JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Taur: “Ha’u lakon tempu ho Mari”

Taur: “Ha’u lakon tempu ho Mari”

Portavos Aliansa Maioria Parlamentar (AMP) nudar mos Prezidenti Partidu Libertasaun Popular (PLP), Taur Matan Ruak, mensiona katak, bei-beik ona Primeiru Ministru (PM) nudar mos Sekretariu Jeral partidu FRETILIN, Mari Alkatiri, kontaktu nia via sms (short massage centre), maibe Taur dehan, nia lakohi liga tanba lakon tempu deit kontaktu malu ho Mari Alkatiri.

“Maun Mari dala ruma haruka sms ba ha’u, ha’u maka laliga ona nia, Mari hau admira nia, maibe ami rua nia karakteristika la han malu, tanba ne’e dala ruma hau senti hau kontaktu malu ho nia ne’e hau lakon hau nia tempu,” deklara Taur Matan Ruak, liu husi programa Grande Entrevista ne’ebe hala’o iha GMN-TV, Sabadu (30/12/2017).

“Ha’u kuandu ba koalia ho nia, nia ba jenuinu, kuandu soe ha’u iha dalan klaran nein hateten buat ida, ate ha’u dehan ba Prezidenti Republika totalmente shokadu, desepsionadu, hau senti tanba hau halo favor ida atu viabiliza Governasaun FRETILIN nian, Maun Mari nia lahanoin katak nia soe hau nia bele ohin hetan problema hanesan ne’e, kustu ida boot ba nia kareira politika? tanba nia laiha notasaun katak nia soe hau ne’e nia lakon boot ida, sorte uluk hau la ba ho nia, se lae la’o ba maka PD ho KHUNTO mak halai ami rua maka sai hanesan ne’e,” hatuan Taur Matan Ruak.

 Antes ne’e mos liu husi programa grande entrevista ne’ebe hala’o iha Studio GMN-TV iha Kinta (28/12/2017), PM Mari Alkatiri mos deklara katak, nia haruka SMS ba Taur Matan Ruak relasaun ho asuntu importante ruma ne’ebe presiza kontribuisaun portavoz AMP nian, maibe Taur rasik la responde.

Lee hotu :   PN disolve ona, Governu demisioner

Nia relasaun ho Xanana la’os foin aprofunda, maibe mai nanis kedas husi prosesu luta armada nian.

“Ami rua maun Xanana serbisu hamutuk tinan barak no tinan 20 iha ai-laran, ha’u sai nia wakil durante tinan 17. Atu dehan deit katak, ami rua nia relasaun hanesan temperatura alias tun sae ho hanoin ida deit mak halo melhora ba nasaun,” deklara Taur.

Eis Prezidenti Republika ne’e reafirma mos katak, nia ho Xanana nia objetivu ida deit, katak funu tenke manan maske kusta, realmente povu Timor  manan funu duni ho  sakrifisiu ida ne’ebe halo hodi ohin loron ema hotu menikmati.Mia

Add to Comments Here!!!!

error: Content is protected.
Secured By miniOrange
You might also like:
Ramos Horta: 2018 Timoroan tomak tenki kontinua hakmatek

Ministru Estadu Konsilleiru ba Asuntu Defeza...

Dom Basilio apoia Alkatiri

Bispo Diocese Baucau, Mgr. Basilio do...

Estabilidade governativa, Lere: Diak liu fó ba maioria

Xefi Estadu Maior F-FDTL, Major General...

Close