha nasaun RDTL ida ne’e.

“Depois simu, lee no analiza programa VII Governu ne’e, ami nota katak, programa ida ne’e lahatudu koerensia estrutural ne’eb’e diak, tanba maior parte husi  programa sektoriais hotu la halo aluzaun ba realidade iha rai laran,  lahatudu objetivu klaru husi intervensaun sira ne’ebé Governu pretende atu halo, no lahatudu eskala prioridade husi programa ne’e,” dehan Terezinha.

Alende ne’e, Xefi bankada PLP, Fidelis Magalhães, hateten, PLP halo ona  klean kona ba programa VII Governu nian.

Nia hatutan, formasaun VII Governu ho minoria ne’e, sai sasidik bo’ot ida ba Governu ida ne’e, atu oinsa bele alkansa objetivu dezenvolvimentu ba povu nia moris diak, tanba hatur hela ho risku, ba falta estabilidade Governativa.

PLP deside hola parte iha aliansa maioria Parlamentar, ho razaun ida katak, atu forma Governu ida, presija iha hetan maioria iha Parlamentar, atu nune’e bele hetan apoiu ba programa no proposta ba orsamentu jeral Estadu.

VII Governu ne’e mosu ho koligasaun ida maioria, ne’ebé konstituisaun rasik mós la defini. PLP hakarak reiteira PLP nia komprimisu ba polítika ida ne’ebé ba dame no domin. Atuasaun hirak ne’ebé PLP iha Parlamentu Nasional to’o agora, la’o tuir de’it konstituisaun haruka.

“Hafoin haree ho klean programa VII Governu nian, ami konkluzaun balu katak, ami haree programa ida ne’e laiha prioridade ida ne’ebé klaru, tanba iha programa ne’e, buat hotu importante no prioridade, no fó nafatin fleksibilidade atu aumenta tan programas balu tuir dalan. Ami hanoin la divia hanesan ne’e, no programa ida ne’e mós kompostu husi espresaun, promesas no komprometidu husi programas barak, maibé laiha dadus ruma ne’ebé ami bele uza atu bele haree katak, intensaun ne’e, atu aranka husi ne’ebé, no atu halo saida ba oin,” dehan Fidelis.

Lee hotu :   JORNAL NACIONAL GMNTV Loron-21 Fulan-Novembru Tinan-2017

PLP mós konsidera programa VII Governu ne’e, jeral liu atu atinji objetivu ruma, no hodi halo saida ba povu durante tinan lima.

“Programa polítika VII Governu ida ne’e, hanesan tentative ou tatika polítika ida de’it, atu hetan apresiasaun hodi hetan konsensu polítika ida, ho objetivu ida de’it ba aprovasaun programa. Programa ne’e, tuir ami nia haree, laiha klareza polítika, tanba laiha kordenasaun polítika ne’ebé lolos. Programa ne’e ita bele fó sumario ida karik katak, programa nakonu ho banin been hodi atrai de’it, maibé jeneriku liu,” katak Fidelis.

Entretantu, Xefi bankada KHUNTO, Luis Roberto da Silva mós hateten, KHUNTO sei la vota a fovor ba programa VII Governu ne’e, tanba programa ne’e nia sistematiku laiha.

“Tanba ida ne’e, KHUNTO rejeita, tanba KHUNTO reprezenta povu iha Parlamentu ne’e, atu kuda interese Nasional, la’os tau interese individual, grupu husi partidu ida iha Parlamentu Nasional. Tanba ida ne’e, KHUNTO hakarak hateten, ami atu halo aprovasaun ba programa ida ne’e, aprova ba saida nian,  programa VII Governu ne’e, sempre iha fleksivel, no Governu fleksivel. Ida ne’e signifika katak, VII Governu nia programa laiha koerensia no la estavel, tanba programa ne’e bele muda. Ida ne’e hatudu klaru katak, VII Governu laiha polítika defenida ba dezenvolvimentu Nasional no oinsa atu ukun nasaun ida ne’e. bazeia ba ida ne’e, ami bankada KHUNTO mensiona sei la aprova programa VII Governu,” katak Luis Roberto.

Hatan kona ba preokupasaun hirak ne’e, Primeiru Ministru Mari Alkatiri esplika, programa VII Governu ne’e, nia baze iha konstituisaun.

“Se ami mak tuir duni artigu konstituisaun hateten, programa ne’e metade de’it, maibé ami hakarak detailha mak ami halo bo’ot liu oit uan,” katak Alkatiri.

Xefi VII Governu ne’e hatutan, porgrama ida ne’e la define prioridades, tanba programa ne’e la’os gia implementasaun planu, maibé programa jeral Governu nian.cos

Add to Comments Here!!!!

error: Content is protected.
Secured By miniOrange
You might also like:
La tuir regras, PN rejeita karta imunidade Vicente Guterres

Parlamentu Nasional (PN) rejeita karta imunidade...

Inan sibuk ho Facebook, oan sai vítima iha eskola

Maioria inan aman iha mundu sempre...

Cidalia husu Rede Feto promove feto rural

Espouza Prezidenti Republika, Cidalia Lopez Guterres,...

Close