JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Laiha dalan ba eleisaun antesipada “Espera PR implementa konstituisaun ho lolos”

Laiha dalan ba eleisaun antesipada “Espera PR implementa konstituisaun ho lolos”

Prezidenti Komisaun A Parlamentu Nasional (PN) trata asuntu konstitusional no justisa, Carmelita Caetano Moniz, esplika, tuir konstituisaun dalan laiha ba eleisaun antesipada, bainhira prosesu parlamentar la’o normal no laiha disolusaun.

“Ita tenke kaer ba regra konstitusional loloos, ita atu ba eleisaun antesipada kuandu partidu ida laiha garante maioria parlamentar, entaun ita bele ba eleisaun antesipada,  tuir konstituisaun RDTL artigu 100 mós hateten, depois de eleisaun dentru fulan neen labele halo disolusaun (bubarkan-red) ba Parlamentu Nasional,  tanba eleisaun antesipada ne’e mosu wainhira disolusaun Parlamentu Nasional,”hateten Carmelita Caetano Moniz ba jornalista sira iha uma fukun parlamentu nasional, Kuarta (18/10/2017).

Carmelita relata, Prezidenti Repúblika labele dissolve Parlamentu Nasional, funsionamentu PN la’o normal no laiha krize ruma.

“Prezidenti dissolve tiha Parlamentu Nasional mak foin ba eleisaun antesipada. Maibe dissolve Parlamentu Nasional kuandu iha krize grave institusional ruma, ne’e bele dissolve, maibe ita iha funsionamentu instituisaun sira normal hela, dalan hosi ne’ebé mak ita atu ba eleisaun antesipada, dalan laiha,”dehan tan Carmelita.

Carmelita Moniz ne’ebé hasai kursu direitu ne’e hatete, bainhira sei iha Partidu Maioria Parlamentar bele garante, labele hakat liu ba eleisaun antesipada.

“Kestaun agora ita nian atu eleisaun antesipada primeiru iha partidu ida garante hela maioria parlamentar, segundu se atu ba eleisaun antesipada, osan iha ne’ebé?  Tanba gastus ne’e bo’ot,  governu agora labele lori orsamentu mai parlamentu, se programa ne’e la passa, ba oin sei Governu jestaun,    kuandu Governu jestaun, labele toma desizaun polítika, inklui labele lori orsamentu mai iha Parlamentu Nasional, ne’ebé laiha osan ita atu ba eleisaun antesipada halo nusa? Ne’e realidade de’it, agora partidu minoria laiha maioria, karik programa la aprova sei fo tan tempu atu hato’o programa ba segunda vez nian, se programa Governu ne’e la aprova tan karik, sei iha partidu ida bele garante maioria iha parlamentar, ita labele hakat liu ba eleisaun antesipada, ida ne’e mak akontese mós iha nasaun seluk hanesan França no Portugal ne’ebé ita adopta sira nia sistema, maibe ita la adopta 100%, maibe referensia mai hosi ne’eba,    kuandu iha partidu ida garante hela nia maioria maka eleisaun antesipada sei laiha,  maibe eleisaun antesipada bele iha depois de fulan neen,”haktuir deputada Carmelita.

Lee hotu :   ALKATIRI FIAR PLP SEI ASEGURA GOVERNU FRETILIN IHA PN

Deputada bankada CNRT ne’e garante, Prezidenti Repúblika (PR), Francisco Guterres ‘Lu-Olo’, nu’udar mós Prezidenti assembleia konstituinte ne’ebé aprova konstituisaun RDTL, sei implementa lei hotu tuir dalan no sei la viola lei ruma.

“Ita hotu tenke kaer ba regra konstitusional, labele kaer ba buat seluk, tanba Estadu ne’e nu’udar Estadu direitu demokrátiku,    ha’u fiar Prezidenti Repúblika, Prezidenti ida ne’ebé uluk aprova konstituisaun Repúblika iha lejislatura dahuluk,  tuir ita hotu hatene,  tanba Dr. Lu-Olo mak Prezidenti Parlamentu iha inisiu parlamentu ne’e hahú, ne’ebé agora ita nia Prezidenti Repúblika, nia faz parte mós halo ita nia konstituisaun repúblika, Dr. Lu-Olo mós nu’udar jurista no mestradu iha área jurídika nian,   ha’u fiar katak ita-nia Prezidenti atual ne’ebé iha koñesimentu klean konaba konstituisaun. Tanba ne’e, ha’u fiar katak ita-nia Prezidenti Repúblika sei kaer metin loos ba konstituisaun no sei implementa bazeia ba konstituisaun, tanba tuir konstituisaun mós ema ne’ebé garante konstituisaun mak Prezidenti Repúblika, ha’u fiar Dr. Lu-Olo sei garante implementasaun konstituisaun repúblika tuir nia dalan loos,”subliña Carmelita.

Antes ne’e, Primeiru Ministru, Marí Alkatiri, deklara ona, bainhira programa Governu dahitu nian la pasa iha Parlamentu Nasional, sei hakat ba eleisaun antesipada.

Tuir deputada bankada CNRT, Carmelita Caetano Moniz, katak, laiha partidu ida mak hakfodak ba eleisaun antesipada, kuandu tuir nia dalan. Maibe dalan ne’e seidauk bele to’o iha ne’eba, tuir konstituisaun RDTL nian.

Carmelita apela tan, se iha eleisaun antesipada, partidu hotu ne’ebé válida iha tribunal iha direitu legal para atu tuir eleisaun antesipada.Say

Add to Comments Here!!!!

error: Content is protected.
Secured By miniOrange
You might also like:
Lere Anan Timur preokupa krize polítika “Governu monu makina Estadu la funsiona”

Chefe Estadu Maior General das FALINTIL...

Alkatiri ho mata wen, Promete la lori programa Governu ba debate daruak iha PN

Primeiru Ministru (PM), Mari Alkatiri, deklara...

JORNAL NACIONAL GMNTV Loron-18 Fulan-Outubru Tinan-2017

Close