JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsolidasaun iha Bobonaro, Lideransa AMP husu militantes labele monu ba manobra Parpol seluk

Konsolidasaun iha Bobonaro, Lideransa AMP husu militantes labele monu ba manobra Parpol seluk

Koligasaun Aliansa Mudansa ba Progresu (AMP), mobiliza masa partidu tolu, CNRT, PLP, no KHUNTO iha Munisípiu Bobonaro, hodi hasa’e bandeira AMP iha Suku Lourba, Postu Administrativu Bobonaro, Munisípiu Bobonaro.

Iha atividade hasa’e bandeira AMP ne’e, lideransa sira husi partidu tolu ne’e husu ba estrutura AMP iha Munisípiu refere atu labele monu ba manobra husi partidu polítika sira seluk no importante servisu maka’as hodi bele alkansa vitória iha eleisaun antesipada ne’ebé sei hala’o iha loron 12, fulan maiu, tinan ne’e.

Portavoz AMP Munisípiu Bobonaro, Fernando de Jesus Bareto, hateten, objetivu husi hasa’e bandeira AMP ne’e,  atu liu husi partidu tolu ne’e, ho objetivu atu hetan vitória iha eleisaun antesipada ne’e.

“Hanesan portavoz hakarak hatete katak, ami husi Suku 9 esforsu tomak hodi habelar programa AMP nian ba povu, no espera katak, iha eleisaun antesipada ne’e, AMP sei manan iha Suku 9 ne’e,” katak Fernando.

Nune’e mós, reprezentante Veteranus,  Postu Administrativu Bobonaro, Jaime dos Santos konsidera  konsentrasaun partidu tolu iha Suku ne’e, hatudu katak, partidu tolu ne’e sólidu no unidade maka’as los.

“Ita-nia maun Xanana nia mehi husi tempu rezistensia to’o agora mak, povu tenki moris diak iha aspetu hotu. Maun Xanana nia esforsu bo’ot to’o ohin loron mak, ita manan tiha ona ita nia fronteira maritima ho Australia,” relata Jaime dos Santos.

Tanba nee, Jaime dos Santos bolu atensaun ba povu iha Postu Administrativu Bobonaro ne’e atu fó vitória ba AMP.

“Tanba ne’e, ha’u husu ba povu tomak atu respeita veteranus sira, liu-liu Xanana Gusmao, Taur Matan Ruak no Naimori, tanba sira nia mehi ba povu no nasaun ida ne’e furak tebes,”relata Jaime.

Lee hotu :   Antes hahú VIII Governu, Governante KHUNTO sei jura iha Ramelau

Alende ne’e, Koordenador Rejional CNRT, Jacinto Rocke, hateten, uluk liafuan ida de’it mak povu kaer metin mak, mate ka moris ukun rasik aan.

“Ha’u mai atu hatete ba inan aman sira katak, mai ita hamutuk iha AMP ita sei lori ita-nia nasaun ba oin. Estrutura sira tenki Servisu maka’as, tanba partidu sira seluk fó atensaun liu ba Bobonaro, Ermera no Dili, tanba Munisípiu tolu ne’e mak potensia tebes atu manan. Konsolida ita-nia militante sira no kaer metin sira hodi ema labele sobu, no buka atu sobu partidu seluk hanesan FRETILIN no PD,” katak Jacinto.

Jacinto Rocke mós husu ba estrutura AMP iha Bobonaro atu labele monu ba manobra oi-oin husi partidu seluk, no tenki mantein dame no paz.

Vise Prezidenti Partidu KHUNTO, Antonio Verdial de Sousa, hatete, seremonia hasa’e bandeira AMP nian atu hametin liu tan estrutura AMP nian iha nivel Munisípiu to’o Aldeia.

“Mandatu kuarta Lejislatura nian fulan nen de’it, tanba VII Governu la’o la estavel. Tanba ne’e Prezidenti Repúblika foti desizaun hodi disolve Parlamentu Nasional. Ita haree ba situasaun agora, tanba saida mak AMP mosu, ita iha mehi ida atu bele mantein pozisaun atu asegura sustentabilidade Governativa atu iha futuru mai labele mosu eleisaun antesipada,” afirma nia.

Tanba ne’e, António Verdial dehan, atu asegura estabilidade Governativa, tenki hetan parlamentu ne’ebé forte, tanba estabilidade Parlamentu Nasional, mak estabilidadde Governativa mós garantidu.

“Atu alkansa Xanana nia mehi, ita tenki suporta nia, ita tenki define nia destinu iha 12 de Maiu, atu nune’e Bobonaro oan tomak bele lori Xanana Gusmão ba Primeiru Ministru. Ha’u hameno ba estrutura AMP iha Munisipiu bobonaro atu fó liman ba malu, atu halo aprosimasaun hodi buka ita nia maluk sira ne’ebé iha tinan liu ba, karik la vota, enkoraja sira hodi ba vota iha eleisaun atensipada ne’e. maibé ita tenki aproxima povu ho domin, atu povu bele senti moris iha domin, dame no pas nia laran,” katak António Verdial.cos

Add to Comments Here!!!!

error: Content is protected.
Secured By miniOrange
You might also like:
CEFTEC kapasita FP iha área komunikasaun, relasaun publikas no protokolu

Centro de Formacão Tecnica em Comunicacão...

Bareira mota Manleuana fo ameasa ba komunidade

Xefi Suku Manleuana, Jacob Tilman Soares,...

Impaktu husi udan bo’ot, Merkadu Taibesi nakonu ho foer

Iha semana ida ne’e nia laran,...

Close