JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

FDN eziji PR kontinua dialogu ho ParPol asentu PN

FDN eziji PR kontinua dialogu ho ParPol asentu PN

Forum Demokratiku Nasional (FDN) eziji Prezidente Repúblika (PR), Francisco Guterres ‘Lu Olo’ atu kontinua halo dialogu ho Partidu Polítiku (ParPol) lima (5) ne’ebé hetan asentu iha Parlamentu Nasional (PN).

“Hanoin ida ami fó ba PR atu kontinua prosesu dialogu, ne’ebé tenki involve mós partidu polítiku hotu ne’ebé iha reprezentasaun iha PN, para que hotu-hotu bele tuur hamutuk diskuti, para hetan dalan ida diak ba ita- nia nasaun no povu,”Reprezentante FDN, José Luis Guterres, aktual Prezidente Partidu FRENTI-MUDANÇA, ba jornalista sira hafoin remata enkontru ho PR, iha Palasiu Prezidensial, Bairo Píte, Díli, Kinta (30-11-2017).

Nia esplika, primeira kestaun báziku ne’ebé FDN hanoin katak kualker Governu ida agora no iha aban bainrua tenki iha maioria parlamentu, sé la’e difisil atu Governa, sé la maioria tenki esforsu buka maioria husi ParPol seluk para programa no OR bele pasa.

Reprezentante Forum Demokrátiku Nasionál (FDN) enkontru ho Prezidente Repúblika (PR) Francisco Guterres Lú Olo, iha Palasiu Prezidensial Nicolau Lobato-Dilí, Kinta-feira (30/11/2017). Foto: GMN

“Ami fó agradese ba PR nia tempu mai ami, ami senti kontenti ho liafuan ne’ebé PR hateten mai ami katak iha tempu oin karik bolu ami, ami prontu atu fó kontribuisaun ba paz no demokrasia iha ita nia rai laran, no kualker altura ami disponivel, ami ida-idak husi dirijentes partidu 10, ami prontu para kontinua nafatin ba dalan ida ne’ebé diak ba ita nia nasaun,” dehan José Luis Guterres.

Nia akresenta, bele iha diferente opiniaun polítika, maibé paz no estabilidade ne’e buat ne’ebé komun no diak ba Timoroan hotu, ne’ebé hotu-hotu tenki halo buat diak hotu para kontinua defende nafatin paz no estabilidade iha rai laran

Lee hotu :   Nurima Alkatiri apela komunidade Santa Cruz fó vitoria ba FRETILIN

“Ba situasaun ohin loron ninian, deputadu sira maka tuur iha PN, nune’e ita hein katak sira bele desidi konformi interese nasional ne’ebé iha, ida ne’e maka ami husu no hein. maibé ami mós hatene katak kada partidu polítiku wainhira ba eleisaun sira aprezenta sira nia programa ba povu para bele vota ba sira no ParPol ne’ebé maka ba tuur iha PN mós iha sira nia programa no iha sira nia ema atu kaer Governu,” haktuir Reprezentante FDN ne’e.

Nia relata katak, importante para ida-idak simu katak, wainhira hakarak kaer Governu, tenki halo esforsu para hetan um maior númeru posibel ParPol asentu iha PN, para bele garante programa no OR pasa.

“Sé seidauk iha ita tenki koalia no halo negosiasaun ba malu hanesan maun no alin, lider ParPol sira maka buka dalan para bele garante apoiu iha PN, ba ami hanoin de’it katak kontinuasaun situasaun ida que iha instabilidade governativa la diak ba ita nia an rasik no kria mós difikuldade ba investidor sira atu bele kontinua sira nia investimentu iha rai laran.

Reprezentante Forum Demokrátiku Nasionál (FDN) enkontru ho Prezidente Repúblika (PR) Francisco Guterres Lú Olo, iha Palasiu Prezidensial Nicolau Lobato-Dilí, Kinta-feira (30/11/2017). Foto: GMN

Entretantu tuir reprezentante FDN, Hermenegildo Lopez ‘Kupa’ hateten, PR informa ba FDN katak, sé situasaun kontinua hanesan dau-dauk ne’e, PR sei foti desizaun tuir konstituisaun RDTL.

FDN rasik kompostu husi partidu sanulu ne’ebé la hetan asentu iha parlamentu nasional iha eleisaun parlamentar 2017. FDN ho reprezentante eleitores 62.000. ves

 

Add to Comments Here!!!!

error: Content is protected.
Secured By miniOrange
You might also like:
Kazal Portugueza rua halai husi justisa, Embaixada Portugal tenki responsabiliza

Parlamentu Nasionál (PN) ejize ba embaixada...

DIT gradua finalista 495

Estudante finalista Dili Institute of Technology...

Baku mane foun, banin feto ameasa kadeia fulan neen

Tribunal Distritál Dili halo’o julgamentu ba...

Close