Kona-ba loke jogu, Alkatiri: Ha’u bolu Ministru Turizmu dala 10 ona

Primeiru Ministru (PM), Mari Alkatiri informa katak, nia bolu bei-beik ona Ministru Turizmu (MT), Manuel Vong, relasiona ho kazu loke jogu sira hanesan kasino iha Díli.

 “Ha’u bolu (MT, Manuel Vong-red) dala sanulu (10) ona,” PM ba jornalista sira iha Palasiu Prezidensial, Bairo Píte, Díli, Kinta (08-02-2018), hodi hatan pergunta jornalista sira nian kona-bá nia bolu ona Ministru Turizmu relasiona ho kazu loke jogu sira iha Díli laran ka seidauk.

 Alkatiri esplika katak, nia seidauk rona katak Komisaun Anti Korupsaun (KAK) atu halo investigasaun ba MT, Manuel Vong.

“Atu halo investigasaun ba Ministru Turizmu, Manuel Vong ne’e ha’u seidauk rona, ha’u la hatene no ha’u seidauk rona ida ne’e. Maibé ha’u maka husu atu hahú auditoria iha MT,”dehan Alkatiri.

Alkatiri akresenta, laiha polemika ona iha jogu kasino ne’ebé MT, Manuel Vong legaliza, tanba nia maka PM iha rai ida ne’e.

“Sé imi deskonfia mosu nepotizmu iha MT, maibé ha’u la gosta deskonfia, ha’u hakarak faktus,”haktuir Alkatiri.

Iha VII Governu konstitusional, MT, Manuel Vong hamutuk ho ninia Vise Ministru Rui Menezes asina akordu investimentu iha jogus no hotel ba kompaña Hamatomo no Double Six.

Iha fali loron 1 fulan Fevereiru, tinan ne’e, MT, Manuel Vong hasai despaixu hodi legaliza aktividade jogu lima (5) ne’ebé la liu husi konkursu públiku, kompañia lima (5) ne’e kompostu husi lotaria rua (2) no Slot Machine tolu (3), hanesan kompañia Dream Entertainment Group, S.A loke jogu lotaria, Fitun Timor, Lda (lotaria), Ilimano Holding, S.A (Slot Machine), inklui kompañia Hamatomo Raku Un, S.A (Slot Machine), Mahatan Timor Group (MTG) Holding, S.A (Slot Machine). Ves