JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

KP la’os fizkaliza atividade Governu ■Fidelis:Ne’e lalos

KP la’os fizkaliza atividade Governu ■Fidelis:Ne’e lalos

Deputadu bankada FRETILIN, Francisco Miranda Branco,  afirma, Komisaun Permanente (KP) Parlamentu Nasional nia kompetensia ne’ebé konsagra iha artigu 102 alinea 3, la’os atu halo fiskalizasaun ba atividade Governu nian, maibe atu akompaña hodi alista de’it fallansu Governu nian.

“Komisaun Permanente ne’e halo akompañamentu de’it ba atividade Governu nian, no alista de’it saida mak Governu halo, lakestiona tan, tanba la’os hanesan Parlamentu normal ne’ebé halo fiskalizasaun, halo lei no halo desizaun polítika,”esplika deputadu bankada FRETILIN, Francisco Branco ba jornalista sira Parlamentu Nasionál(PN), Kinta (15/03/2018).

Tuir deputadu Komisaun Permanente ne’e, konaba prosesu orsamentu duo-désimu, komisaun permanente so bele akompaña no rejista de’it informasaun, maibe la presiza aprezenta relatoriu ba PN.

“Parlamentu kuandu disolvidu, nia knaar atu fiskaliza, halo desizaun polítika ne’e laiha ona, tanba tempu limitadu. Tanba ne’e mak kontstituisaun hateten akompaña de’it ba atividade Governu nian,”dehan Branco.

Maske nune’e, deputadu bankada PLP, Fidelis Magalhães, la konkorda ho opiniaun bankada FRETILIN nian ne’ebé sala, no hodi klarifika katak, Parlamentu Nasionál nia poder kompletu hela maske dissolve, tanba konstituisaun RDTL artigu 100 dehan, disolusaun PN nian la hamate mandatu deputadu nian, to’o parlamentu nia reuniaun dahuluk hafoin liu tiha eleisaun subsekuente.

“Ema ne’ebé dehan Komisaun Permanente nia kompetensia akompañamentu ho fiskalizasaun diferente ne’e laloos, tanba poder ka mandatu parlamentu nian ne’e kompletu hela. PN nia poder ne’e nakonu, ne’e signifika poder ida atu fizkaliza atividade Governu nian sei la mate, akompaña ne’e la diferensa ho fiskalizasaun, tanba akompaña haree, no ejize ita, tanba PN nia poder kompletu, tanba nia mandatu seidauk hotu, nia tenke ezerse nia knaar hanesan fiskalizador to’o nia mandatu ne’e hotu,”katak Fidelis.

Lee hotu :   BOAMP espera desizaun PR Lú Olo tuir KRDTL, FRETILIN hakarak eleisaun antesipada

Antes ne’e, deputada bankada CNRT, Carmelita Caetano Moniz, hateten, objetivu ba kompetensia Komisaun Permanente nian, atu akompaña no fiskaliza ba atividade Governu hanesan de’it no laiha diferensa.

Tuir konstituisaun RDTL konaba kompetensia Komisaun Permanete nian konsagra iha artigu 102 alinea 3 pontu A, hateten, akompaña servisu sira Governu nian no mós administrasaun nian. Alinea 3 pontu B hateten, koordena servisu sira komisaun nasionál nian.

Pontu C, promove konvokasaun Parlamentu nian, iha pontu D hateten, prepara no organiza Parlamentu Nasionál nia sesaun sira, no iha pontu E dehan, autoriza deslokasaun Prezidente Repúblika iha rai-laran, iha pontu F mós hateten, dirije Parlamentu Nasionál nia relasaun ho Parlamentu no instituisaun análojia sira iha rai seluk, inklui iha pontu G dehan, autoriza deklarasaun Estadu serku nian no Estadu emerjensia nian.Say

 

Add to Comments Here!!!!

error: Content is protected.
Secured By miniOrange
You might also like:
Arão – Fidelis Jerasaun foun lahanoin atu hafahe lider nasional

Xefi bankada  CNRT, Arao Noé, ho Xefi...

Kongresu Nasional RENETIL Dahitu, Revitaliza papel RENETIL hodi hametin soberanu Estadu

Kongresu RENETIL (Rejistensia Nasional Estudante Timor-Leste)...

PM Alkatiri: Mantein unidade RENETIL

Primeiru Ministru (PM), Mari Alkatiri informa,...

Close