JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

CNRT-KHUNTO sujere PR entrega ba AMP forma Governu • Assanami: ‘La konsege rezolve, diak liu EA’

CNRT-KHUNTO sujere PR entrega ba AMP forma Governu •	Assanami: ‘La konsege rezolve, diak liu EA’

Atu solusiona inserteza polítika ne’ebé maka VII Governu hasoru, partidu Congresso Nacional de Recontruçao de Timor-Leste (CNRT) no Kmanek Haburas Unidade Nasional Timor Oan (KHUNTO) sujere ba Prezidente Repúblika (PR), Francisco Guterres ‘Lú Olo’ entrega ba partidu segundu mais votadu (CNRT) ho Partidu Libertasaun Popupar (PLP) forma VIII Governu.

“Ami sujere PR karik bele atu fó fiar mai partidu segundu mais votadu, atu teste hamutuk ho Aliansa Maioria Parlamentar (AMP) iha Parlamentu Nasional (PN) estabelese VIII Governu, tanba antes ne’e ami fó hatene tiha ona katak ami sei tenta atu menus dois (2) meses no um (1) mes kompleta rekezitu hotu ne’ebé maka presiza atu estabelese Governu foun,” Prezidente Conselho Diretiva Nacional-CNRT, Dionísio Babo ba jornalista sira, iha Palasiu Prezidensial, Bairo Píte, Díli, Tersa (23-01-2018) hafoin enkontru ho PR hodi partilha hanoin kona-bá inserteza polítika ne’ebé dau-daun ne’e nasaun infrenta.

Nia esplika, rekezitu ne’ebé maka CNRT sei kompleta hodi forma VIII Governu maka hanesan programa ida ne’ebé maka sei pasa iha PN, formasaun Governu, organiku Governu no kriteriu saida de’it maka VIII Governu sei prense hodi bele aprezenta Orsamentu Jeral Estadu.

Entretantu tuir Sekretariu Jeral CNRT, Francisco Kalbuadi Lay no Xefi Bankada CNRT iha Parlamentu Nasional, Arão Noe, hateten, agora hein de’it rezultadu Konsellu Estadu ohin (25/1) pronunsia tiha lai, klaru PR iha direitu prerogativu, nune’e desizaun saida de’it maka PR foti ba interese no vontade Timoroan tomak ninian, CNRT sei kumpri.

Tuir Sekretariu Jeral partidu KHUNTO, José Agostinho, informa, atu hakotu inserteza polítika ne’ebé oras ne’e dau-daun nasaun infrenta KHUNTO sujere ba PR atu entrega ukun ba partidu segundu mais votadu ho ninia aliadu AMP lidera VIII Governu konstitusional.

Lee hotu :   PD garante lider rezistensia sei rezolve problema nasaun

“Ami fiar ho asentu 35 kadeiras iha PN, bele asegura estabilidade governativa, tanba iha tempu liu ba PR bele fó pose ba Governu minoria ho 30 kadeiras iha PN, ne’ebé la garante estabilidade governativa, tanba sá maka labele konvida partidu segundu mais votadu CNRT ho ninia aliadu para bele forma VIII Governu konstitusional,” dehan SekJer KHUNTO ne’e.

Nia akresenta, karik PR entrega ba partidu segundu mais votadu CNRT ho ninia aliadu AMP forma VIII Governu, KHUNTO fó konfiansa tomak ba Xanana Gusmão para lidera VIII Governu konstitusional.

CNRT no AMP submete ba desizaun saida de’it maka PR foti, maibé desizaun ne’ebé maka PR foti tenki haree ninia konsekuensia, sé opsaun ba demiti VII Governu, forma VIII Governu iha fulan ida nia laran AMP prontu forma Governu, sé ba eleisaun antesipada presiza fulan haat (4) ou lima (5) no Estadu moris sein Orsamentu Jeral Estadu 2018 ne’e implika ekonómikamente, finanseiramente no polítkamente ne’e oinsa, maibé kave ba PR atu foti konkluzaun no desizaun.

Husi sorin seluk, Prezidente Partido Democrático (PD), Mariano Assanami Sabino hateten, sé lideransa ne’ebé hetan asentu iha PN la konsege rezolve inserteza polítika ne’ebé dau-daun ne’e nasaun infrenta, diak liu entrega ba povu maka desidi liu husi Eleisaun Antisipada (EA).

“Partidu polítiku (ParPol) bele iha opiniaun oi-oin, maibé desizaun final iha Prezidente Repúblika (PR), PD sempre espera katak povu ida ne’e matenek, tanba fó ona ninia votus ba ParPol lima, maibé laiha ida maka manan maioria absoluta, ne’e hatudu povu nia konsensia ba multipartidaria, maibé sé lideransa sira labele ka lakonsege, ita fó fila-fali ba povu, tanba ukun ne’e povu nian, ukun la’os ParPol sira nian, ukun la’os lider sira nian, maibé ukun ne’e povu nian,” hatutan Prezidente PD.ves

Lee hotu :   Formasaun VII Governu la priense konstituisaun

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-23 Fulan-Dezembru Tinan-2018

Povu husu lider politiku sira rezolve impasse politika

Povu senti impasse politika nebe akontese...

António de Sá Benevides lidera koligasaun FDD

Prezidenti Partidu Unidade Dezenvolvimentu Demokrátiku (PUDD),...

Close