JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Xanana pozitivu asumi Prezidente Alta Autoridade ■PM aprezenta lista final membru VII Governu

Xanana pozitivu asumi Prezidente Alta Autoridade  ■PM aprezenta lista final membru VII Governu

Primeiru Ministru (PM) Mari Alkatiri, informa katak, Kay Rala Xanana Gusmão, prontu ona atu asumi kargu Prezidente Alta Autoridade ba Asuntu Delimitasaun Fronteira Marítima no Projetu Tasi Mane.

“Xanana resposta ona proposta ne’ebé VII Governu fó, resposta iha ona maka ha’u dehan pozitivu ne’e, karik negativu ha’u dehan seidauk resposta,” PM ba jornalista sira hafoin remata reuniaun kona-bá situasaun jeral iha Timor-Leste, hanesan situasaun polítika, sosial, ekonómika, aprezenta programa no lista final membru Governu ba PR iha Palasiu Prezidensial, Bairo Píte-Díli, Kinta (12-10-2017).

Nia esplika katak, Xanana Gusmão ne’e la’os membru Governu, maibé hanesan alta autoridade ida ne’ebé maka sei responsabiliza projetu Tasi-Mane ninian.

“Atu fó tomada de pose ba Xanana ne’e programa VII Governu tenki liu lai, sai ona Governu ida ne’ebé kompletu ona, Governu tenki halo dekretu lei ida para kria estatutu ida ba autoridade projetu Tasi-Mane,” dehan Mari Alkatiri.

Nia akresenta katak, tanba programa VII Governu pasa maka Governu foin aprova dekretu lei hodi regula alta autoridade ne’e hanesan instituisaun ida ho ninia autonomia finanseira no patrimonial, depois maka bele nomeia Xanana no Prezidente Repúblika nomeia em pose.

“Ne’e kreatividade halo ita atu haree took estatutu foun ida ba Xanana, tanba ita presiza nia hala’o nafatin servisu ne’ebé maka nia halo ona ba fronteira no hahú projetu boot ida iha Tasi-Mane ninian, tanba ne’e maka ita fó kondisaun para nia bele servisu,” relata PM Mari.

 

PM aprezenta lista final membru VII Governu

Atu kompleta VII Governu ne’ebé maka seidauk kompletu, Kinta (12/10), Primeiru Ministru (PM) Mari Alkatiri, aprezenta ona lista final membru Governu nain haat ba Prezidente Repúblika (PR) Francisco Guterres Lú Olo.

Lee hotu :   Taur la garante opozisaun salva governu

“Asuntu ne’ebé maka ami koalia ne’e kona-bá situasaun jeral iha ita nia rai Timor-Leste, hanesan situasaun polítika, sosial, ekonómika, aprezentasaun programa ba PN, PR mós hetan kopia no aprezenta lista final ba membru Governu,” PM ba jornalista sira hafoin remata reuniaun ho PR iha Palasiu Prezidensial, Bairo Píte-Díli, Kinta (12-10-2017).

Nia relata katak, ema nain haat (4) maka sei tama tan ba VII Governu, sira nain haat (4) ne’e feto rua no mane rua.

“Programa VII Governu ne’e atu servi povu no dezenvolvimentu ida ne’ebé sei to’o ba povu sira ne’ebé presiza teb-tebes, nune’e ha’u la fiar deputadu ida prontu atu kontra fali programa ida ne’e, sé liu diak, maibé sé la liu ba eleisaun antisipada,” dehan Mari Alkatiri.

Nia akresenta katak, sé programa VII Governu la pasa iha Parlamentu Nasional (PN), nune’e Governu jestaun laiha kondisaun atu asina tratadu bilateral no internasional sira.

“Ita-nia polítika ne’e dalabarak ohin dehan buat ida no aban dehan buat seluk, maibé tanba FRETILIN konsistenti ne’e maka ema la gosta, FRETILIN la halo sasan sira hanesan ohin koalia ida ne’e no aban koalia buat seluk,” realsa PM.

Nia subliña, nuudar PM iha obrigasaun no direitu atu aprezenta programa VII Governu ba PN, sé la aprezenta signifika PM la kumpri ninia dever, ne’ebé PM ba PN ne’e la’os atu konvense partidu opozisaun sira. Ves

Add to Comments Here!!!!

error: Content is protected.
Secured By miniOrange
You might also like:
CNRT, PLP no KHUNTO asina plataforma AMP Alkatiri: FRETILIN prontu ba eleisaun antesipada

Partidu Partidu Kongresu Nasional Rekonstruksaun Timorense...

JORNAL NACIONAL GMNTV Loron-12 Fulan-Outubru Tinan-2017

LALAOK DESPORTO Ep.10

Close