JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Ko’alia sala, FRETILIN haksesuk ho CNRT ■ Arão Noe husu deskulpa

Ko’alia sala, FRETILIN haksesuk ho CNRT  ■ Arão Noe husu deskulpa

Deklarasaun Xefi bankada CNRT, Arão Noe iha media ne’ebé hateten, konfrontu entre joven sira iha Dili laran tamba motivu husi formasaun VII Governu ne’ebé tarde. Tamba ne’e, halo bankada FRETILIN “ran sa’e ulun” hodi “deut malu” ho CNRT.

www.gmntv.tl

Deklarasaun Arão Noe nian ne’e, bankada FRETILIN iha Parlamentu Nasionál (PN) konsidera halo povu trauma, no FRETILIN husu ba Arão Noe atu aprezenta faktus, tanba iha Munisípiu sira agora dadauk trauma ho deklarasaun ida ne’e.

Deputada Maria Ana Belo husi bankada FRETILIN hateten, informasaun ne’ebé deputadu Arão Noe ko’alia ba media iha semana liu ba, halo povu trauma.

“Ha’u hasoru ita-nia ema sira iha Munisípiu ne’eba, preokupa los ho informasaun ne’ebé deputadu Arão Noe hateten iha media katak, agora juventude sira komesa oho malu, tanba formasaun VII Governu ne’e tarde,” relata Maria Ana Belo iha plenária PN, Segunda (09/10).

Tanba ne’e, nia husu ba deputadu Arão Noe atu esplika ba públiku kona ba nia deklarasaun, hodi povu labele trauma, no tenki fó evidensia.

Alende ne’e, deputadu Aurelio Freitas, husi bankada FRETILIN hateten, VI Governu, CNRT de’it mak ukun, maibé partidu opozisaun sira iha Parlamentu Nasional, apoiu Governu ne’e to’o remata.

Aurelio dehan, deklarasaun pesoal deputadu Arão Noe nian ne’e, FRETILIN la senti ofendidu, tanba ida-idak ho nia polítika.

“Ha’u hakarak hateten de’it ba maluk investigador ka polisia sira hakarak buka informasaun, lalika buka tuir ema, deputadu Arão Noe iha ne’e hatene, tanba nia mak hamutuk halo planu ne’e mak, nia hatene kauza ne’e,” relata Aurelio.

Nia kontinua lamenta katak, deputadu Arão Noe hateten ona katak, kauza husi juventude sira ne’ebé agora dadauk provoka situasaun iha fatin-fatin ne’e, tanba formasaun VII Governu tarde.

Lee hotu :   Kalbuadi Lay eleitu ba Sekjer CNRT, Prezidente Xanana Gusmão

“Partidu hirak ne’e iha Parlamentu Nasionál deklara a’an dehan opozisaun, maibé sira lahateten dehan, ami opozisaun tenki hamutuk, maibé iha VII Governu ne’e oin seluk fali, tanba iha intensaun, laiha buat ida, ita simu de’it,” lamenta Aurelio.

Hatan ba deklarasaun ne’e, Xefi bankada CNRT, Arão Noe rekoñese katak, deklarasaun ne’e nia halo pesoal, hodi hatan ba perguntas jornalista sira nian. Tanba ne’e, Arão Noe husu deskulpa, karik nia deklarasaun ne’e sala.

“Ida ne’e ha’u nia opiniaun pesoal ida, expresaun ida ne’ebé momentu entrevista mak ha’u hatete, tanba ne’e ha’u husu deskulpa se deputadu sira ka komunidade senti preokupadu, ida ne’e expresaun pesoal ha’u nia privadu,” katak Arão Noe.

Tanba ne’e, Arão Noe husu ba deputadu sira seluk atu labele uza komunikasaun sosial atu halo deklarasaun ameasa malu.

“Jornalista ne’ebé foti, ita haree ninia konteudu kompletu, ita bele halo análiza iha ne’eba,” katak Arão Noe.cos

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA Hamutuk ho Liders 75 “Rogerio Lobato”

JORNAL NACIONAL GMNTV Loron-09 Fulan-Setembru Tinan-2017

Konflitu mosu entre joven sira, tanba tau interese pesoal aas liu hotu

Bispu Diocese Díli, Dom Virgílio do...

Close