JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Mari Alkatiri: Agio Pereira bele asina akordu FM

Mari Alkatiri: Agio Pereira bele asina akordu FM

Primeiru Ministru (PM), Mari Alkatiri, informa, Ministru-Adjuntu Primeiru-Ministru ba delimitasaun Fronteira Marítima, Hermenegildo Pereira (Agio Pereira) mós bele asina akordu Fronteira Marítima (FM) entre Timor-Leste ho Australia.

 “Ha’u hakarak Xefi Negosiador maka asina, maibé atu asina tenki toma pose, tanba ne’e Estadu. Ha’u rona ona dehan nia lakohi asina, ha’u mós la asina, entaun iha ema ida que partisipa iha negosiasaun tomak, membru Governu nia maka sei asina, Agio Pereira hanesan Vise PM, hanesan mós ho Australia ninian Vise Primeiru Ministru maka ba asina, nusa maka Agio Pereira labele asina,”PM ba jornalista sira iha Palasiu Prezidensial, Bairo Píte, Díli, Kinta (08-02-2018).

 Alkatiri akresenta, to’o agora nia  la halo komunikasaun direto ho Kay Rala Xanana Gusmão, maibé nia halo ona komunikasaun ho Ministro do Adjunto Primeiro Ministro na Presidência do Conselhos de Ministros, Agio Pereira.

Timor Leste iha ona susesu bo’ot liu husi Xefi negosiador prinsipal fronteira Marítima, Kay Rala Xanana Gusmão, ho nia ekipa hodi halo negosiasaun ho Governu Australia to’o ohin loron, Timor Leste no Australia hatur duni tuir soberania rai rua ne’e nian. Tanba ne’e, iha tempu badak nasaun rua ne’e sei asina akordu ikus liu iha Nova Iorque, no Sekretáriu Jeral Nasoens Unidas (ONU), António Guterres mak sei sai testamuña.

PM Alkatiri sei partisipa asina akordu FM

Primeiru Ministru (PM), Mari Alkatiri, sei partisipa asina akordu Delimitasaun Fronteira Maritima ho Australia ne’ebe ajenda ona atu halo iha  loron 6 Marsu, tinan ne’e, iha Nova Yorke.

            “Hau dehan ona dala barak katak, hau la hadau ema ida nia meritu, se maka halo negosiasaun, halo akordu nia naran maka tenke tau iha istoria no nia maka tenke asina, maun Xanana hateten ona katak nia lakohi asina, hau mos dehan hau lakohi, entaun Ministru Adjuntu do Primeiru Ministru, Agio Pereira maka asina, akordu ne’e sei asina iha loron 6 Marsu iha Nova Yorke, ne’ebe iha fulan hira nia laran ami rua (red-Xanana) la hasoru malu, ne’ebe ami rua sei hasoru malu hodi hasai fotografia, hasai iha facebook ho ida ne’e hau hanoin balu iha ne’e bele tara an,” hateten Primeiru Ministru, Mari Alkatiri bainhira partisipa iha reuniaun alargada organizasaun filiadas FRETILIN iha Hotel Luz Clarita, Kinta (08/02/2018).

Lee hotu :   Alkatiri:Lalika taridu ho polítika rai laran

            Mari Alkatiri mos husu ba Xefi Negosiador, Kayrala Xanana Gusmão atu labele uza asuntu Fronteira Maritima ba materia kampaña politiku Aliansa Mudansa ba  Progresu (AMP) nian.

“Balu dehan sira sei uza asuntu Fronteira Maritima ba kampaña, hau latauk, mais hau husu deit diak liu lalika uza, se lae hau loke debate ida sobre ida ne’e,” hateten Mari Alkatiri.

Xefi Governu ne’e afirma, nia ba rai liur la’os atu koalia asuntu nasional, maibe atu partisipa deit asina akordu.

“Atu hateten deit katak, hau la ba rai liur para halo politiku ba rai laran, hakarak politiku iha rai laran tenke iha rai laran, tanba hau halo politrika ba rai laran tinan 24 hela iha liur, no agora hakarak halo hela iha rai laran, uluk tanba labele ne’ebe hela iha rai liur, agora bele hela iha rai laran, fenomena ida ne’e furak tebes,” afirma Alkatiri. Ves/mia

Add to Comments Here!!!!

error: Content is protected.
Secured By miniOrange
You might also like:
FRETILIN akuza CNRT fahe projetu hodi sosa votus CNRT-PLP ezije TC tenki brani auditoria ZEESM

Bankada FRETILIN iha Parlamentu Nasional (PN),...

Inspesaun Jogus identifika Hamatomo laiha fatin ba jogus • Mahatan Timor Group uza makina Kasino

Inspesaun do Jogus halo ona verifikasaun...

JORNAL NACIONAL GMNTV Loron-8 Fulan-Fevereiru Tinan-2018

Close