JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Posse ba dala ikus, PR Lú Olo husu Timor-oan tenki dedika-an iha servisu

Posse ba dala ikus, PR Lú Olo husu Timor-oan tenki dedika-an iha servisu

Atu hasa’e kualidade servisu Estadu hodi hetan dezenvolvimentu nasional, Timor-oan hotu-hotu tenki servisu ho dedikasaun tomak iha ida-idak ninia kna’ar.

Lia hirak ne’e hato’o husi Prezidente Repúblika (PR) Francisco Guterres ‘Lú Olo’, iha ninia diskursu hafoin fó tomada de posse ikus ba membru VII Governu konstitusional nain lima (5), iha Palasiu Prezidensial Nicolau Lobato, Bairo Píte, Díli, Tersa (17-10-2017).

Tomada de posse ba datoluk ne’e halo ba membru Governu nain lima (5) kompostu, Maria Angela Carrascalão nu’udar Ministra Justisa (MJ), Vise Ministra ba Planu no Finansas (VMPF) Sara Lobo Brites, Vise Ministra Negosius Estranjeiru no Kooperasaun (VMNEK) Adaljiza Magno, Ministru Tursimu (MT) Manuel Vong, Vise Ministru Turismu (MT) Rui Menezes da Costa.

Iha diskursu PR Lú Olo, husu ba ema hotu atu kontribui ba VII governu, no kria paz no estabilidade atu bele lori nasaun ne’e ba dezenvolvimentu.

“Há’u hakarak fo hanoin ba exelensia sira no maluk sira hotu oinsa VII Governu harii. Harii duni ho kuidadu tomak, liu husi dalan ida ne’ebé buka unidade Timor oan sira nian, buka kuadrus ho kualidade, la hases ema ida husi dezenvolvimentu nasional. prosesu harii Governu ida la’os halo ho ansi, la’os dudu ba oin arbiru deit no halo lalais deit. Há’u saúda Primeiru Ministru Mari Alkatiri ba nia esforsu tomak liu husi dialogu no dalan ne’ebe nia rasik iha ona esperiensia atu hetan solusaun estável no hahalok ida ne’ebé diak ba hot-hotu iha tempu naruk,”dehan PR Lú Olo.

PR Lú Olo mós afirma, durante luta libertasaun Timor-Leste, ema hotu aprende barak, líder sira no povu tomak.

Lee hotu :   CNRT, PLP no KHUNTO forma bloku AOMP kontrola Governu *Konsidera PR Lu-Olo la kumpri regras konstitusional

“Ita aprende liu-liu atu hases a’an husi liafuan sira ne’ebe fahe ita, ita aprende atu dada a’an husi radikalismu, ita la kaer metin deit ita nia hanoin no hakarak, maibe ita rona mos maluk sira seluk. Ita tinan 24 nia laran no tinan 15 nia laran, ita aprende katak, diak liu halo kompromisu atu halibur ita nia povu, hametin ita nia país,” dehan PR Lú Olo.

Ho tomada de posse ida ne’e, Lú Olo konsidera atu hametin liu tan Estadu Timor-Leste.

PR L’u Olo mós la haluha hodi fo agradesimentu ba ekipa negosiasaun fronteira marítima ne’ebé konsege lori Timor-Leste hetan susesu. Nia mós saúda Governu Australia tanba husi nia vizaun no desizaun, Timor-Leste hetan ona rezultadu ne’ebé fo benefisiu ba parte hotu.

Total membru Governu dahitu hamutuk ema nain 36, inklui sira nain 5 ne’ebé simu pose ba dala ikus. Iha tomada de posse ba loron dahuluk iha membru Governu 11, no tomada de posse ba daruak iha membru Governu 20. ves/ias

Add to Comments Here!!!!

error: Content is protected.
Secured By miniOrange
You might also like:
Dom Basilio fiar programa Governu aprovadu

Bispo Diocese  Baucau,  Mgr. Basilio do...

GRANDE ENTREVISTA Hamutuk ho “Dr. Manuel Tilman e Dr. Alcino Barris”

JORNAL NACIONAL GMNTV Loron-16 Fulan-Outubro Tinan-2017

Close