JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

BOAMP husu PPN ajenda mosaun sensura ■ Labele halimar ho golpe

BOAMP husu PPN ajenda mosaun sensura ■ Labele halimar ho golpe

Bloku Opozisaun Aliansa Maioria Parlamentar (BOAMP), Segunda (04/12), hasoru malu ho Prezidenti Parlamentu Nasional (PPN), Aniceto Guterres, hodi eziji atu PPN ajenda urjenti mosaun sensura no karta destituisaun BOAMP nian ba plenária atu diskuti. Tamba BOAMP lakohi PPN trava beibeik ajenda mosaun sensura ninian ne’ebé tuir hela rekezitus konstitusional.

Bloku Opozisaun Aliansa Maioria Parlamentar ne’e kompostu husi Partidu CNRT, PLP no mós KHUNTO.

Xefi bankada PLP, Fidelis Magalhães, informa, sira hasoru malu ho PPN hodi ko’alia kona-ba prosesu hirak ne’ebé pendente hela iha meja PPN.

“Ami enkontru ho Prezidenti Parlamentu, ko’alia kona ba prosesu hirak ne’ebé mak agora iha andamentu hela, ami ko’alia asuntu barak ho Prezidenti Parlamentu, maibé agora ami seidauk bele divulga sai, depois mak ami divulga sai,” informa Xefi bankada PLP, Fidelis Magalhães ba jornalista sira iha PN.

Nia hatutan, agora dadauk iha prosesu tolu ne’ebé la’o hela iha Parlamentu Nasional hanesan, Mosaun Sensura, rekursu Bloku Opozisaun Aliansa Maioria Parlamentar hatama ba Prezidenti Parlamentu Nasional, no karta destituisaun ba Prezidenti Parlamentu Nasional.

“Agora ne’e iha prosesu tolu ne’ebé la’o hela, maibé informasaun detallu ne’e, ami bankada tolu ne’e sei tu’ur hamutuk, depois mak fó sai informasaun,”katak Fidelis.

Alende ne’e, Xefi bankada FRETILIN, Francisco Branco, hateten, tuir regras normal iha Parlamentu Nasional durante tinan 15 nia laran ne’e, kuandu proposta Orsamentu Jeral Estadu ka Orsamentu Retifikativu tama iha PN, atividades hotu kanseladu.

“Ho nune’e mak, Prezidenti Parlamentu Nasional kaer normas ida ne’e, no sei ajenda mosaun sensura no buat sira seluk iha tempu ikus mai,” katak Branco.

Nia esplika, mosaun sensura, rejeisaun ba proposta Orsamentu Retifikativu no karta destituisaun ne’e, baze ba bankada koligasaun atu konsolida tan sira-nia hanoin kona ba asaltu poder.

Lee hotu :   Marí akuza opozisaun buka podér

“Karta destituisaun ba Prezidenti Parlamentu Nasional ne’e, inventa de’it hodi hateten katak, Prezidenti Parlamentu Nasional la hala’o ona nia kna’ar hanesan Prezidenti Parlamentu Nasional, ida ne’e faktus iha ne’ebé, tanba de’it la ajenda pedidu sira ne’ebé opozisaun hato’o,” tenik Branco.

Labele halimar ho golpe

Nune’e mós, Bloku Opozisaun Aliansa Maioria Parlamentar (BOAMP), husu ba bankada Koligasaun FRETILIN ho Partidu Demokrátiku (PD), atu labele halimar ho liafuan golpe, tanba liafuan ida ne’e la eduka povu.

Xefi bankada PLP, Fidelis Magalhães husu ba bankada koligasaun FRETILIN ho Partidu Demokrátiku (PD) atu evita liafuan golpe.

“Ita labele uza termu nar-naran de’it, tanba termu ida golpe ne’e, termu ida seriu tebes, no termu ida ne’ebé viola kódigu penal, ne’ebé insita buat aat,”katak Fidelis ba jornalista sira iha PN, Segunda (04/12).

Nia hatutan, ema ida-ida labele define atuasaun konstitusional, tanba buat ne’ebé mak BOAMP halo ne’e, bazeia ba saida mak define tiha ona iha konstituisaun RDTL.

“Ami iha asentu iha Parlamentu tanba konstituisaun fó dalan, ami iha maioria tanba konstituisaun fó dalan, koligasaun partidu rua hanesan minoria mós, konstituisaun fó dalan. Regras hotu ne’ebé ita halo, tanba konstituisaun no rejimentu fó dalan,” afirma Fidelis.

Tanba ne’e, Fidelis dehan, BOAMP aprezenta mosaun sensura ba VII Governu, tanba konstituisaun fó dalan, no Governu ida tu’un Governu ida sa’e fali mós, konstituisaun fó dalan.

“Se ita uza termu arbiru de’it ne’ebé bolu golpe, ne’e ita laiha responsabilidade sívika, ba ita-nia povu no ita-nia nasaun. Ita uza termu sira hanesan, so iha kuandu ita laiha sentidu Estadu, ita hotu tenki evita termu sira ne’e, no ita hotu tenki servisu hamutuk atu esplika didiak ba ita-nia povu katak, ita iha dever atu halo atuasaun hotu tuir de’it konstituisaun RDTL. Ne’ebé hateten ami halo golpe ne’e lalos,” dehan Fidelis.

Lee hotu :   Eis deputadu 20 mak foin entrega Prado ba PN "Deputadu foun kontinua sa’e motor"

Xefi bankada PLP ne’e esklarese, bankada opozisaun hatama karta destituisaun ba Prezidenti Parlamentu Nasional, tanba iha razaun.

“Kuandu laiha razaun karta destituisaun la ba, tanba ne’e ha’u hanoin ita haree lai, konteudu detaillu husi karta ne’e depois mak ita ko’alia,” afirma Fidelis.

Alende ne’e, Xefi bankada FRETILIN, Francisco Branco hateten, FRETILIN konsidera opozisaun halo golpe ba Estadu, tanba polítiku ne’ebé sira halo kontra Governu ne’e, sistemátiku.

“Husi kedas hahú, bainhira programa Governu mai, sira seidauk lee rejeita tiha ona, no tuir kedas ho mosaun sensura ba Governu, no ikus mai destituisaun ba Prezidenti Parlamentu Nasional. Ida ne’e konsolida tan ami-nia hanoin katak, los duni polítika ne’e asaltu poder,”afirma Branco.

Tuir sítiu wikipedia, Golpe Estadu ofisiál ba meta prinsipál ida mak bele simplesmente iha aprovasaun, husi parte órgaun soberania nian, diploma ida ne’ebé revogue konstituisaun no confira poder estadu nian tomak ba ema ka organizasaun ida de ‘ it. Iha golpe naran ida ne ‘ e, tanba ne ‘ e karateriza sobu ida institusionál repentina, kontra atu restabelese normalidade lei no orden no submetendo kontrola Estadu nian (podér polítiku institucionalizado) ba ema ne’ebé seidauk sai legalmente dezignada (ne’e ba eleisaun ne ‘ e, hereditariedade ka prosesu tranzisaun legalista).cos

 

Add to Comments Here!!!!

error: Content is protected.
Secured By miniOrange
You might also like:
PR Lú Olo garante sei la foti desizaun ne’ebé fó todan ba povu

Prezidenti Repúblika (PR), Francisco Guterres Lú...

GRANDE ENTREVISTA Hamutuk ho Komandante Jéral PNTL. Komisaríu Julio Hornai

JORNAL NACIONAL GMNTV Loron-04 Fulan-Dezembru Tinan-2017

Close