JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN husu Governu esplika US$ 5 milloens ba EA

PN husu Governu esplika US$ 5 milloens ba EA

Foto Facebook: Vrigina Belo

Reprezentante povu husi bankada CNRT, Virgina Ana Belo, iha Parlamentu Nasional (PN), ezije ba Governu atu esplika ba PN kona ba orsamentu ba Eleisaun Antesipada (EA) ho montante US$ 5 milloens ne’e mai husi ne’ebé, tanba dadaun ne’e mákina Estadu funsiona ho orsamentu duo désimu de’it.

Deputada Virgina Ana Belo husu Ministru Finansas, Rui Gomes, atu halo esplikasaun iha uma fukun PN, atu ema hotu bele hatene orsamentu EA ne’e foti husi fontes ida ne’ebé.

“Ami hakarak konvida Ministru Finansas mai iha Parlame

ntu Nasional atu esplika kona ba orsamentu Eleisaun Antesipada ne’e mai husi ne’ebé, tanba orsamentu ne’e US$ 5 milloens kedas,” katak Virgina Ana Belo iha plenária PN, Kinta (08/02).

Hatan ba preokupasaun ne’e, Prezidenti Parlamentu Nasional, Aniceto Guterres, hateten katak, nia sei esforsu hodi bolu Ministru Finansas atu ba esplika iha plenária PN.

“Ha’u la promete, maibé iha próxima reuniaun komisaun permanente, Ministru sei mai plenária hodi hatan mós kona ba preokupasaun deputadu sira nian ne’e,” relata Aniceto.

Dadaun ne’e, Governu prepara ona orsamentu ba eleisaun antesipada ho montante US$ 5 milloens.

“Ami iha orsamentu Estadu liu husi Governu nian ho total hamutuk US$ 5 miloens ba de’it CNE ho STAE hodi hala’o eleisaun antesipada,”relata Ministru Administrasaun ESTATAL, Valentim Ximenes ba jornalista sira hafoin hasoru malu ho Prezidenti Repúblika (PR), Francisco Guterres ‘Lu-Olo’, iha Palasiu Prezidensial Bairu Pite, Dili (05/02/2018).

Alende ne’e, Primeiru Ministru (PM), Mari Alkatiri mós garante katak, orsamentu ba eleisaun antesipada iha. Maibe seidauk esplika osan US$ 5 milloens ne’e mai husi fontes ne’ebé. Entretantu, eleisaun antesipada, sei realiza iha loron 12, fulan Maiu, tinan ne’e.cos

Lee hotu :   BK akuza BOAMP la kolaborativu ■BOAMP konsidera BK manobra povu

Add to Comments Here!!!!

error: Content is protected.
Secured By miniOrange
You might also like:
PR Lú Olo: Lalika insulta malu iha tempu kampaña

Prezidente Repúblika (PR), Francisco Guterres ‘Lú...

Ular-oan atake Ai-Kameli hun 5000

Ai-Kameli 3 mil hektares  ne´ebé mak sai...

AMP tenke servisu maka’as hetan vitoria iha EA

Konselleiru másimu partidu KHUNTO, José dos...

Close