JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Partidu 5 aseita ho kalendáriu governu EA  Labele hanoin de’it mak ba ukun

Partidu 5 aseita ho kalendáriu governu EA 	Labele hanoin de’it mak ba ukun

Partidu 5 ne’ebé hetan asentu iha Parlamentu Nasionál (PN), FRETILIN, CNRT, PLP, PD no KHUNTO konkorda ona ho kalendáriu governu ba Eleisaun Antesipada (EA) ne’ebé marka  ba iha loron 12 fulan Maiu 2018.

Partidu polítiku sira konkorda ho data ne’ebé mak aprezenta husi órgaun eleitorál Comissão Nacional de Eleições (CNE) ho Secretariado Técnico de Adminsitração Eleitoral (STAE), tanba konsidera data ne’e, iha duni fleksibilidade atu órgaun eleitorál sira bele realiza eleisaun.

Ami konkorda ho proposta kalendáriu ne’ebé mak ohin CNE ho STAE aprezenta, ami hanoin data ne’e di’ak para bele organiza eleisaun ida ne’ebé transparante no sei di’ak liutan ho eleisaun ne’ebé hala’o ona iha tinan hirak liubá,” hateten Reprezentante Partidu Libertação Popular (PLP), Fidelis Magalhães, ba jornalista sira iha Palácio Presidencial Nicolau Lobato, Bairo Pite Díli, Kuarta (7/2).

Nune’e mós partidu FRETILIN ne’ebé reprezenta husi Adjuntu Sekretáriu Jeral Partidu nian, José Reis  hateten, laiha objesaun konaba data ne’ebé STAE no CNE aprezenta, tanba argumentu ne’ebé CNE no STAE aprezenta tuir prosesu legál.

“Ami laiha objesaun ida no hanoin partidu hotu laiha objesaun konaba data ne’e. Haree tuir prosedimentu tékniku ne’ebé prepara husi STAE no CNE ne’ebé halo tiha ona reunisaun ho Prezidenti Repúblika, argumentu sira ne’ebé mak sira tau ne’e tuir prosesu legál téknika ami haree katak loos,” hateten José Reis.

Nia hateten, FRETILIN kompromete sei kontribui ba paz iha kampaiña no eleisaun antesipda, maibé atu kontribui ba paz la’os partidu polítiku sira de’it maibé entidades hotu.

“Ami kontinua apela ba iha kraik, ita bele haree loloos krize fulan 6 ne’e nia laran, povu hatudu loos maturidade ne’ebé aas, prinsipalmente joven sira. No jornalista sira mós kontribui ba estabilidade, tanba atu husu estabilidade ba prosesu ida ne’e la’os partidu polítiku de’it. Maibé ita hotu-hotu. Importante liu média, se média mak komesa sunu malu ona, dudu ita ba problema boot, tanba ne’e ha’u husu mós ba média atu bele kontribui ba paz no estabilidade ba prosesu eleisaun ida ne’e,” dehan José Reis.

Lee hotu :   Mandatu PI remata, Alkatiri tenki nomeia Prezidente RAEOA foun

Iha fatin hanesan, reprezentante partidu CNRT, Dionísio Babo hateten, CNRT konkorda ho kalendáriu ba eleisaun antesipada ne’ebé governu propoin, maibé tenki haree mós ho parte finansiamentu ba ezekusaun eleisaun antesipada.

“Ami konkorda, maibé ita tenki haree mós ba parte finansiamentu, tanba ema balun koalia dehan katak uluk gasta osan barak iha eleisaun prezidensiál no Parlamentar iha 2017, maibé la hatene katak eleisaun rua ne’e gasta por volta de seis milloens ida hanesan ne’e. Agora ita gasta sinku milloins, ita tenki haree didi’ak osan sira ne’e mai husi ne’ebé,”nia dehan.

Nune’e mós reprezentante partidu KHUNTO, Armanda Berta dos Santos hateten, KHUNTO mós konkorda ho kalendáriu governu nian no sei hakat ho AMP hamutuk ba eleisaun antesipda.

No Partidu Demokratiku (PD) ne’ebé reprezenta husi Prezidenti PD, Mariano ‘Assanami’ Sabino mós aseita ho kalendáriu governu nian ne’ebé atu hala’o eleisaun antesipada iha fulan Maiu. No husu ba inan aman sira atu ejerse sira nia funsaun nu’udar sidadania atu ba vota iha loron eleisaun.

“PD husu katak ita tenki la’o duni iha prosesu ida ne’e, para halo tasak liutan ita nia demokrasia, tanba ne’e ia hotu tenki pasénsia, haraik-an ba malu, koalia programa hodi rezolve problema ba povu nia moris,”nia afirma.

 Labele hanoin de’it mak ba ukun

Iha okaziaun ne’e, Prezidenti Partidu Demokrátiku (PD) Mariano ‘Assanami’ Sabino mós hateten, Nasaun ne’e Timoroan hotu nian no ema lubuk ida mate mak hodi alkansa ukun-an, tanba ne’e partidu polítiku sira labele hanoin de’it ba ukun, maibé tenki iha responsabilidade ba konstrusaun estadu.

“Partidu sira labele hanoin de’it ba ukun maibé partidu sira tenki iha responsabilidade ba konstrusaun estadu. Nasaun ne’e ita hotu nian no ema lubuk ida mate mak Timor ne’e ukun rasik-an, labele iha kakutak ne’e hanoin ba ukun de’it. Maibé tenki hanoin ba konstrusaun estadu. Kaer prinsípiu valores beiala sira nian no prinsípiu ne’ebé hatur iha konstituisaun,”nia hateten.

Lee hotu :   Moçambique prontu hametin kooperasaun ho TL iha área 3

Iha okaziaun ne’e, Prezidenti CNE Alcino Barris promete, CNE no STAE sei halo esforsu tomak atu garante eleisaun antesipada ne’e bele la’o ho kualidade, no sei satisfas públiku tomak.

Antes ne’e Ministru Administrasaun Estatal, Valentim Ximenes hatete, Estadu iha orsamentu 5 milloins dolar amerikanu atu bele garante eleisaun antesipada ba tinan ne’e.ías

Add to Comments Here!!!!

error: Content is protected.
Secured By miniOrange
You might also like:
Igreja Katolika follow up konkordata Santa Sé ho Governu

Prezidente Conferensia Episkopal Timorense nudar mos...

Koléziu Soibada iha Kondisaun la diak

Primeiru Ministru sei inaugura estrada diresaun Same

Close