JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Estadu rekoñese arte marsiais no rituais ■Lei la bandu loke arte marsiais

Estadu rekoñese arte marsiais no rituais ■Lei la bandu loke arte marsiais

Relasiona ho konfuzaun ne’ebé mosu iha públiku konaba partidu polítiku sira ne’ebé uza arte marsiais no rituais sai objetu iha konsolidasaun, Deputada Parlamentar Komisaun Permanente, Carmelita Caetano Moniz, esplika, Estadu rekoñese arte marsiais no rituais liu hosi kriasaun lei hodi regula.

“Uluk ita iha lei arte marsiais, maibe iha tinan 2017, halo tiha alterasaun ba lei arte marsiais, tanba ita mós iha lei ida konaba armas brankas, entaun hamoniza tiha lei 2 ne’e halo sai ida de’it, mak lei arte masiais e armas brankas,”dehan deputada Carmelita Caetano Moniz ba jornalista iha Parlamentu Nasionál(PN), Segunda( 26/03/2018).

Eis prezidente komisaun konstitusionais ne’e afirma, iha V alterasaun lei kodiku penal, nú 5/17 de Abril 2017, labandu atu loke organizasaun ka arte marsiais sira, maibe tenke tuir regra ne’ebé vigor.

“Armas brankas, ita kriminaliza rama ambon, tanba ne’e se se de’it mak kaer rama ambon ne’e krime, maibe sira seluk lae, iha lei estadu rekoñese arte marsiais, maibe molok harí arte marsiais tenke tuir kriteria, katak tenke rejisata, tenke iha estrutura arte marsiais nian, ho nia objetivu no misaun ne’e tenke klaru no pozitivu,”dehan Carmelita Moniz.

Nia  hateten, tuir lei, Polísia Nasionál Timor-Leste (PNTL) mós sei labele kaptura membru arte marsiais ruma uza atributu, bainhira lahalo krime ruma.

“Lei la bandu arte marsiais ida atu uja sira nia farda, bainhira arte marsiais ne’e harí ho nia objetivu klaru,  Polísia sira mós labele kaer ema arbiru de’it, Polísia kaer ema ruma bainhira ema ne’e halo asaun krime, Polísia kaer ema bainhira uja farda ka atributu (arte marsiais) so iha indikasaun krime ruma ho faktus no evidensia, katak arte marsiais ne’e halo atividade ne’ebé kontra lei, halo perturbasaun ba ordem públika, kria instabilidade, ne’e bele, maibe tenke iha investigasaun ida klean, tanba arte marsiais ne’e buat pozitivu ida, para atu eduka ita nia juventude sira feto no mane, hodi dezenovolve hobi ne’ebé mak sira iha ba aspeitu pozitivu,”tenik deputada CNRT.

Lee hotu :   Última Hora - Anunciados novos membros do Governo timorense, mas executivo ainda incompleto.

Reprezentante povu ne’e sujere ba membru arte marsiais sira, atu utiliza arte marsiais ho loloos, tanba loke arte marsiais ne’e la’os atu koko forsa ba malu entre grupu, maibe eduka ema atu sai ema no hatene kontrola emosaun.

Carmelita dehan, arte marsiais ne’e atividade diak ida, bainhira hotu-hotu utiliza ba aspetu pozitivu, hanesan Taekwondo, karate no seluk tan ne’ebé rekoñese iha mundial.

Tuir lejisladora ne’e, bainhira pesoal ruma halo krime, maske mai husi arte marsiais, maibe labele jeneraliza hotu grupu arte marsiais nian sai kriminozu.Say

Add to Comments Here!!!!

error: Content is protected.
Secured By miniOrange
You might also like:
JORNAL NACIONAL GMNTV Loron-26 Fulan-Marsu Tinan-2018

Governu la responde pergunta 29, AMP sei prosesa ba oin

Pergunta sira ne’ebé foin lalais hamutuk...

Abilio Araújo apresenta delegasaun INVESTL ba Alkatiri

Prezidente kompaña INVESTL, Abilio Araujo, Segunda...

Close