JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

Osan halakon valor luta Timor-oan nian

Osan halakon valor luta Timor-oan nian

Valores luta hanesan tane malu, hadomi malu iha tempu rejistensia nia laran, dadaun ne’e lakon no mihis ba dadaun ona husi Timor-oan sira nian tanba de’it osan no hadau kadeira iha instituisaun sira.

Prezidente Associação dos Combatentes e Veteranos da Luta Libertação Nacional (ACVLLN), David Dias Ximenes ‘Mandati’, hateten, semináriuiu ne’ebé ACVLLN halo, relasiona ho situasaun moris Timor-oan nian ohin loron ne’e.

“Hot-hotu matan ba de’it osan, haluha tiha maluk sira seluk. Entaun valores luta nian ne’e ita kaer fali iha dezenvolvimentu nasional, kuandu ita komesa hanoin malu, para ita dezenvolve aan hamutuk, la’os ha’u dezenvolve uluk ha’u nia aan, husik ha’u-nia maluk sira hanesan agora. Ha’u sempre dehan bebeik, jangan ada yang hidup di langit yang ke 7, ada yang bernapas dibawah lumpur,” relata David Dias Ximenes ba GMN iha sede ACVLLN iha Bairo Grilos Dili, Kinta (15/03).

Tema husi semináriuiu ACVLLN ne’e mak hanesan, “Transformasaun valores luta ba dezenvolvimentu nasional”.

“Ita haree ba, ita lahatene tuir ona aan, ida apoia partidu ida ne’e, no seluk apoiu partidu ne’eba, ita ko’alia ba malu ne’e, hanesan fali ema fuik leet ba malu. Ita kuandu ko’alia kona ba terus ne’e, ita halo ho laran, ita hanoin malu, ohin loron ha’u moris ne’e, tanba ha’u nia maluk sira ne’e proteje ha’u, maibé ohin loron ita ko’alia insulta malu tan de’it,” dehan David Dias Ximenes.

Nia haktuir, tanba saida mak agora ne’e Timor oan sira lakohi tu’ur hamutuk hodi ko’alia ba malu liu husi diálogu, tanba ida-ida hanoin liu ba nia interese.

Nia afirma, dalabarak ukun na’in sira sempre ko’alia kona ba libertasaun povu, maibé ida-ida hanoin de’it ba kargu saida mak atu asume.

Nia afirma, kuandu iha dekadensia social hanesan ne’e, mak ema sira ne’ebé mak mate ba ukun rasik aan, no sira ne’ebé luta to’o ohin loron sei moris, laiha ona valor, tanba de’it ida-ida halo no hanoin ninia aan de’it.

“Ida ne’e egoismu, tanba ida-ida hanoin de’it katak, ha’u tenki riku uluk, mas lahatene katak, ita nia maluk sira seluk terus. Ita buka de’it aproveitamentu ona, valores da luta atu dezenvolve ne’e laiha tiha ona,” katak David Dias.

Iha semináriu ne’e, veteranu sira mós konkorda atu Timoroan sira harii partidu barak iha Timor Leste, hodi povu bele hili partidu ida ne’ebé nia hanoin diak liu ba nasaun ne’e, maibé la’os atu insulta malu.

Tuir David Dias, kritika malu ne’e, la’os atu hatun malu, maibé atu foti malu hodi sosiedade bele moris saudavel.

Jerasaun foun ho jerasaun tuan tenki tu’ur hamutuk hodi ko’alia ba malu, buka atu hamoris partidu sira ne’e, la’os atu insulta malu, maibé dinamiza demokrásia.

“Kontrariu ne’e iha duni, maibé la’os antagonisme, maibé atu dezenvolve, tanba ita iha hanoin positivu no negativu mak bele hetan idea foun atu la’o ba oin,” relata David Dias.

Nia haktuir, ukun na’in sira labele hatudu dalan aat ba povu, tanba povu Timor Leste mate barak ona iha tempu rejistensia, agora ne’e tenki hatudu dalan foun ba moris diak.

Orador sira ne’ebé mak partisipa iha semináriu veteranu sira nian ne’e mak hanesan, Armindo Maia, no orador ida mai husi nasaun China, tanba dezenvolve aan liu husi etapa tolu mak hanesan, liberta sira nia rai, liberta povu no agora iha ona etapa dezenvolvimentu.cos

 

Lee hotu :   Relatóriu duo désimu ba VIII Governu preparadu ■Ezekuta deit 65%

Add to Comments Here!!!!

error: Content is protected.
Secured By miniOrange
You might also like:
KP la’os fizkaliza atividade Governu ■Fidelis:Ne’e lalos

Deputadu bankada FRETILIN, Francisco Miranda Branco,...

Arão – Fidelis Jerasaun foun lahanoin atu hafahe lider nasional

Xefi bankada  CNRT, Arao Noé, ho Xefi...

Kongresu Nasional RENETIL Dahitu, Revitaliza papel RENETIL hodi hametin soberanu Estadu

Kongresu RENETIL (Rejistensia Nasional Estudante Timor-Leste)...

Close