JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mari Alkatiri: Koligasaun sei kontinua programa VII governu ba EA

Mari Alkatiri: Koligasaun sei kontinua programa VII governu ba EA

Partidu koligasaun FRETILIN no Partidu Demokratiku (PD), sei kontinua ho programa VII Governu nian ba Eleisaun Antisipada (EA), hateten Sekretariu Jeral Partidu FRETILIN, Marí Alkatiri, bainhira fo orientasaun polítika ba juventude koligasaun FRETILIN no PD hodi buka estratéjia akordu ba EA, iha Delta Nova, Sábadu (16/12/2017).

Oras ne’e dadauk, VII Governu minoritariu ne’ebé lidera husi Primeiru Ministru, Mari Alkatiri, la konsege konvense partidu opozisaun, tamba VII Governu la konsege garante estabilidade Governativa. Tamba ne’e iha programa ba dahuluk hetan rejeisaun no seidauk aprezenta tan programa Governu ba daruak.

 Kona ba eleisaun antesipada ne’e rasik, Prezidente Repúblika, Francisco Guterres ‘Lu-Olo’ seidauk foti desizaun, maibe Primeiru Ministru, Mari Alkatiri,nu’udar mós Sekretariu Jeral FRETILIN nian mak deklara uluk ona katak, sei iha eleisaun antesipada.

Ho kontekstu polítika ne’ebé la’o ne’e, implika partidu opozisaun ne’ebé forma ona Bloku Aliansa Maioria Parlamentar oras ne’e hasa’e ona bandeira AMP nian iha teritoriu tomak hodi hein desizaun saida de’it mak sei foti husi Prezidente Repúblika, Francisco Guterres ‘Lu-Olo’, AMP prontu.

Alkatiri hateten, iha nasaun demokrasia tenke iha manan no lakon, ne’eduni tenke simu realidade.

 “Iha demokrasia laiha inimigu, iha de’it mak adversáriu polítika. Tanba ne’e ita tenke buka hakbesik-an ba ema hotu, lori ita-nia programa, ita iha porgrama ne’ebé povu tomak hakarak, sei sai fali porgrama koligasaun ida ne’e nian, halo rezumu, halo aprezentasaun, para povu bele kompriende diak, tanba programa ne’e la’os ba militante PD no FRETILIN de’it, maibe ba ema hotu, ita tur hamutuk hodi haré saída mak importante iha programa, la’os halo tradusaun ba Tétum de’it, maibe ba lian fataluku, Baikenu no seluk tan, tanba barak iha baze seidauk hatene Tétum, programa ne’e sai ita-nia kompromisu,”haktuir Alkatiri.

Lee hotu :   Segundu programa governu hanaran anotasaun

  Alkatiri informa, hahú fulan Janeiru (2018), FRETILIN no PD tenke hahú prepara-an, buka estratéjia hotu, tanba PD no FRETILIN ida-idak ho nia estrutura.

 “Ita tenke haré loloos, ita atu ba eleisaun ne’e  estratéjia oinsa, atu la’o hamutuk ka ida-idak la’o? maibe ita tenke garante katak ita primeiru mais votadu iha eleisaun, tanba ne’e tenke ba hamutuk, se la’o ketak, garante katak ita sei hamutuk fali ba governu depois de eleisaun. Labele sai segundu ou terseiru mais votadu, ita tenke sai hetan maioria absoluta, kadeira 33 ne’e mínimu, se 35 ba leten diak liutan, kuandu ba eleisaun antesipada, FRETILIN tenke hetan kadeira 30 no PD tenke hetan 12, ita hasoru eleisaun antesipada maka tenke servisu ho vontade no prinsipiu, ita tenke estuda didiak, se ba hamutuk mak diak bele ba hamutuk, se ladiak la’o ida-idak de’it, se ita la’o hamutuk tenke garante duni katak manan maioria absoluta, se ita ba hamutuk mak atu reduz, diakliu la’o ketak-ketak. Se iha duni eleisaun antesipada, ita halo eleisaun ne’e iha Fulan Marsu mai, akontese sedu diakliu,”afirma atual Primeiru Ministru ne’e.

Nune’e mós, Sekretariu Jeral Partidu Demokratiku (PD), Antonio da Conceição, realsa, goveru atu iha kualidade ka laiha kualidade povu mak sei julga.

Tanba ne’e, Antonio da Conçeição mós apela ba juventude FRETILIN no PD, atu labele monu ba tentasaun partidu seluk nian liu hosi media sosial ne’ebé koko atu fahe líder Frente diplomata no frente armada.

Antes ne’e, Prezidente Partdiu PLP, Taur Matan Ruak, hateten, dalan laiha ba Eleisaun Antesipada, tanba historia Timor-Leste seidauk hatudu marka ho Eleisaun Antesipada. Maibe wainhira obriga, Aliansa Maioria Parlamentar prontu no sei la’o hamutuk Ba Eleisaun Antesipada.Say

Add to Comments Here!!!!

error: Content is protected.
Secured By miniOrange
You might also like:
HABURAS VIDA ESPIRITUAL Eps.1

JORNAL NACIONAL GMNTV MEIO-DIA Loron-17 Fulan-Dezembru Tinan-2017

JORNAL NACIONAL GMTV Loron-16 Fulan-Dezembru Tinan-2017

Close