JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

MAE-CNE no STAE aprezenta opsaun data EA ba PR

MAE-CNE no STAE aprezenta opsaun data EA ba PR

Ministériu Administrasaun Estatal (MAE), Comissão Nacional de Eleições (CNE) no Sekretariadu Tékniku Administrasaun Eleitoral (STAE), Kinta (1/2/18), aprezenta opsaun data Eleisaun Antesipada (EA) ba Prezidente Repúblika (PR), Francisco Guterres ‘Lu-Olo’.

“Ami aprezenta ami-nia ponto de vista, atu informa ba PR opsaun kona-bá data markasaun EA, maibé ami mai rona, CNE no STAE mós fó ideias ba PR, nune’e ami tenki rona fali PR ninia sujestaun balun atu reuni ideia hotu-hotu, kondisaun hotu-hotu atu bele mai fali ho proposta kalendariu ida ezekivel atu entrega ba PR, atu bele hola desizaun hodi dekreta ou marka loron EA,” Ministru Admintrasaun Estatal (MAE), Valentim Ximenes ba jornalista sira hafoin remata hato’o sira opsaun data EA ba PR, iha Palasiu Prezidensial, Bairo Píte, Díli.

Nia esplika, horiseik (1/2) MAE, CNE no STAE mai aprezenta de’it opsaun ba kalendariu EA, maibé parte tolu (3) ne’e sei tuur hamutuk fali, para bele hamosu fali hanoin diak ida oinsa bele hasa’i kalendariu ida ezekivel, signifika kalendariu ida ne’ebé ho operasaun, preparasaun diak, atu nune’e ema hotu partisipa iha EA ho partisipasaun ne’ebé ás.

“Tuir parametrus lei ninian mínimu ita tenki sura 60 dias, husi ne’e maka ita halo kalendariu, depois rona PR ninia opiniaun no parte hotu-hotu ninia opiniaun, agora ami tenki ba fila-fali hadi’a kalendariu no ajusta kalendariu ida para bele favorese operasaun téknika iha kraik, preparasaun buat hotu antes bele azuda ita hotu bele tama iha data EA ne’ebé PR marka,” dehan Valentim Ximenes.

Nia akresenta, STAE no CNE ninia servisu só aprezenta de’it kalendariu ba PR, maibé PR maka sei iha kompetensia tomak atu bele dekreta data EA.

Lee hotu :   Moçambique prontu hametin kooperasaun ho TL iha área 3

“Ha’u labele adianta opsaun Governu ninian, tanba opsaun Governu ninian ne’e ita boot sira sei rona husi PR, ha’u labele koalia númeru orsamentu ba EA ninian, tanba ami sei ajusta hela no agora ita iha hela rezimi duadesimal, tanba ne’e ami presiza tuur hamutuk ho tékniku husi Ministériu Finansas ninian atu mai hamutuk ho tékniku STAE no CNE atu bele reuni kondisaun hotu-hotu,” hateten MAE ne’e.

Nia hatutan, maski iha kondisaun ida difisil nia laran, maibé pelumenus CNE no STAE bele garante aktus eleitoral no prosesu hotu-hotu, husi kedas resensiamentu tama to’o rezultadu eleisaun.

“Asuntu vota livre mós ami deskuti ho PR, tanba ne’e ami sei haree hodi preve fali dekretu Governu ne’ebé koalia kona-bá ida n’e, kait fali ho lei atu haree, bele ka labele ema vota iha fatin hotu-hotu, buat sira ne’e hotu ninia diak ou la diak ami tenki tetu hotu, para bele sai ho rezultadu diak ida atu bele iha kalendariu ida ezekivel,” haktuir Valentim Ximenes.

Entretantu mezmu MAE, CNE no STAE fó opiniaun kona-bá data EA ba PR, maibé ne’e PR maka sei desidi, tanba ida ne’e ninia kompetensia. ves

 

Add to Comments Here!!!!

error: Content is protected.
Secured By miniOrange
You might also like:
Komunidade Bidau hala’o orasaun tama-sai uma

Xefi Komisaun Organizadora, Ubaldo Migue Lay...

Gatot: Ha’u la hatene kazu Nicolau Lobato

Eis  Jeneral Tentara Nasional Indonesia (TNI),  Gatot  Nurmantyo,  hateten,   nia  parte  la  hatene  kona-ba kazu...

PN disolve ona, Governu demisioner

Xefi bankada CNRT, deputadu Arão Noe...

Close