JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Governu gasta US$ 175 mil sosa tinta EA husi India

Governu gasta US$ 175 mil sosa tinta EA husi India

Governu liu husi Ministériu Administrasaun ESTATAL, asina akordu ho United Nations Development Program (UNDP), hodi hola tinta husi nasaun India atu garante efisiensia no efikasia Eleisaun Antesipada (EA) ne’ebé sei hala’o iha loron sanulu resin rua, fulan Maiu, tinan ne’e.

Tinta ne’e UNDP sei hola husi nasaun India, no orsamentu ne’ebé Governu preve ba UNDP atu sosa tinta ne’e, ho montante  US$ 1.75 mil, no presiza tempu fulan ida resin atu tinta sira ne’e mai to’o iha Timor Leste.

Ministru Administrasaun ESTATAL, Valentim Ximenes, hateten, Konsellu Ministrus aprova ona rezolusaun ida ne’ebé estabelese akizisaun ekipamentus no material eleitoral.

 “Inklui akizisaun tinta atu garante kualidade eleitoral ba eleisaun antesipada, atu hatutan kualidade eleitoral ne’ebé mak halo iha tinan kotuk. Ninia prosediamentu akizisaun ne’e hanesan de’it, tinta ne’e ita sosa iha nasaun India, osan Governu Timor Leste nian, maibé tanba akizisaun tinta ne’e halo iha estranjeiru, entaun ita tenki uza prosediamentu aproviziaonamentu husi programa nasoens unidas iha Timor Leste,”katak Valentim Ximenes iha nia intervensaun ba seremonia asina akordu ne’ebé hala’o iha salaun enkontru STAE, Caicoli, Dili, Kinta (15/02).

Nia haktuir, prosediamentu aprovizionamentu ne’e atu garante tinta ne’e nia kualidade, tanba iha eleisaun Prezidensial no Parlamentar tinan kotuk, ema hotu hateten katak, kualidade tinta ne’e diak tebes.

Valentim Ximenes esklarese, tinta ne’e nia presu asesivel, tanba la baratu liu no la karun liu, maibé tanba hola iha nasaun seluk, entaun presiza mós hasai ona atu transporta tinta ne’e husi India mai to’o iha Timor Leste.

Tuir Valentim Ximenes katak, tinta ne’e atu garante prosesu votasaun eleisaun antesipada ho efisiensia no efikasia, ema hotu haksolok ho rezultadu ida diak, trans parante no laiha manipulasaun votus.

Lee hotu :   HAK husu Parpol labele involve labarik iha kampanha

“Komitmentu Governu ida ne’e atu halo eleisaun antesipada ida ne’e transparente, laiha manipulasaun iha prosesu eleitoral tomak. Governu ne’e mai ho vontade tomak ne’ebé refletivu iha vontade popular atu asegura ita nia prosesu eleitoral tomak, hahú husi resensiamentu eleitoral, rejistu partidu polítika sira, no kandidatu deputadu sir aba futuru Parlamentu Nasional, asegura propaganda eleitoral ida demokrátiku, asegura mós apuramentu votus iha sentru votasaun hotu iha Timor Leste to’o apuramentu nasional, to’o Tribunal Rekursu fó sai rezultadu eleisaun,” relata Valentim Ximenes.

Ministru ESTATAL ne’e dehan, ida ne’e atu bele garante formasaun Governu ida diak, liu husi Parlamentu Nasional ida forte, no reprezenta maioria populasaun ka maioria votantes iha eleisaun antesipada ne’e.

“Ha’u kolia bebeik ho Diretur Jeral Sekretáriadu Tekniku Administrasaun Eleitoral, nune’e mós ha’u nia kontaktu intensivu ho Prezidenti Comisaun Nasional das Eleisões ho nia Komisári sira tomak, atu orgaun eleitoral rua ne’e tenki iha kooperasaun intensiva, tulun malu atu haree se mak halo sala, ida seluk fó hanoin malu,” katak Valentim.

Nune’e mós, Diretur Country UNDP, Claudio Providas mós hateten, UNDP asina akordu ho Governu Timor Leste atu UNDP hola tinta ho kualidade diak ba eleisaun antesipada ne’ebé sei hala’o iha loron 12 fulan Maiu tinan ne’e.

“Tinta ne’e kualidade diak, tanba data ba eleisaun antesipada ne’e foin lalais Prezidenti Repúblika dekreita ona data 12 Maiu. Liu husi akordu ida ne’e, UNDP sei hola tinta botir 4000, ho nia presentazen prata 25%, no sei entrega ba STAE atu uza ba eleisaun antesipada iha Timor Leste,” katak Claudio Providas.

Alende ne’e, Diretor Jeral Sekretáriadu Tékniku Administrasaun Eleitoral (STAE), Acilino Branco, hateten, seremonia ne’e Governu liu husi Ministériu Administrasaun ESTATAL ho UNDP asina nota intendementu ho UNDP atu halo prosesu akizisaun ba hola tinta.

Lee hotu :   Konsolidasaun iha Suku Bemori, FRETILIN hametin konfiansa juventude

“Prosesu ida ne’e akontese ona iha tinan kotuk, hodi hola ona tinta ida ne’ebé kualidade diak, hodi asegura no garante eleisaun ida ne’ebé mak la’o susesu tebes. Tinta ida ne’ebé kualidade diak ne’e, so bele iha asesu liu husi UNDP, tanba tinta ne’ebé fornese ne’e, la’os tinta ida ne’ebé kualidade bai-bain, maibé tinta ida ne’ebé ho nia kualidade ida ne’ebé lakon kleur tebes,” katak Acilino.

Nia haktuir, tanba tinta ne’e hola iha nasaun india, entaun presiza tempu fulan ida resin atu mai to’o iha Timor Leste.

“Tanba nia transportasaun ba tinta ne’e husi India mai direita iha Timor Leste, entaun nia kustus administrasaun ne’e mós karun, tanba tinta ida ne’e ho nia materia balu ne’ebé mak bele afeita ba ema nia saúde, entaun la autoriza atu bele transfere iha nasaun balun. Orsamentu ne’ebé Governu preve ba UNDP atu sosa tinta ne’e, ho montante US$ 1.75 mill,” katak Acilino.

Acilino esplika, kona ba kualidade tinta ne’e, Governu tenta atu hasa’e nia kualidade, maibé kompañia ne’ebé produs tinta ne’e la autoriza, tanba iha risku ba ema nia saúde.

“Kualidade tinta, li-liu nia presentazen prata ne’e, iha eleisaun sira tinan kotuk, ita uza 25%, ida ne’e nia kualidade mak, kuandu kona ita nia liman, fulan ida resin mak bele lakon. Ita hanoin atu bele aumenta tan to’o iha 30%, maibé tuir informasaun husi kompañia, tinta ne’e bele estraga ema nia kulit, no afeta ba moras seluk,” relata Acilino.cos

Add to Comments Here!!!!

error: Content is protected.
Secured By miniOrange
You might also like:
PM Alkatiri responde kona-ba Ro Haksolok, “Hau nia oan la’os naran Haksolok”

Ikus-ikus ne’e ema barak kestiona kona-ba...

GRANDE ENTREVISTA hamutuk ho Ministru Estadu no Konselleiru Seguransa Nasionál Dr. José Ramos Horta

JORNAL NACIONAL GMNTV Loron-15 Fulan-Fevereiru Tinan-2018

Close