JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Abilio Lima tama kadeia tinan tolu

Abilio Lima tama kadeia tinan tolu

Liu husi mandadu kapturasaun Tribunal de Recurso, Segunda (15/1/2018) horseik, Polisia Sientifika Investigasaun Kriminal (PSIK), kaptura Eis Sekretariu Estadu Meiu Ambiente (SEMA) Abilio de Deus de Jesus Lima, iha ninia rezidensia Aimutin, lori ba prizaun Becora, hodi kumpri pena prizaun tinan tolu husi Tribunal de Recurso, tanba komete krime abuzu poder.

Artigu 297 kodigu penal konaba abuzu de poder hakerek, funsionáriu ne’ebé abuza podér ka sakar devér sira ka’it ho nia funsaun ho intensaun atu hetan ba nia an ka ba terseiru, benefísiu ilejítimu ka halakon ema seluk, sei kondena ho pena

prizaun husi tinan 1 to’o 4, enkuantu pena grave liu la hatún tanba forsa husi dispozisaun legál seluk.

Maibe Tribunal de Recurso deside deit tinan tolu kadeia ba kondenadu Abilio Lima, nudar membru governu iha kuartu governu konstitusional ba krime refere.

“Abilio lima hanesan sidadaun, ohin dader mais ou menus tuku 9.00 PSIK lori nia tama ona iha prizaun liu husi mandadu kapturasaun husi Tribunal de Recurso,”informa direktur prizaun Becora, João Domingos, ba jornalista sira iha ninia knar fatin, prizaun Becora, Segunda (15/01/2018).

João haforsa la iha tratamentu diferensa entre kondenadu ho sira seluk iha prizaun, sira hotu iha direitu no dever hanesan.

Antes ne’e, iha loron 30 fulan Outubru tinan 2013, Tribunal Distrital Dili kondena eis Sekretariu Estadu Meiu-Ambiente (SEMA), Abilio Lima ho pena prizaun tinan 5 no selu indiminizasaun sivil U$ 5,300.00 ho kustu judisial U$ 50,00.

Tribunal mos kondena arguidu Antonio da Carvalho, eis xefi gabinete SEMA ho pena prizaun tinan 3 fulan 6, no selu indeminizasaun sivil U$ 5,300.00 ho kustu judisial U$ 20,00.

Lee hotu :   PD SEI APOIA PROGRAMA VIII GOVERNU ■ ASANAMI: LÍDERANSA TENKE DIÁLOGU

.Tantu Tribunal mos kondena arguidu Ilda da Costa Be Loi, eis tezoreiru iha SEMA ho pena prizaun tinan 1 fulan 3, maibe suspende ba tinan 3 fulan 6 no kustus judisial US$ 20,00.

Desizaun tribunal primeira instansia ne’e desidi tanba arguidu sira, provadu envolve iha krime korupsaun ativu 294 korupsaun pasiva ba aktu ilisitu, pekulatu artigu 295 no falsifikasaun ba dokumentus ka notasaun teknika ne’ebe akontese iha Dezembru 2010 nia laran.

Maibe parte defeza halo fali rekursu ba Tribunal de Recurso deside re-julgamentu hodi deside lolos valor orsamentu ne’ebe simu husi kondenadu Abilio, simu rihun 5 ka rihun 5.500 dolar Amerikanu.

Tanba tuir Abilio katak nia fo instrusaun duni ba arguida Ilda atu ba foti osan. Maibe nia lahatete montante osan hira mak arguida Ilda atu ba foti, basa Abilio rasik lahetene no arguida Ilda la fo hatene nia.

Nune’e iha loron 20 fulan Novembru tinan 2017, Tribunal de Recurso halo desizaun ba kondenadu hodi absolve kondenadu husi krime ne’ebe antes ne’e Ministeriu Publiku akuza ba nia no  TR akuza fali ba krime abuzu poder ne’ebe previstu iha artigu 297 husi kodigu penal Timor-Leste ho pena prizaun tinan 3 hodi konfirma mos ho desizaun primeira instansia husi TDD.

Tantu membru Governu ne’ebe tama tribunal no hetan tiha ona sentensa mak eis ministra justisa, Lucia Lobato ba krime partisipasaun ekonomiku ka negosiu ho pena prizaun tinan 5 no multa ba estadu ho valor $4000, maibe nia kumpri tinan ida ho balun deit tanba hetan indultu husi Prezidenti da Republika José Ramos Horta, eis ministra finansas Emilia Pires ho eis vice ministra saude, Madalena Hanjam ba krime korupsaun no abuzu poder, tanba Emilia aprova osan ba nia kaben nia kompañia hodi sosa ekipamentus ba Hospital Nacional Guido Valadares (HNGV), maibe to’o agora Emilia seidauk kumpri desizaun tribunal, tanba halai tiha ona ba estranjeru.

Lee hotu :   Xanana: “Ba interese nasional la presiza konsensu”

Nune’e mos eis ministru edukasaun João Câncio Freitas hetan pena prizaun tinan 4 ba krime administrasaun danoza, tanba fo projetu ba kompañia internasional ne’ebe manan tender atu loke TV edu­kasaun,  maibe ikus mai kompañia ne’e lori halai tiha osan nebe atu sosa ekipamentu TV nian.

Eis Sekretariu Estadu Obras Publika, Domingos Cairo tama prizaun tinan tolu fulan neen ba krime administrasaun danoza ba projetu konstrusaun estrada munisipiu Bobonaro.

Ikus mak eis ministru obras publikus transporte no telekomunikasaun, Gastão de Sousa ne’ebe ministeriu publiku akuza ho krime pekulatu, administrasaun danoza no falsifikasaun dokumentus.Ita/mra

Add to Comments Here!!!!

error: Content is protected.
Secured By miniOrange
You might also like:
GRANDE ENTREVISTA Hamutuk ho Xefe Bankada Fretilin Francisco Branco nomos Xefe Bancada PLP Fidelis Magalaesh

JORNAL NACIONAL GMNTV Loron-15 Fulan-Janeiru Tinan-2018

JORNAL NACIONAL GMNTV MEIO-DIA Loron-15 Fulan-Janeiru Tinan-2018

Close