JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PPN konsidera laiha ajenda, laiha plenaria ”BOAMP nota PPN la kumpri knaar”

PPN konsidera laiha ajenda, laiha plenaria ”BOAMP nota PPN la kumpri knaar”

Prezidente Parlamentu Nasional (PPN), Aniceto Guterres, deklara katak, iha loron Segunda (8/1) no Tersa (9/1) ne’e Parlamentu Nasional la halo plenaria, tanba laiha ajenda atu debate.

“Ita-nia Prezidente Repúblika (PR) mós preokupa iha loron Segunda no Tersa ne’e laiha plenaria iha PN, maibé laiha ajenda ne’e oinsa maka bele halo plenaria, agora obriga halo plenaria para destitui PPN ne’ebé ninia prosesu sei iha tribunal, mosaun sensura ne’ebé fundamentalmente tenki iha konsertasaun tempu ida para termina data ida ho Governu, ida ne’e konsertasaun seidauk akontese no seidauk defini loos obriga hakarak halo ho la-lais, ne’e ita hakarak golpe ka ita hakarak saida,”PPN ba jornalista sira hafoin remata enkontru ho PR, iha Palasiu Prezidensial, Bairo Píte, Díli, Kuarta (10-01-2018).

Nia esplika katak, hori uluk kedas Bloku Opozisaun Aliansa Maioria Parlamentar (BOAMP) dehan PPN viola rejimentu maka sira hatama proposta ida atu hatuun PPN, maibé sira la konsege fundamenta no la konsege komprova katak PPN viola rejimentu.

“Fou-foun kedas ha’u marka dia 18 Dezembru 2017 atu deskuti mosaun sensura, dezde ínisiu 21 Novembru 2017 kuandu hatama mosaun sensura ba meja iha dia 20 Novembru 2017, dia 21 Novembru 2017 iha konferensia entre lider bankada, ha’u marka kedas iha 18 Dezembru deskuti mosaun sensura, ne’e data ne’ebé paling lambat, mais sira lakoi, tanba sira hakarak urjenti, nune’e ha’u dehan ba sira razaun buka la hetan atu obriga Governu mai ho urzenti,” dehan Aniceto Guterres.

Nia akresenta mós katak, depois iha loron 15 Dezembru 2017 ne’e BOAMP husu fali atu deskuti mosaun sensura iha loron 18 Dezembru, data ne’ebé sira rezeita tiha.

Lee hotu :   CNRT SEI DISKUTI REGRA GOVERNASAUN HO FRETILIN

“Tanba ne’e maka iha 18 Dezembru ha’u anunsia ba Governu tenki mai hatan iha 30 dias antes, fó segimentu ba anunsia ou notifikasaun ida ne’e, dia 3 Janeiru 2018 ha’u haruka surat, Governu hatene PN notifika ona, entaun karta ne’e ba para atu fó hanoin de’it aproveita anexa rekerimentu bankada KHUNTO ou opozisaun ninian ne’ebé husu atu azenda mosaun sensura ba dia 8 Janeiru 2018,” haktuir PPN ne’e.

PPN mak la kumpri knaar

Entretantu Xefi bankada PLP, Fidelis Magalhães, esplika, orgaun lejislativa hala’o nia atividade normal, inklui deputadu hotu hala’o knaar nu’udar reprezentante povu iha uma fukun PN. Maibe Prezidente Parlamentu Nasional, Aniceto Guterres Mak la kumpri nia knaar tuir konstituisaun no rejimentu PN haruka.

“Parlamentu nasional ne’e so iha deit mak Prezidenti Parlamentu Nasional ida ne’ebé mak la kumpri nia knaar hodi husik hela Parlamentu Nasional, maibe la akontese krize inkonstitusional iha Parlamentu Nasional, tanba Prezidenti Parlamentu Nasionál hanesan deputadu ida hodi sai deit portavoz ba lidera Parlamentu Nasional,”dehan Xefi bankada PLP, Fidelis Magalhães ba jornalista iha uma fukun PN, Kuarta (10/01/2018).

Entretantu antes ne’e mós BOAMP deklara katak, sira konsidera aktu ne’ebé PPN halo hatudu momoos PPN kontribui dada tempu hodi atinji objetivu polítiku partidu FRETILIN ninian. Tamba tuir rejimentu PN hatete momos iha ne’eba katak, Segunda-Tersa sempre iha plenaria hodi diskuti problema nasaun nian.

Antes ne’e mós, Tribunal Rekursu hasai ona desizaun ba karta destituisaun husi Bloku Opozisaun Aliansa Maioria Parlamentar (BOAMP) nian hasoru Prezidenti Parlamentu Nasional (PPN), Aniceto Guterres haruka ba TR katak, karta destituisaun BOAMP nian ne’e, konstitusional no la kontra lei.

Lee hotu :   Xanana, Taur- Naimori ofisialija ezistensia AMP "Husu ba povu hakmatek"

Reprezentante BOAMP, deputadu Fidelis Magalhães, hateten, PPN hato’o pedidu fiskalizasaun abstrata ba konstitusionalidade ba norma ne’ebé hatu’ur momos ona iha artigu 15 rejimentu PN, ligadu ho proposta destituisaun ne’ebé mai husi BOAMP.

Maibé Tribunal Rekursu (TR) deklara katak, laiha inkonstitusionalidade (aktus AMP la viola konstituisaun) iha desizaun NUC N.0129/17.TRDIL, data 05/01/2018.

Antes desizaun TR nian fó sai, Tribunal Distrital Dili (TDD) mós indifere ka rejeita pedidu providensia kautelar husi PN.ves

Add to Comments Here!!!!

error: Content is protected.
Secured By miniOrange
You might also like:
Alegasaun subornu iha Ministeriu Turismu, Ministru Manuel Vong “ezonera” Miguel Lobato

Ministru Turismu, Manuel Lito Vong, hola...

PCIC prontu atua kazu krimi ho modus kareta

Polisia Cientifiku Investigasaun Criminal (PCIC), hala´o...

Klinika kurasaun atende ona pasiente 20

Klinika Kurasaun Rejiaun Especial Autonomo Oe-Cosse,...

Close