JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri inaugura rasik nia obra iha Oecusse ”Konvida Xanana joga basket”

Alkatiri inaugura rasik nia obra iha Oecusse ”Konvida Xanana joga basket”

Eis Prezidenti Zona Ekonomia Especial Social Merkado (ZEESM) atual Primeiru Ministru (PM), Mari Alkatiri, Sesta (24/11/2017), halo vizita ofisial ida ba Região Especial Autonomu Oecusse (REAO), hodi halo inaugurasaun ba obra lubuk ida ne’ebe mak nia rasik ezekuta iha nia mandatu nudar prezidenti ZEESM.

Durante loron rua estadia iha Oecusse, Sesta-Sabadu (24-25/11/2017), Primeiru Ministru (PM), Mari Alkatiri, inaugura Klinika Korasaun Parque no Jardim Desportivu 30 Julho, inklui inaugura mos primeiru pista Aeroportu Internasional Oecusse.

Kona-ba klinika kurasaun nian ne’ebe estabelese iha Oecusse, Alkatiri, garante katak, kilinika ne’e sei salva osan Estadu nian ne’ebe tinan-tinan sempre gasta ba hospital internasional sira iha Singapura, Indonesia (Bali ho Surabaya) ho mos hospital balun iha Malaysia.

Klinika kurasaun ne’ebe  Alkatiri formula iha Oecusse la’os atu atende deit pasientes sira moras kurasaun, maibe bele fo atendimentu ba publiku ho moras oi-oin.

Alkatiri mensiona katak, Governu iha obrigasaun atu tau importansia ba doutor espesialista sira hodi nune’e bele atende moras espesifiku sira hanesan moras fuan no mos moras selku ne’ebe perigu tebes ba ema nia vida. Tanba ne’e, Timor Leste estabelese akordu kooperasaun ho Republika Cuba atu forma doutores espesialista nain 100.

“Hahuu kedas husi Primeiru Governu to’o VI Governu la fo preukupasaun ba formasaun ba espesialista, maibe VII Governu foin fulan tolu, haruka ona doutores sira ba ona Cuba para atu tuir formasaun espesialista,” hateten Alkatiri ho orgulhu.

Desde kedas Alkatiri assume kargu hanesan prezidenti ZEESM nia tau ona atensaun ba prosesu formasaun espesialista iha area kurasaun nian, tanba ne’e haruka ona Timor oan balun ba estudu iha Coimbra-Portugal.

“Halo diak mos sala hela deit, halo diak liu mos lahatene atu sai oinsa tan, dehan osan barak tebes mak gasta iha Oecusse, iha sorin fatin sorin balu maka gasta osan, iha Oecuse la gasta, maibe investe ne’e maka diferensia boot, iha sorin ne’ebe osan gasta barak ka hau dehan hakoi deit, maibe iha Oecusse kuda atu fo funan, ne’e maka realidade foun atu mosu iha rai Timor-Leste tomak, tanba ne’e maka ema balu la gosta, mas hau uza osan povu nian atu haburas la’os atu gasta,” hateten Primeiru Ministru Mari Alkatiri.

Lee hotu :   ME hamenus estudante RE, FRETILIN lamenta, AMP apoia

Mari Alkatiri konsidera Governu Anterior deve barak demais ona iha Hospital estranjeiro, tanba ne’e inpaktu ba Governu agora atu kopera ho hospitais sira ne’e, tanba ema la fiar ona.

Nia akresenta, investementu ida ne’ebe maka iha retornu diak liu ba rai ida maka Edukasaun no Saude, katak kakutak no ema nia isin diak, ne’e maka investimentu lolos, ne’e maka  hau hakarak halo Oecusse ne’e sai modelu, sai referensia no sai laboratoriu ba TL.

“Uja didiak saida maka iha ne’e, ne’e seidauk to’o formasaun rekursus humanus tenke la’o nafatin, ema ne’ebe laiha osan sei hetan tratamentu hanesan ema iha osan, tanba ema Oecusse Autoridade maka selu, ema Timor-Leste Governu sentral maka selu, tanba jestaun iha ne’e nian sei diferente oituan, ida ne’e jestaun komercial, maibe hot-hotu tenke hetan tratamentu hanesan, ne’e klinika korasaun inkluziva katak laiha diskriminasaun ba se deit moras presija tratamentu klinika prontu,” hateten Alkatiri.

Alkatiri dehan, Governante ne’ebe moras ba tratamentu iha Klinika Korasaun ne’e selu rasik, maibe povu bai-bain Estado mak sei selu, se maka mai dereita iha ne’e la liu husi hospital referal nia sei selu rasik, liu husi hospital referensia no doutor sira halo tranferensia mai iha klinika especial ne’e autoridade mak selu.

Klinika Especial Korasaun ne’e la’os deit halo tratamento ba moras korasaun, maibe tratamento mos ba moras sira seluk hanesan sirozia, orolozia, tolmolozia, onklozia no moras seluk tan. Nune’e mos sei iha atendimentu ba serbisu apoiu kliniku hanesan iha parte laboratorium no farmasia, seidauk funsiona parte internamentu tanba falta rekursus humanus no mos ekipamentus balu.

Ezekusaun ba obra klinika ne’e husi Kompaña Internasional ho total orsamentu US$ 4.755,83 no wainhira inaugurasaun  loke kedas kedas atendementu ba publiku.

                         Konvida Xanana joga basket

Iha loron hanesan Primeiru Ministru (PM), Mari Alkatiri mos ofesialmente inaugura Parque no Jardim Desportivo 30 de Julho Reghião Especial Autonomo Oecusse (REÃO) atu bele fasilita joven sira hodi pratika desportu diak liu tan.

Lee hotu :   PARLAMENTO NACIONAL KOMETE MAL JESTAUN

Mari Alkatiri husu ba povu Oecusseatu  konvida eis Primeiru Ministru, Kayrala Xanana Gusmão, atu pratika joga bola basket iha jardim ne’e, tanba líder karismatiku ne’e gosta desportu.

Jardim ne’e naran 30 de Julho tanba loron ida inportante teb-tebes, tanba loron ne’e Alkatiri simu posse husi Prezidente Republika (PR), Taur Matan Ruak, nudar prezidenti ZEESM nian.

Alkatiri fundamenta katak, wainhira sai nudar Prezidenti ZEESM bele dehan simu dezafiu boot ida, tanba atu hahu prosesu ida foun la’os deit ba Oecusse maibe ba Timor Leste tomak, tanba dezafiu ne’e atu harii modelu ida foun ba dezenvolvimentu inkluzivu sosial no ekonomiku atu sai referensia ba TL.

“Hau deside halo jardim ida ne’e, tanba sai husar ba sidade Pante-Makasar. Importante tebes tenke harii jardim ne’e para fo oportunidade ba joven sira esplora sira nia talent boaske bola nian,” afirma PM Alkatiri.

PM Alkatiri lia tun ba Prezidenti Subtituisaun REAO, Arcenio Paixão Bano, atu konvida Xanana Gusmão atu ba joga bola basket iha Jardim desportivu ne’e.

“Momentu hau hamutuk ho Xanana Gusmão mai hare fatin ne’e, Xanana dehan nia gosta liu maka joga basket, tanba ne’e maka hau husu prezidenti subtitutu konvida Xanana mai joga basket ne’e para halo nia kalma oitoan, lapersija ba fali Singapura para nervozu fali iha ne’eba”, hateten Mari Alkatiri.

Iha fatin hanesan, Diretur kompaña Zenoela no Deinola, Faviano de Oliveira hateten, inistiva harii jarim desportivu ne’e mai husi Prezidenti  ZEESM, Mari Alkatiri atu bele fo benefisiu ba joventude Oecusse no bainka sira ne’ebe mak hakarak explora nia toman joga basket.

Jardim desportivu ne’e ezekuta husi kompaña Zenoela no Deinola ho orsamentu ba obra ne’e mai husi pakote rua, pakote primeiru hamutuk US$ 890 mil no pakote segundu US$ 1.540 milhaun.

Jardim ne’e akumula desportu ho tipu oi-oin hanesan, kampu volly bola, kampu footsal, kampu basket bola no Badminton.

Lee hotu :   Alkatiri autoriza Agio ba ratifika akordu FM • Laiha kontaktu ho Xanana

                 Lansa primeiru pista aeroportu Oecusse

Iha Sesta (24/11/2017), Primeiru Ministru (PM), Mari Alkatiri, halo inagurasaunba primeiru pista aeroportu internasional Oecusse nian, maske ezekutasaun fiziku ba obra ne’e foin atinji 47%.

“Hau hakarak dehan katak, buat hirak ne’ebe halo iha Oecusse sai realidade nudar parte ki’ik ida ba Oecusse. Hau bele dehan katak aeroportu internasional ne’e sei lori moris foun mai Oecusse,” hateten Alkatiri iha seremonia lansamentu ba primeira pista Aeroportu Internasional Oecusse nian ne’e.

Mari Alkatiri dehan, lansamentu ba primeira pista ne’e maka halo iha fulan nen kotuk nia la ba mesak, maibe hamutuk ho Kayrala Xanana Gusmão, tanba momentu hahu mehi ne’e apoia husi líder karismatiku ne’e.

“Hau hanoin aterragem primeira ne’e maka akontese fulan nen ba kotuk hau la mai mesak, agora hau mai mesak, mas laiha buat ida ne’e maka politika tanba realizasaun iha Oecusse tebes duni hau nia mehi sai realidade tanba hetan apoiu husi hau nia irmão Xanana Gusmao, tanba ne’e politika maka halibur, dalabarak politika maka halo ita lao naksalak, maibe saida maka ita halo tenke rekonhese,” PM Mari Alkatiri.

Iha fatin hanesan, prezidenti subtituisaun ZEEMS, Arcenio Paixão Bano hateten, objetivu hakarak halo lansamentu uluk pista ne’e, tanba importante tebes hodi koko ninia kualidade.

“Ami hakarak halo lansamentu uluk ba pista ne’e tanba inportante tebes, Primeiru Ministru maka tun primeiru ho Aviaun katak hakarak atu koko rasik kualidade pista ne’e nian, maibe realidade hatudu katak pista ne’e iha kualidade duni,” afirma  Arsenio Bano.

Primeira Pista ne’ebe halo uluk ona lansamentu ho nia naruk metru rihun rua atus tolu,  segunda faze sei aumenta ba metru rihun rua atus lima hodi permite aterragem ba aviaun ho marka Boeing 147.

Orsamentu ba Pista aeroportu ne’e hamutuk ho Aeroportu ne’e total U$S 100 milhoens no mega projetu ne’e ezekuta husi kompaña internasional WIKA.  mia

Add to Comments Here!!!!

error: Content is protected.
Secured By miniOrange
You might also like:
Xanana ho Taur la marka prezensa iha festa 28 Novembru ”Estadu kondekora veteranus 511”

Eis Primieru Ministru, Kayrala Xanana Gusmão...

Lú Olo garante VII Governu sei la monu ”OR la aprova kulpa Deputadu 35”

Prezidente Repúblika (PR), Francisco Guterres Lú...

PR sei interpreta Kontituisaun tuir interese Estadu

Prezidente Repúblika (PR) Francisco Guterres ‘Lú...

Close