Alkatiri deklara VII Governu la’os Governu jestaun

Primeiru Ministru (PM), Mari Alkatiri deklara, mandatu Setimu Governu (VII) la’os Governu de jestaun, maibe VII Governu Konstitusional.

“VII Governu Konstitusional, sira bolu Governu de jestaun, sim hau hatan ona katak, ami halo duni jestaun ba tusan ne’ebe sira husik mai ami, no administrasaun ne’ebe sira husi mai ami, ne’ebe ami simu, tanba saída maka ami simu ho problemas husi IV, V no VI Governu”, hateten Primeiru Ministru, Mari Alkatiri ba Jornalista sira iha Palacio Governu, Kuarta (31/01/2018).

Xefi Governu ne’e hatutan tan, atu bolu Governu de Jestaun bainhira tama ona período kampanha eleitoral.

“Bainhira tama ona período kampanha eleitoral ne’e maka foin bolu Governu de jestaun”, dehan Mari Alkatiri.

Prezidenti Republika (PR), Francisco Guterres “Lu Olo” Sesta (26/01/2018), uza nia kompetensia ne’ebe prevê iha Konstituisaun Republika Demokratika Timor-Leste (KRDTL), artigu 86 alinea F, dissolve Parlamentu Nasional (PN) no deklara  Eleisaun Antesipada. mia