JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Lere: Lideransa istóriku hamutuk mak Nasaun ba oin ◄Jerasaun foun labele fahe lider sira

Lere: Lideransa istóriku hamutuk mak Nasaun ba oin ◄Jerasaun foun labele fahe lider sira

Xefi Estadu Maior Falintil Forsa Defeza Timor Leste (F-FDTL), Maijor Jeneral Lere Anan Timur, husu ba lider jerasaun foun sira atu labele fahe lideransa istóriku sira, tanba sira hamutuk mak Nasaun ne’e bele lao ba oin. 

Lere Anan Timur mós husu ba lider istóriku sira hanesan, Kay Rala Xanana Gusmão, Ramos Horta, Mari Alkatiri no lider sira seluk tan tenki hamutuk, tanba enkuantu la hamutuk Timor-Leste sei labele moris iha hakmatek no paz nia laran.

“Sira la hamutuk Timor la hakmatek, ida-idak dada ninian, Timor la hakmatek. Hanoin ita nia maun Xanana ema ida mak iha estratejia, ema ida ke iha planu no hanoin halo oinsa atu lori buat ida to’o nia objetivu final. Ramos Horta ema ke diplomta, ema ne’ebé mak bele konvense mundu, bele konvense ema atu bele apoia ita no ita nia maun Alkatiri. Lider jerasaun foun sira labele koalia arbiru hodi fahe lider istóriku sira, maibé buka oinsa atu halo sira hamutuk hodi lori nasaun ba iha progresu no dezenvolvimentu, paz no estabilidade nia laran,” hateten Xefi Estadu Maior F-FDTL, Maijor Jeneral, Lere Anan Timur, ba jornalista sira, Kuarta (14/3/2018) hafoin enkontru ho Prezidenti Repúblika, Francisco Guterres Lú Olo, iha Palácio Prezidensiál Nicolau Lobato Díli.

Lere mós hato’o nia preokupasaun ne’ebe refere ba Xefi Estadu kona-ba polítiku jerasaun foun sira ne’ebé fahe lidér istóriku sira, liuliu lider sira husi frente Armanda no Frente Diplomátiku hanesan Xanana Gusmão, Ramos Horta no Mari Alkatiri.

Durante iha enkontru Maijor Jenerál Lere Anan Timur mós ko’alia mós kona-ba ninia preokupasaun ba seguransa Fronteira Marítima nian. Tuir Majór Jenerál Lere, Timor-Leste tenki triplika nia esforsu ba seguransa hodi defende soberania área marítima nasionál.

Lee hotu :   FRETILIN manan eleisaun sei dezenvolve área peska iha Liquiça

“Fronteira Maritima tama ita-nia tasi ne’e kestaun de soberania. Ita iha mós ita-nia esplorasaun mina iha Greater Sunrise (GS) ne’ebá, por ezemplu, ahi-han ne’ebá sé mak atu inteven, iha polusaun sé mak atu ba hamos tasi, sé ema ruma mak tenta atu halo kuak ita-nia pipa iha laran sé mak atu ba asegura, tamba ne’e mak ita preokupa boot”, afirma Majór Jenerál Lere.

Xefi Estadu Maior Falintil Forsa Defeza Timor Leste (F-FDTL), Maijor Jeneral Lere Anan Timur kontinua hatudu ninia respeitu ba lider istóriku Kay Rala Xanana Gusmão nu’udar mestre no komandante, desde uluk to’o ohin loron.

“Hanesan ohin ita boot husu katak, em vez de Xanana mai ba governu no Prezidenti Repúblika,  maibé ba fali iha sede CNRT, ne’e maun Xanana nu’udar ita nia maun boot sei esplika, tanba saida, maibé ha’u labele dehan katak maun Xanana sala ka nia loos tanba nia ha’u nia mestre no komandante,” haktuir Lere. Ías

Add to Comments Here!!!!

error: Content is protected.
Secured By miniOrange
You might also like:
Relatoriu orsamentu duodésimu tenki aprezenta ba PN

Deputadu Komisaun Permanente (KP) iha Parlamentu...

Produs Osan Dollar falsu, Timoroan bele sai autor no vitima

Autor Timor oan ida ho inisial...

Embaixador foun Australia hasoru MRM ■Entrega karta apresiasaun

Embaisador foun Australia mai Timór-Leste Peter...

Close