JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Hong Long laiha kontratu, Governu fó lisensa Alkatiri: “Ha’u la’os peskador”

Hong Long laiha kontratu, Governu fó lisensa Alkatiri: “Ha’u  la’os peskador”

Ministru Agrikultura no Peskas (MAP), Estanislau Aleixo da Silva, rekoñese, atividade peskas ne’ebé hala’o iha tasi mane husi kompañia Hong Long  laiha kontratu, maibé Governu fó de’it lisensa ba atividade ne’e ho objetivu atu Estadu Timor-Leste bele hetan reseitas.

www.gmntv.tl

“Atividade peska laiha kontratu, maibé lisensa ne’ebé renovavel tinan-tinan. Ita-nia tasi mane ne’e tubaraun barak tebes, iha tempu Indonesia nian kedas, ema sempre ba kaer ikan iha tasi mane. Kuandu ikan tubaraun barak demais, perigu ba ikan espesi sira seluk, maibé la’os dehan katak sira tenki kaer tubaraun hotu,”afirma Estanislau da Silva iha plenária extra-ordinária Parlamentu Nasioná (PN), Kinta (05/10), hodi responde preokupasaun deputadu sira nian kona-ba aktividade peskas ne’ebé halo husi kompañia Hong Long-China.

Nia hatutan, rede ne’ebé agora dadauk Kompañia Hong Long uza hodi kaer ikan ne’e, estandar internasionál, la’os rede arastu.

“Rai barak kaer ikan tubaraun tanba la’os tubaraun hotu protejidu, nusa mak ita nian labele kaer, kaer tubaraun protejidu ne’e oin seluk,” afirma Estanislau.

Estanislau esplika, rede ne’ebé mak Hong Long uza ne’e, la estraga ahu ruin sira iha tasi okos, tanba rede ne’e hatun no foti sa’e de’it, la’os rasta.

“Ministériu  Agrikultura la mai atu defende kompañia Hong Long, se kompañia sala tenki aplika sansaun,”afirma nia.

Nune’e mós, Ministru Komersiu Industria, António da Conceição, hateten, sira nia papel ne’ebé ligadu ho servisu ne’ebé mak Ministériu Agrikultura halo, ligadu ho dezenvolvimentu ekonomia nasaun nian.

Nia hatutan, atu kombate peska illegal iha tasi mane, MAP fó lisensa operasaun ba kompañia Hong Long atu halo atividade peska.

António salienta, iha duni diploma konjuntu ministerial entre Ministériu Komerisu Industria, ne’ebé iha diploma ne’e mós kontempla espesi ikan sira ne’ebé protezidu, liu husi akordu internasionál.

“Maibé Ministeriu Komersiu Industria nia involvimentu seidauk to’o iha lisensa ba peska ne’e rasik, tanba pedidu ba ida ne’e mós seidauk halo,” relata António da  Conçeicão.

Lee hotu :   CNRT konsidera, Alegasaun kona-ba dívida billaun US$1.6, Propaganda polítika falsu

Maske nune’e, Prezidenti Komisaun D-PN, Deometro Amaral, kestiona hodi hateten, tuir dadus ne’ebé nia iha, kompañia Hong Long kaer ikan tubaraun barak, tanba la’os uza rede bai-bain.

“Ha’u iha dadus ne’ebé hatudu katak, rede ne’ebé uza, nia naruk ne’e ultrapasa konvensaun mar internasionál nian. Konvensaun internasionál hateten, rede ne’ebé mak tenki uza ne’e, km 10.5, maibé dadus ne’ebé ita hetan, sira uza rede km 20, no ankor ne’ebé sira uza ne’e, nia akaptasaun 95% tubaraun,” relata Deometro husi bankada PLP ne’e.

Nune’e mós deputadu Ricardo Baptista husi bankada CNRT hateten katak, atividade peska ne’e karik teknika Timor-oan sira la akompaña, hodi implika kompañia halo tuir sira-nia hakarak.

“Ha’u haree ba kaer ikan tubaraun ne’ebé barak hanesan ne’e, hamosu dúvida ba ha’u kona ba rede ne’ebé uza ne’e, gil net duni ka, rede seluk. Tanba se rede gil net mak pari mós kaer hotu, ida ne’e la’os gil net, maibé trambel net,” katak Ricardo.

Nia kontinua lamenta, kuandu kompañia Hong Long uza rede tambel net, entaun tubaraun, pari no lenuk iha tasi Timor sei laiha tan, tanba rede ne’e sei kaer moos hotu.

Deputadu Aurelio Freitas husi bankada FRETILIN mós hateten, atividade peska iha tasi mane ne’e, diak duni atu evita peska illegal, maibé tenki halo ho polítika diak, hodi ema sira ne’ebé halo servisu ne’e, labele aproveita fali tempu.

“Ha’u la’os akuza, maibé ha’u hakarak husu para Ministru abertamente esplika ba públiku atu hatene, atividade ne’e iha joint venture ho kompañia lokal ruma ka, sira mesak. Karik iha joint venture kondisaun ba joint venture ne’e oinsa, ha’u la preokupa se se de’it mak iha ne’eba,” katak Aurelio Freitas.

Lee hotu :   PN husu empregador labele uza traballador ba hetan benefísiu, Salariu mínimu US$115 la relevante ona

Nune’e mós deputadu Abel Pires, husi bankada PLP husu ba Ministru Estanislau da Silva atu halo esplikasaun kona ba prosesu kontrolu ba Hong Long ne’e oinsa hodi bele hatene katak, kompañia Hong Long ne’e kumpri regras.

Nia hatutan, tuir dadus ne’ebé mak iha, iha ró Hong Long nia laran ne’e, ikan tubaraun de’it mak nakonu iha laran.

“Ha’u nia pergunta mak ne’e, lisensa ne’e atu ba halo peska ka, atu ba kaer de’it ikan tubaraun, tanba ida ne’e hatudu indikasaun ne’ebé ladun diak ba públiku, tanba sira uza lisensa ne’e atu hetan de’it ikan espesi ne’ebé iha nia valor ekonomiku diak,” tenik Abel.

Entretantu, deputada Olinda Guterres husi bankada KHUNTO hateten, oinsa mak Governu bele garante no asegura atividade peska ne’e atu la’o tuir lei ne’ebé mak vigora ona iha Timor Leste.

“Karik ita iha ona ró ka aviaun ruma atu halo kontrolu ba ida ne’e?, tanba ita nia povu haree no rona informasuan ida ne’e, sira la kontenti,” dehan Olinda.

Alkatiri : “Ha’u  la’os peskador”

Husi parte seluk Primeiru Ministru (PM) Mari Alkatiri, reafirma katak, nia la’os peskador, tanba ne’e nia la halo buat ida kona-ba peskas nian.

“Horbainhira ha’u koalia ona,  ha’u la’os peskador ne’ebe ha’u la halo buat ida ba peska,” afirma PM Mari Alkatiri, hodi respondce jornalista sira kona-ba kazu kompaña Hong Long ne’ebe halo peskas ba ikan protezidus tubaraun.

Kompaña Hong Long hetan lisensa husi Ministeriu Agrikultura no Peskas (MAP) atu halo aktividades peskas iha tasi mane nian, maibe komete iregularidades tanba peska fali ikan tubaraun ne’ebe mak sai hanesan espesies protezidus tuir Dekretu Lei Governu nian.

Iha fatin hanesan, Komandante Jeral Polisia Nasional Timor Leste (PNTL), Komisario Julio da Costa Hornay haktuir, parte PNTL  hala’o ona identifikasaun ba kazu tubaraun tuir orientasaun ministeriu publiku.

Lee hotu :   Partido Politiku labele pratika Money politic

“Investigasaun remata tiha ona, ita kumpri orientasaun Ministeriu Publiku ba halo identifikasaun, agora rezultadu investigasaun intrega ona ba ministeriu publiku bele estuda fila fali, maka orsida sei delega nia kompetensia investigasaun ba sé,” hatete Komisariu Julio Hornay.

Antes ne’e mos, Prezidenti Republika (PR), Francisco Guterres Lú Olo, fo orientasaun no koragen ba Prokurador Geral da Republika (PGR) atu atua investigasaun ho komptensias tomak ba kazu ikan tubaraun, ne’ebe deskunfia involve autoridade sira iha Ministeriu Agrikultura e Peskas (MAP) ho mos Komapania Hon Long Fisheries, Lda.

PGR José Ximenes haktuir ministeriu publiku kontinua atua ninia komptensia tuir prinsipiu legalidade hanesan matadalan komporementa ba ministeriu publiku nian.

Investiga mos MAP

Husi sorin seluk, Direktor Ezekutivu  FONGTIL, Arsenio da Silva Preira, husu atu orgaun kompetenti halo investigasaun profunda mos ba kuadrus no dirijentis sira iha MAP ne’ebe lidera husi Ministru Estanilau Aleixo da Silva.

“Ita hein rezultadu investigasaun husi Ministeriu Publiku no desizaun ikus husi Tribunal,” hateten Arsenio Pereira ba GMN iha nia servisu fatin.

Nia mensiona katak, kazu kompaña Hong Long ne’e ba dala rua ona, tanba uluk mos sira peskas ikan tubaraun toneladas atus rua resin no agora akontese tan.

Nia reforsa tan, tuir lo los MAP tenke hatene prepara uluk fatin ne’ebe atu tau ikan no halo prosesamentu duke haruka ema ba servisu iha rai liur.  Exemplu konkrita hanesan kompana serveja ida ne’e ema barak mak ba servisu iha ne’eba. Maibe, Hong Long nia atividades la fo benefisiu ba Timor Leste tanba la fo servisu ba timor oan no halo tan peskas ilegal.

Arsenio  husu ba Governu foun wainhira halo buat ruma tenke halo estudu viabilidade hodi haree ba aspeitu sosial, ekonomiku ho mos ambiental. cos eus/ety

Add to Comments Here!!!!

error: Content is protected.
Secured By miniOrange
You might also like:
Banda Musica Acoustica “KLAN” hamutuk ho Artista sênior “Nelson Carvalho” Iha programa “HAPPY HOUR” Ep.07

GRANDE ENTREVISTA Hamutuk ho Ministro de Estado e Ministro de Agricultura e Pescas

JORNAL NACIONAL GMNTV Loron-5 Fulan-Outubru Tinan-2017

Close