JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PFM, UDT no PUDD forma koligasaun hasoru EA

PFM, UDT no PUDD forma koligasaun hasoru EA

Partidu Frenti Mudança (PFM), Partidu União Democrático Timorense (UDT), no Partidu Unidade Dezenvolvimentu Demokratiku (PUDD), Segunda (11/12/17), asina memorandu entendimentu, hodi hamrik hanesan forsa koligasaun idependente ida ho naran Frenti Dezenvolvimentu Demokrátiku (FDD) atu kompete iha eleisaun jeral tinan 2022, no mós Eleisaun Antesipada (EA) karik mosu duni.

 “Ami lansa ona memorandu ida ne’e, atu loke dalan ba koligasaun husi partidu tolu ne’e, no ba partidu seluk ne’ebé karik hakarak bele mai hamutuk ho ami, ami-nia odamatan nakloke atu simu ita bo’ot sira. Ha’u hakarak fo hanoin ba maluk sira, ami forma koligasaun ida ne’e, la’os atu afilia ka apoiu partidu sira ne’ebé kaer ukun, no mos la apoia partidu sira ne’ebé organizadu hanesan Bloku Aliansa Maioria Parlamentar, maibe ami sai forsa polítika alternativa ida, ho objetivu atu kompete iha eleisaun jeral 2022, sé no caso karik akontese Eleisaun Antsipada, ami mós prontu atu kompete,”hatete Prezidenti Partidu União Democratico Timorense (UDT), Gilman dos Santos, ba jornalista sira  liu husi Konferensia ba Imprensa ne’ebé hala’o iha Hotel Vila Verde, Dili.

Nia realsa, sira respeita nafatin partidu sira ne’ebé kaer ukun, no mos respeita nafatin partidu sira ne’ebé organizadu iha Bloku Aliansa Maioria Parlamentar, tamba sira hanesan bloku independente  husi partidu ne’ebé kaer ukun no mos sira ne’ebé iha koligasaun Aliansa Maioria Parlamentar.

 Iha fatin hanesan, Prezidneti Patidu Frenti Mudança, José Luis Guterres, akresenta, partidu tolu ne’ebé forma koligasaun ne’e hanesan  forsa alternativa ida hodi bele fo konfiansa ba povu tomak, husi tasi feto to’o  tasi mane, katuas ka ferik no juventude sira, nune’e  bele hamutuk hakerek  fali kapitulu foun iha istoria Timor Leste nian.

Lee hotu :   PN sei la halo tuir Governu nia hakarak

“Nain tolu ne’ebé hamutuk, idak-idak iha nia istoria, maibe ohin loron  presija jerasaun foun hodi hakerek  kapitulu  ba istoria ida ne’ebé respeita ba kada opinoens, hadomi demokrasia no halo dezenvolvimentu ba rai laran, tamba sira hakarak loke livru kapitulu foun ida, nune’e juventude Timor oan tomak bele partisipa iha laran, hodi lori dezenvolvimentu futuru nasaun nian,”afirma José Luis Guterres.

 “Partidu iha ne’ebé deit, iha forum no mós individual sira, hanesan intelektuais, juventude sira, mai ba  ita hamutuk, ita sai ida deit, ita-nia povu mós sei hamutuk sei sai ida deit, ita sei sai mós forte, ita mós sei hetan susesu barak” katak José Luis Guterres.

 Alen ne’e, Prezidenti Patidu Unidade Dezenvolvimentu Demokratiku, Antonio de Benivides, haklaken,  partidu tolu ne’ebé forma ona bloku koligasaun ho naran FDD ne’e ho hanoin ida de’it atu lori dezenvolvimentu ba povu no nasaun ida ne’e.

“Partidu sira ne’ebé ezisti, tantu iha koligasaun ou iha dadauk AMP, dezafiu ema hotu sempre hasoru, no sira kontenti tamba partidu 3 ne’e iha konsiensia ida katak, se wainhira hasoru bebeik dezafiu, sei nafatin gostu iha polítika, tamba sira hamutuk ho kompromisu la’o ba oin. Tamba ne’e sira iha konfiansa tomak sira sei la’o ba oin no la fahe to’o eleisaun jeral sei mai iha tinan 2022. Iha bloku ida ne’e, iha aman oan espiritu santu iha. Maibe ami presija santu barak atu hasantu bloku ne’e, no ita uza linguajen natureza, hanesan  iha be’e, anin,  no mós iha ahi, mai ita hamutuk uza ba ita-nia povu no ita-nia rain,” dehan Antonio.Oly

Add to Comments Here!!!!

error: Content is protected.
Secured By miniOrange
You might also like:
Segundu programa governu hanaran anotasaun

Ministru Prezidenti Konselho Ministrus, Adriano do...

Konsidera akuzasaun, PPN lori karta destituisaun BOAMP ba Tribunal

Prezidenti Parlamentu Nasional (PPN) lori Bloku...

GRANDE ENTREVISTA Hamutuk ho Komisáriu KAK Dr.Aderito Tilman

Close