JavaScript must be enabled in order for you to see "WP Copy Data Protect" effect. However, it seems JavaScript is either disabled or not supported by your browser. To see full result of "WP Copy Data Protector", enable JavaScript by changing your browser options, then try again.

PR Lú Olo promulga ona dekretu lei KKLN

PR Lú Olo promulga ona dekretu lei KKLN

Atu defini destinu veteranus ninian, iha loron 21, fulan Marsu ne’e, Prezidente Repúblika (PR), Francisco Guterres ‘Lú Olo’ promulga ona dekretu lei estatutu orgániku Konsellu Kombatente Libertasaun Nasional (KKLN).

“PR promulga ona proposta dekretu lei ne’ebé mak aprova estatutu orgániku KKLN, iha loron 21, fulan Marsu 2018. Diploma legál ne’e ninia intensaun atu defini estrutura, objetivu no kompeténsia Konsellu Kombatente ne’e nian. Konsellu ne’e hamriik nuudar asosiasaun públika ida ne’ebé maka sai nuudar orgaun sentral ba organizasaun sira hotu veteranu nian iha Timor-Leste,” PR Lú Olo liu husi komunikadu imprensa iha Palasiu Prezidensial, Bairo Píte, Díli, Segunda (26-03-2018).

Nia esplika, Konsellu kombatente ne’e nu’udar orgaun konsulta Governu nian, kona-bá asuntu hirak ne’ebé mak relasionadu ho veteranu.

“Iha tinan 2017, PR Lú Olo veta diploma ne’ebé foin hetan promulgasaun ne’e, tanba PR iha dúvida balu kona-bá konteúdu diploma ne’e ligadu ho aspeitu konstitusionalidade no legalidade. Iha momentu ne’ebá PR la promulga, tanba hakarak atu iha diploma legal ida ho kualidade diak, hodi nune’e la hamosu problema iha prátika. PR jura defende no halo tuir konstituisaun no lei sira. Tanba ne’e maka iha momentu ne’ebá PR Lú Olo hato’o ninia dúvida liu husi veto no hato’o nafatin disponibilidade ba Governu no ba Parlamentu Nasional atu halo serbisu hamutuk ba kestaun veteranu sira nian,” hateten PR Lú Olo liu husi komunikadu imprensa ne’e.

PR, Francisco Guterres ‘Lú Olo’ halo promulgasaun ba diploma ne’e, tanba hakarak tebes atu involve veteranu sira iha prosesu dezenvolvimentu nasional no mós hakarak atu kontribui ba prosesu hadia veteranu sira nia moris liu husi Konsellu refere.

Lee hotu :   OJE 2018, GOVERNU HUSU BILLIAUN 1.2 USD

“PR hein katak entidade públiku hotu-hotu ho komponente privadu tomak, sei halo esforsu hamutuk hodi konkretiza ita hotu nia mehi atu halo ema hotu-hotu, inklui veteranu sira, ne’ebé durante tinan barak dedika an tomak ba ita-nia ukun rasik an, bele sinti duni ukun rasik ne’e ninia rezultadu,” esperansa PR.

Promulgasaun dekretu lei ne’e parte ida husi kumpri kompromisiu polítika PR Lú Olo durante ninia mandatu hodi hatuur ás kestaun Kombatentes Libertasaun Nasional no Veteranus Luta Independénsia nian. Ho promulgasaun dekretu lei ne’e bele halibur veteranu sira hodi hamutuk kontinua kontribui ba dezenvolvimentu nasional. Ves

Add to Comments Here!!!!

error: Content is protected.
Secured By miniOrange
You might also like:
Ramos Horta: Labele ansia tama ASEAN

Reprezentante  Timor-Leste  iha    Prosesu Negosiasaun Adere ba Association of...

City Fetures GMNTV, Eds.07

Feto Iha Kareira Edisaun.7 (Versaun Video Kompleitu)

Close