JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PN laiha ona kompetensia sensura Governu

PN laiha ona kompetensia sensura Governu

Prezidenti Parlamentu Nasional (PPN), Aniceto Guterres, hateten, Parlamentu Nasional (PN) laiha ona kompetensia atu hato’o mosaun sensura ba Governu, tanba Prezidenti Repúblika disolve ona PN.

Aniceto hatutan, karta destetuisaun bankada opozisaun nian ba Prezidenti Parlamentu Nasional, agora dadaun laiha fatin atu diskuti ona, tanba Parlamentu Nasional (PN) disolve tiha ona.

“Parlamentu disolvidu ita atu trata saida, se obriga atu trata mós, ha’u dehan proposta ne’e in-ezistente tanba proposta illegal, mai husi bankada ne’ebé mak la eziste iha Parlamentu ne’e. iha ne’ebé mak bankada AMP ne’e eziste, sira uza lei artigu ida ne’ebé, no rejimentu ida ne’ebé sira forma bankada AMP ne’e,” katak Aniceto Guterres ba jornalista sira iha PN, Kuarta (07/02).

Tanba ne’e, PPN ne’e afirma, kuandu proposta ne’e mai husi bankada ne’ebé mak in-ezistente, entaun proposta mós in-ezistente.

“Sira labele uza tempu ida ne’e atu halo diskusaun fali ba mosaun sensura, tanba halo nusa mak Parlamentu ida disolvidu bele sensura fali Governu, ida ne’e la akontese,” katak Aniceto.

Nia esklarese, bainhira Prezidenti Repúblika dissolve Parlamentu Nasional, deputadu sira laiha ona kompetensia atu sensura Governu.

Alende ne’e, Xefi bankada CNRT, Arão Noe hateten, mosaun sensura ba Governu, bankada opozisaun sei ezije nafatin Prezidenti Parlamentu Nasinal atu diskuti.

“Tuir artigu 102 konstituisaun hateten, kompetensia komisaun permanente nian bele konvoka plenária extra ordenária atu foti desizaun rum aba interese nasional,” katak Arão.

Nia esplika, kona ba Estadu emerjensia de’it, komisaun permanente PN bele halo, tanba saida mak mosaun sensura ba Governu no hatun ka hasai PPN labele?.

“Proposta destetuisaun opozisaun nian ne’e la illegal, se Prezidenti PN admiti tiha ona proposta ne’e, halo nusa mak illegal fali, entaun Prezidenti PN mós lahatene lei, proposta destetuisaun no mosaun sensura ne’e hein atu ajenda de’it ona, tanba Prezidenti PN admiti tiha ona, ida ne’e signifika katak, priense kritéria,” relata Arão Noe.

Lee hotu :   La ba aprezenta tan programa iha PN, Alkatiri: “sira la konsidera hau”

Nune’e mós Xefi bankada PLP, Fidelis Magalhães hateten,  mosaun sensura no karta destituisaun ne’e, bankada  CNRT PLP no KHUNTO, sei haree didiak, tanba Bloku Koligasuan dada karta destetuisaun no mosaun sensura ne’e ho objetivu ida de’it, Prezidenti Repúblika disolve PN.

“Bankada AMP sei haree didiak rejimentu, ami haree poder saida mak Parlamentu sei iha, wainhira Parlamentu ne’e desolvidu, no poder saida mak Governu,” tenik Fidelis.

Prezidenti Repúblika anunsia tiha ona eleisaun antesipada, maibé seidauk marka data, no la temi kona ba Governu.

“Tanba ne’e ami tenki haree didiak lai ida ne’e atu lori ita ba ne’ebé, maske disolve tiha ona Parlamentu, maibé seidauk marka data ba eleiaun tuir mai,” renik Fidelis.

Nia esklarese, públiku hakarak solusaun polítika ne’ebé lalais, uza razaun povu, entaun situasaun polítika ne’e labele pendente no tabele hela de’it, sem solusaun ida.  Maibé Fidelis dehan, disolve Parlamentu Nasional ne’e, komptensia polítika Prezidenti Repúblika nian, tuir lei hateten ona.cos

Add to Comments Here!!!!

error: Content is protected.
Secured By miniOrange
You might also like:
TL-RI konkorda finaliza liña fronteira terrestre

Ministru Negosiu Estranjeiru no Kooperasaun (MNEK),...

Governu rezeita uza patrimoniu Estadu ba politika

Portavoz  Governu Matias Freitas Boa vida...

Tempu badak, KAK sei investiga Ministru Manuel Vong

Komisariu Komisaun Anti Korupsaun (KAK), Aderito...

Close