JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

EA momentu oportunu ba Xanana, Taur-Naimori ■Taur rekomenda halibur arte marsiais

EA momentu oportunu ba Xanana, Taur-Naimori ■Taur rekomenda halibur arte marsiais

Portavoz Aliansa Mudansa ba Progresu (AMP) Taur Matan Ruak, hateten, Eleisaun Antesipada (EA) nu’udar momentu oportunu ba nia ho Kay Rala Xanana Gusmão la’o hamutuk atu rezolve povu nia problema inklui Naimori.

“Mosu EA tanba matebian sira mak halo para ha’u ho maun Xanana la’o hamutuk, tanba ami- nian problema seidauk hotu, problema mate nian no moris nian, nune’e ami tenke hadi’a tiha lai, inklui rezolve problema veteranus no kombatentes nian, maibe la hatene atu rezolve oinsa, maibe ami promote, antes ami nain rua maun Xanana mate, ami hakarak hadi’a kedas, tanba ne’e eleisaun antesipada nu’udar oportunidade di’ak ba povu hotu,”dehan portavoz AMP, Taur Matan Ruak ba militantes no simpatizantes, bainhira halo konsolidasaun iha Aldeia Selegua, Suku Sagadate, Postu Administrativu Laga, Munisípiu Baucau, Tersa (20/03/2018).

Prezidente Partidu Libertasaun Popular (PLP) ne’e afirma, Governasaun ba dala walu, sei diferente ho Governasaun tinan 10 ba kotuk, tanba líder rezistensia Kay Rala Xanana ho Taur Matan Ruak la’o hamutuk tau tan ho alin Naimori.

“Ha’u lori maun bo’ot nia naran no alin Naimori nia naran, agradese imi-nia partisipasaun votu iha tinan kotuk, husu mós para tinan ida ne’e fulan maiu kontinua tan, labele para, hotu-hotu tenke hamrik ba vota ba ita nia futuru, tanba ukun ida agora sei la hanesan ho tinan 10 liu ba kotuk, tanba hanesan uluk iha ai-laran maun Xanana mak komandante bo’ot no nia Vise mak Taur Matan Ruak, ho konfia-an no konfia povu hotu, tanba lori povu mak hetan ukun-an, no agora mós lori imi mak hetan moris di’ak,”tenik Matan Ruak.

Lee hotu :   Alkatiri akuza KO sai sentru korupsaun ■Xanana: Estadu nia airin a’at

Taur mós rekomenda ba militantes no estrutura AMP, tenki halibur organizasaun arte marisiais no ritual sira, hodi konjunta forsa para lori Timor ba oin.

“Buka ita-nia alin sira hotu halibur, Fita mean, Bua malus, KORK, Kera-sakti, PSHT, 55, Padjajaran, ne’ebé de’it bolu hotu sira, tanba uluk ita hamutuk ho sira mak brani, tebe rai no doko rai, agora mós ita tenke halibur sira para hetan forsa no kbi’it para lori Timor ba oin, tanba ne’e eleisoens ida agora ne’e la hanesan ho eleisaun sira baibain, ida ne’e espesial, no importante, tanba ita tesi ita-nia futuru ou tesi ita-nia mate, ne’e hanesan referendu ba daruak,”Taur fo hanoin.

Eis Xefi Estadu ne’e mós enkoraja povu hotu, atu ezerse nia direitu iha eleisaun antesipada, tanba EA ne’e nu’udar eleisaun espesial ne’ebé diferente ho eleisaun sira antes.

“Ami mai atu agradese imi, no husu imi atu partisipa iha vota, liu-liu ba veteranus no kombatente sira, tanba eleisaun ida ne’e espesial. tanba tuir ita-nia konstituisaun to’o tinan 5 mak foin eleisaun dala rua, mak Prezidensial no Parlamentar, mosu eleisaun antesipada tanba partidu 5 ne’ebé povu fo fiar iha eleisaun parlamentar, laiha ida mak hetan kadeira 33 para ukun mesak, tanba ne’e Prezidente Repúblika dissolve Parlamentu hodi ba eleisaun antesipada,”katak Taur.

 Alende ne’e, Sekretariu Jeral Grupu Movimentu Agrikultura, João Samantha, hateten, lori grupu movimentu agrikultura apoia ba AMP nu’udar opsaun úniku, tanba konseitu grupu nian hanesan ho líder AMP nia hanoin.

“Ida ne’e úniku opsaun, tanba ema sira ne’ebé halibur hamutuk iha organizasaun ida ne’e, kuaze mai husi rezistensia, tanba líderansa AMP mós iha hanoin ne’ebé hanesan ho ideia no konseitu ne’ebé durante ne’e ami defende, oinsa para lori povu vida agrikultor hola parte iha prosesu dezenvolvimentu, tanba ida ne’e mak nu’udar fator prioridade ba ami-nia movimentu,”dehan Samantha.

Lee hotu :   FRETILIN LAKOHI FO BA CNRT FORMA GOVERNU

Líder movimentu agrikultura ne’e garante, ho esforsu ne’ebé membru no estrutura grupu ne’e iha, sei lori Xanana no Taur Matan Ruak ultrapasa sitausaun polítika aktual no sei garante apoia parlamentar ne’ebé sufisiente.

Nia mós sujere ba lideransa sira partidu polítiku nian, atu labele insulta malu, no garante estabilidade, tanba povu hatudu ona nia maturidade polítika, tanba ne’e tenke hato’o orientasaun polítika ho profisional hodi atrai votante nia konfiansa.Say

 

Add to Comments Here!!!!

error: Content is protected.
Secured By miniOrange
You might also like:
Uniaun Europeia no Governo Alemaña apoia Milaun 22 USD ba MAP

Uniaun Europeia no governo Alemaña apoia...

Asegura FM, Lere hato’o opsaun rua ba Estadu

Atu asegura liña Fronteira Marítima (FM)...

TR simu lista kandidatura partidu koligasaun no individu 10

Tribunal Rekursu (TR) simu ona lista...

Close