JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Taur: PR mak desidi eleisaun antesipada no VIII Governu ■Solusaun ba problema iha dalan rua

Taur: PR mak desidi eleisaun antesipada no VIII Governu ■Solusaun ba problema iha dalan rua

Prezidente Partidu Libertasaun Popular (PLP), Taur Matan Ruak, hatete, atu responde situasaun polítika rai laran ne’ebé oras ne’e dadauk depende ba Prezidente Repúblika (PR), Francisco Guterres Lú Olo nia desizaun, atu hakat ba eleisaun antesipada ka entrega VIII  Governu ba Aliansa Maioria Parlamentar (AMP).

“Ha’u antes sai lider partidu, ha’u sai PR durante tinan 5, nune’e atu akontese eleisaun antesipada ou hakat ba VIII Governu ne’e desizaun iha atual PR Lú Olo nia liman, ami AMP naturalmente iha tempu loloos ami sei fó ami-nia opiniaun, mas por em quanto desizaun ne’e iha PR nia liman,” Prezidente PLP, Taur Matan Ruak ba jornalista sira hafoin rona preokupasaun no opiniaun PR nian kona-bá situasaun polítika iha Timor-Leste husi PR, iha Palasiu Prezidensial, Bairo Píte, Díli, Kuarta (15-11-2017).

Nia esplika, konsertasaun agora ne’e iha maioria no minoria. Maioria ne’e 35 kadeiras, tanba ne’e estabilidade governativa ne’e mai husi estabilidade polítika, liu-liu maioria parlamentar, nune’e iha senáriu ida ne’e AMP prontu.

“Ha’u-nia parte hateten ba PR katak solusaun ne’e iha 2 de’it, ida maka polítika no ida seluk maka legal no konstitusional, dalan 2 ne’e politikamente iha komplikasaun, tanba evolusaun konsertasaun partidu opozisaun ne’e la’o makaas liu tiha ona, segundu ita iha dalan legal konstitusional, tanba ne’e ita haree took tempu hira ne’e saida maka sei akontese,” dehan Prezidente PLP ne’e.

Nia akresenta katak, kualker forma PR nia kontinua iha pasiensia para atua lideransa partidu ne’ebé maka hetan asentu iha PN no PR espera a esperança é ultimo morrer ou esperansa ne’e dalan ikus liu atu lakon, ne’ebé hotu-hotu hein iha tempu oin mai ne’e atu sai oinsa.

Lee hotu :   PR sei interpreta Kontituisaun tuir interese Estadu

“Agora saida maka ha’u hakarak garante ba ita-nia sidadaun sira katak, problema ida ne’e kompara ho problema ne’ebé maka ita-nia nasaun liu ona ne’e kecil, ha’u kontenti ho komportamentu sidadaun ninian no ha’u fiar katak ita sei ultrapasa problema ida ne’e,”hateten Taur Matan Ruak.

Prezidente PLP ne’e informa ba PR, konsertasaun oras ne’e avansa makaas loos, nune’e klarifikasaun iha tempu badak mai sei haree to’o ona iha ne’ebé? mas na verdade PLP, CNRT no KHUNTO iha ona asinatura, espera katak dokumentu sira ne’e sei lori ba PR hodi haree.

“Ha’u hateten katak iha aspetu polítiku ne’e sei mínimu loos, maibé ne’e la signifika laiha espasu atu koalia. Loos duni ita iha dalan 2 de’it, dalan ida maka polítika signifika katak, prontu AMP supoen AMP dehan Ok haree dalan polítika, hetan solusaun polítika, ida seluk dehan la’e ona agora ba iha parte legal, entaun ba iha konstituisaun, porque dalan maka 2 ne’e ona,” haktuir Taur Matan Ruak.ves

Add to Comments Here!!!!

error: Content is protected.
Secured By miniOrange
You might also like:
Diálogu bele solusiona tensaun polítika, Alkatiri: Presiza prezensa Xanana Gusmão

Sekretáriu Jeral Partidu FRETILIN, Mari Alkatiri...

Opozisaun rejeita OR iha Komisaun C ”FRETILIN preokupa”

Orsamentu Retifikativu (OR) ne’ebé Prezidente Parlamentu...

JORNAL NACIONAL GMNTV Loron-15 Fulan-Novembru Tinan-2017

Close