JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Alkatiri autoriza Agio ba ratifika akordu FM • Laiha kontaktu ho Xanana

Alkatiri autoriza Agio ba  ratifika akordu FM  • Laiha kontaktu ho Xanana

Ministru Adjunto Primeiru Ministru ba asuntus Delimitasaun Fronteira Maritima, Hermenegildo “Agio” Pereira, fila hikas ona ba Sidney-Australia hodi buka hatene retifikasaun akordu Fronteira Maritima entre Australia ho Timor Leste, ne’ebe asina ona foin lalais ne’e.

“Agio Pereira sempre husu autorizasaun mai hau. Xanana Gusmão nunka husu autorizasaun ba hau ba ka la ba, ne’ebe Agio husu autorizasaun mai hau no hau fo, la’os hau maka haruka,” informa Primeiru Minsitru (PM), Mari Alkatiri hodi responde GMN hafoin halo dialogu ho povu Viqueque iha Viqueque, Kinta (22/03/2018).

Bainhira husu kona ba dadaun ne’e Primeiru Ministru, Mari Alkatiri kontaktu ona ho Xanana Gusmão ka lae, maibe Xefi Governu ne’e dehan, tanba Xanana Gusmão deklara ona katak la hatene Palacio do Governo, tanba ne’e nia mos  la kontaktu ho Xanana.

“Ha’u mantein, tanba iha koerensia, katak hau fo konfiansa ba ema ida, hau mantein hau nia konfiansa ne’e. Nia (Agio-red) atu ba Sidney para atu ba koalia ho Governu Australia, kona ba ratifikasaun akordu fronteira maritima, katak bainhira maka Governu Australia ratifika. Hau simu ona akta Fronteira Maritima. Hau bele bolu nia (Xanana-red), bainhira hau nia lejimidade konfirmadu ho eleisaun antesipada,”  afirma Alkatiri.

Ministru Adjunto Primeiru Ministru Asuntu Fronteira sira, Agio Pereira desloka ba Australia iha Segunda (19/03/2018) no tuir ajenda katak, nia fila hikas mai Timor iha Domingo (25/03/2018).

Akordu Fronteira Maritima asina ona iha loron 6 Marsu tinan ne’e iha Nova Yorke, Agio Pereira reprezenta Estado Timor-Leste no Australia reprezenta husi Ministra Negosio Estranjeiro Australia, Julia Bishop, asisti husi Sekretario Jeral ONU, Antonio Guterres. mia

Lee hotu :   Gráfika Nasional mak imprime bulletin votus EA

Add to Comments Here!!!!

error: Content is protected.
Secured By miniOrange
You might also like:
AS. Ponta Leste – Atl. Ultramar fahe pontu

Associação Sportivo (AS) Ponta Leste ho...

RENETIL desidi la sadere ba partidu ida

Organizasaun RENETIL (Rezistensia Nasional Estudante Timor-Leste)...

Diálogu ho arte marsiais-ritual Xanana:AMP tenki manan hodi hadia Estadu

Lider másimu  Aliansa Mudansa ba Progressu...

Close