JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu entrega programa ba PN, Prioridade hadia povu nia moris

Governu entrega programa ba PN, Prioridade hadia povu nia moris

Ministru Prezidensial Konselho Ministrus (PCM), Adriano do Nascimento, Tersa (10/10/2017), ofisilamente entrega ona programa VII Governu Konstitusional nian ba Prezidenti Parlamento Nasional (PPN) Aniceto Guterres. Programa ne’e prioridade ba area infra-estrutura bazikas, edukasaun, Saude, sanemantu ho agrikultura, atu bele hadia povu nia moris.

Programa Governu nian ne’e sei hetan apresiasaun iha membru Bankada Parlamentares sira, inklui komisaun Parlamentar antes lori ba diskuti kle’an iha plenaria.

“Ami ninia obrigasaun mak fo ona programa ne’e, depois kalenderizasaun ne’e disidi husi Parlamentu Nasional atu monu iha sa loron,” Adriano do Nascimento, ba jorenalista sira iha PN.

Programa prioridades ba Governu nian ne’ebe aprezenta ba PN mak hadia povu nia moris. Ho nune’e, VII Governu Konstitusional konsientemente tau prioridades ba area infra-estrutura bazikas, edukasaun, Saude, sanemantu ho agrikultura.

“Ha’u hanoin diak liu Primeiru Ministru mak bele esplika kontuidu lolos, hau labele hatete antes mai debate iha Parlamentu Nasional (PN), tanba, Primeiru Ministru sei mai esplika ba povu tomak,”  hateten Adriano do Nascimento.

 Antes entrega programa VII Governu nian ne’e, Ministru Prezidénsia Konsellu Ministru, Adriano do Nascimento, informa uluk ba Prezidente Republika (PR) Francisco Guterres Lú Olo, konaba programa governu aprova ona iha Konsellu Ministru.

“Enkontru ne’ebé halo ho Prezidenti Repúblika hodi informa servisu ne’ebé governu halo durante ne’e, hodi aktualiza ba Prezidenti Repúblika katak, governu ida ne’e halo dadauk ona ninia servisu, inklui halo hela programa no iha konsellu ministru aprova ona,” hateten Adriano.

Semana oin debate

Husi sorin seluk Prezidente Parlamentu Nasional, Aniceto Guterres Lopes, informa, programa VII Governu ne’e sei hatutan ba iha bankada sira hotu iha PN hodi halo estudu.

Lee hotu :   FRETILIN, PLP HO KHUNTO, SEI DESKUTI SUBSTANSIAL KOLIGASAUN

“Komforme Ministru hateten katak, sira sei lori kopia ho versaun lian Tetun fahe ba deputadu sira hodi diskute klean liu iha kada bankada sira iha Parlamentu Nasional, antes tama ba faze debate semana oin,” haktuir Guterres.

Bankada lima iha Parlamentu Nasional  hanesan FRETILIN, CNRT, PLP, PD no KHUNTO sei estuda didiak programa ne’ebé VII governu entrega ona ba PN hodi halo diskusaun.

Prezidente bankada KHUNTO, Luis Roberto, deklara, nu’udar partidu opozisaun sei estuda didiak programa ne’ebé Governu entrega ona.

“Wanhira programa ne’e iha relevante ba kondisaun povu nian, bankada sei fo apoiu, karik laiha ligasaun maka sei vota kontra,” hateten deputadu Luis Roberto ba jornalista sira iha uma fukun PN, Tersa (10/10/2017).

Antes ne’e, bankada opozisaun tolu hanesan PLP, CNRT no KHUNTO deklara ona, sei estuda didiak programa ne’ebé VII  governu aprezenta ba PN, hafoin bele deside vota kontra ou apoiu ba programa refere.

Antes ne’e, Primeiru Ministru, Mari Alkatiri mós apela ona, programa ne’ebé VII Governu aprezenta sei fo prioridade liu ba kondisaun povu nian.

Kontinua programa VI  governu

Iha ajenda polítika tinan lima nian ne’e hatuur-an iha komponente tolu importante mak hanesan, primeiru, fó kontinuasaun ba programa VI Governu Konstitusionál nian. Segundu, hatur-an nafatin iha estrutura no vizaun Planu Estratejiku Dezenvolvimentu Nasionál (PEDN) 2011-2030 nian hanesan, Dezenvolvimentu Setór Sosiál nian, Dezenvolvimentu Setór Infra-estrutura nian, Dezenvolvimentu Setór Ekonómiku nian no Dezenvolvimentu Setór Governasaun nian. Terseiru, hatuur-an iha kompromisu polítika Partidu FRETILIN no Partidu Demokratiku nian.

Programa ne’e hatudu (espresa) kompromisu sira ba governasaun durante tinan lima oin mai, ne’ebé inklui kombate hasoru izolamentu (hodi foka liu ba Enclave Oecussi Ambeno no Illa Ataúro), kriasaun infraestrutura sira ne’ebé iha kualidade, hadi’a prestasaun servisu públiku sira, liu-liu iha saúde no iha protesaun sosiál, no dezenvolvimentu ekonomia nian no, tuirmai, dezenvolvimentu kondisaun moris Timoroan sira nian. Kestaun kona-ba delimitasaun definitiva no defeza ba ketan (fronteira) sira nafatin horik iha topu prioridade sira nian.

Lee hotu :   PR Lú Olo : Kompozisaun VII Govenu refleta nesesidade Estadu

Edukasaun, saúde, empregu no kapasidade ekonómika timoroan sira nian identifika ona hanesan área sira ne’ebé sei hetan intervensaun prioritária. Ba área sira ne’e Governu proproin kriasaun modellu foun ida husi dezenvolvimentu globál no integradu, sustentadu iha konsolidasaun husi finansas públikas.

Aprezenta  OR

Entretantu tekniku sira Ministeriu Finansa (MF) nian mos hahuu aprezenta Orsamentu Rektifikativu (OR) tinan fiskal 2017 nian ba Konsellu Ministrus (KM). Ho nune’e, KM halo konfirmasaun kona-ba programa VII Governu Konstituisional ne’ebe haruka ona ba PN.

Sekretariu  Estadu do Konsellu Ministrus no Komunikasaun Sosial, Matias Freitas Boavida, iha Palacio do Governo, informa katak, ministrus sira halo dau-daun diskusaun ba politika Orsamentu Rektifikativu atu lori ba debate iha PN.

“Ita hein katak politika Orsamentu Rektifikativu ne’e bele lori ba PN atu hetan apresiasaun husi PN,” hateten Matias Boavida. ekipa GMN

Add to Comments Here!!!!

error: Content is protected.
Secured By miniOrange
You might also like:
KAK investiga ona kazu ikan tubaraun

Comissão Anti Corupção (CAC) hamutuk ho...

Hamutuk ho Artista sénior “Chico Maulohi” iha programa especial “HAPPY HOUR” Ep.10

Xanana Gusmão hato’o parabens ba Taur

Prezidenti Partidu CNRT, Kayrala Xanana Gusmão...

Close