JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Konsolidasaun iha Suku Bemori, FRETILIN hametin konfiansa juventude

Konsolidasaun iha Suku Bemori, FRETILIN hametin konfiansa juventude

Konsolidasaun iha Suku Bemori, Postu Administrativu Nai Feto, Munisípiu Dili, lideransa Comite Central FRETILIN orienta Juventude sira nia konfiansa atu mobiliza povu hodi vota FRETILIN.

Membru Komisaun Polítika Nasional FRETILIN, Estanislau da Silva hateten,konsolidasaun partidu FRETILIN ba juventude iha Suku Bemori ne’e, ho objetivu atu hametin konfiansa juventude nian atu prepara ba eleisaun antesipada ne’ebé mak sei hala’o iha loron 12 Fulan Maiu tinan ne’e.

Estanislau da Silva hatutan, FRETILIN nia programa prioridade liu ba hadia edukasaun no saúde, no fó oportunidade hanesan ba Timoroan atu partisipa iha dezenvolvimentu Timor Leste nian.

“FRETILIN hakarak investimentu maka’as iha edukasaun, para fó edukasaun diak ba ita nia povu, no FRETILIN hakarak investimentu iha saúde, hakarak kria kondisoens para joven sira partisipa liu husi kriasaun fundu investimentu iha fundus agrikultura, mobiliza joven sira atu partisipa,” relata Estanislau da Silva ba jornalista sira iha Suku Bemori, Sabadu (24/03).

Nia hatutan, durante ne’e, Governu la konsege halo investimentu diak hodi kria konfiansa atu fó kapasitasaun diak liutan, no kria kondisoens para médiku sira bele servisu ho diak, hodi fó atendimentu diak ba pasiente sira.

“Tanba ne’e, hakarak ita nia oan sira ba eskola iha eskola públika ne’ebé diak, so FRETILIN mak bele fó, hakarak it aba hospital hetan saúde ida diak, so FRETILIN mak bele halo programa diak, tanba ita gasta osan barak ona, maibé ita nia edukasaun ne’e, se marka pasu hela, ita gasta osan barak ona, ita nia kondisaun saúde iha ita nia rai ne’e, se iha difikuldade barak,”  tenik Estanislau.

Nia afirma, FRETILIN komprometidu, no FRETILIN nia programa hakarak hadia ida ne’e, FRETILIN nia programa hakarak mós Timoroan hotu moris ho oportunidade hanesan, para bele hetan asesu ba empregu, no hetan asesu ba partisipasaun dezenvolivmentu inkluzivu.

Lee hotu :   STAE rejista eleitores 784.000 tuir Eleisaun Antesipada

“Ami fó ba joventude topiku importante ida katak, ho Governasaun FRETILIN nian, sei kria oportunidade ba partisipasaun joven sira, liu husi kriasaun empregu, formasaun iha área teknika no no kria kondisoens para sira partisipa iha dezenvolvimentu teknologiku, tanba ida ne’e importante tebes,” katak Estanislau.

Alende ne’e, koordenador Juventude Suku Bemori, Egas Soares hateten, problema juventude nian, tenki transforma hanesan instrumentu estratejiku.

“Ita atu buka solusaun ba problema joven iha Suku Bemori, tanba Bemori sei sai ezemplu ba Suku hotu iha teritoriu Timor laran tomak. Ha’u fiar katak FRETILIN sei manan,  joven nia futuru la insertu, no joven nia futuru sei nakonu ho buat ne’ebé diak,” relata Egas.

Nia hatutan, tenki reforsa kna’ar juventude iha prosesu dezenvolvimentu nasional, no emprendorismu juvenil ho nia forma finansiamentu, oinsa mak bele tulun joven sira hodi dezenvolve sira nia moris lor-loron nian, tanba joven mak autor principal ba produsaun ekonómia, prosesu hotu.

“Maibé atu prepara joven ba produtor ekonómia ba Estadu no nasaun, ita tenki iha polítika ida ne’ebé klaru, atu bele identifika problema social ne’ebé mak joven infrenta,” tenik Egas.cos

Add to Comments Here!!!!

error: Content is protected.
Secured By miniOrange
You might also like:
PNTL investiga autor kesi labarik ho tali

Polísia Nasionál Timor-Leste (PNTL) Munisípiu Baucau,...

DIT asina akordu ho INAP, Oferese formasaun IT ba funsionariu RAEOA

Dili Institute of Technology (DIT) no...

PD kontinua obra jerasaun tuan

Sekretáriu Jeral Partidu Demkorátiku (PD) Antonio...

Close